1 Bre bar mborow ikorr nden ber eurr ka nogor mbor kok wurr ne Abon Ishor, na yor tep ne ayem mer. 2 Aneb ikorr ngha ntiga wurr abon Ishor, ika tepe na wurr uba jlor, wurr uyyi na igaranti Christy ba jokgo, wurr aba jolor na-weh, wurr uyebe yene na areror. 3 Nendegedege nyo ikpelor ukono-nterr kah ba jolor wele-wele ne ujibe na wer-fono welor. 4 Nendegedege nyo lemo ibebe bugbor ibene tep nan ibebe ti fufor. 5 Wun nyiyi na Christy ba jokgo nogor atap abebe. ngho ige-idi ibebe irem. 6 Nen-ne nyo yo shaga nenne yop ikpe lim abebe, nendegedege nyo mmer ikpe lim abebe ka yen ne afi niyeh. 7 Abonshe ka wun tama nendegedege fele wun tan. Neyo yolem gbol re gbol na christy fofono reror. 8 Neyo limor ibebe rugor idi nim, tep ne nim bulim ibebe gbep ngor iyop-itulor. Tep ne-nan Mon-Ishor jok, nyo nji aba fele ifangha nim rungor. 9 Nendegedege nyo mbor ber bel ngor idi Ishor yom kpe lim ibebe, tep ne amogor ite Ishor iyo shaga kehe Ayom kpelim abebe tep ne-nan Ishor ber bel. 10 Ngha atu-ya abon Ishor ne abon nim ibu jok gbol, nendegedege yor ka limor nti gbol rem ngor idi Ishor; afi neyo ka kpelor ikorr mkbayen 11 Ngha itum nti wun ber yok gbep ngor iyoptulor: wurr ufon ikorr atem. 12 Uti jol na Cain nyor rurow ngor idi nim fenghe yol mkbayen. Nan wendor ayo-le? weh jol limer ashapashap, gbaye jolor gbol. 13 Iti wun tan ikoh wun ba gbayel bama, jolor aka korr mfam. 14 Ubu jok shaga iku tum ngor ikpen, tep ne ukpe ikorr agbayel bree. 15 Nendegedege nyor ka ikpelor ikorr regor iku. Nendegedege nyor ka korr-re nyolor neyor. nyolor ane yor nendegege ikpem ikpen igain-gain ngho ngobji yeh. 16 Tep ne-nor ubuyi ikorr tep nor Mon-Ishor fenghe ne ikpen teh ka wurr. fufor wurr ililag nyor-ji ume fenghe ne ikpen tere ka agbayen bre. 17 Ken neyor ikpelor anonob abodo mfam yen gbayel yor mme shep, fenghe bam item imog tuger, nan ikorr Ishor ireror ngor ige-idi. 18 Abon bama wurr uti fon ikorr ilom, afi ilebe ken ufon nti ugban ne itembaga. 19 Nayor itep na wurr nyilor na uroror ngor itembaga, wurr ubulem item tere tep ber. 20 Jolor ntam iyol wurr, Ishor fulor sheng ntem yere, fufor ayi abaga waa. 21 Aneb-ikorr, jolor ntem yere ika yolor wurr, wurr ukpe ukonor nter ne-Ishor. 22 Ijom jidegede nji uye beb ngor idi-je, wurr uba kogor, tep nenan wurr ukpi gbege mbene yeh fenghe lim abodo nya iyolor korre. 23 Ngha mbene yeh yi, mber wurr ngo nbeng mon Jeus-Christy fenghe fonikorr ne atem, na weh kalor mbene-yeh. Neyor 24 gbelor mbene Ishor yor shaga nene, fufor weh Ishor yor shaga nene. Ngha wurr ba nyekge na aber shaga nenere, ngor ufu mbi akalor wurr.