Akpak 2

1 Abon, mer ikpi yono abodo nya tugor wun nogor wun tikpe lim abebe, ken jolor nedege limor ibebe, wurr ikpe mbongbonghone nshu-wurr, Jesu Christy nyor balor ngor innonob. 2 Wer ji yor yeme ka abebe yere ka wurr neteng shang, ka mfam waa. 3 Wurr ubuyo na uber bannogor ba nyiye, fenghe kpe mbene yeh. 4 Neyor bongho mbeh weh yiyi Ishor ka bomor nbeneh yeh neh nkikeme yor item-baga irem nene, 5 Neyo fengho bom alom ye ngho itemba ikorr-Ishor ire ikpekpe. Tep nena wurr uyi na ureror nene. 6 Nendege nyo bongho mber wer re-ne-Ishor wer fono jen nah ayo jen. 7 Anebikorr-bama,mer nimjoryon na ibene nfenfer, ngha na nkokolo ibene nyi, wun bertogor yok ngor iyob-itolor. Nkokolo ibene yi reror alom nya wun ber yok. 8 Fefene mme ikpi nyonor ibene fenfer ka wun, nji irero itembaga ngho idi Christy ne wor, tep-nenan ijinge ikpi shenge tum, fuforn irana nti ireror itembaga ikpi yaga. 9 Neyor bongho mber wer yop ngor irana fenghe fon ujing ne gbayel yop ngor ijinye tete ngha ntiga. 10 Neyor fonor ikorr ka ngbayenyo shaga ngor irana, ifan ijomjum irem nji abagbogor. 11 Neyor fono ujing ne gbayel yop ngor ijinye fenghe yor jen ngor ijinye, ayem idi a feror tep-nenan ijinye iber wae-amerr 12 Mme ikpi nyonor tugor wun abonshe, tep ne abebe yene nbu wun bak ngor mbeng ye. 13 Meh ikpi yonor tugor wun ba Nde-neh teh neh wun nyiyi wer-ji balor ngor iyop-tulor. mme ikpi nyonor tugor wun ajangkon, tep nenen wun bu shege abebe ane, mme bo nyon tugor abonshe tep nenan wun nyi nshu-wernw. 14 Mme ibu nyon tugor wun, ba nde-ne, tep nanan wun nyi neyor rurogor iyoptulor, mme mbu nyon tugor wun ajangkon, tep nenan wun kpeikorr fufor alom Ishor rengho nene, fufor wun bu shenge abebe ane. 15 Ka fon ikorr mfamafi abodo mfam. Jolor nendegedege fonor ikorr mfam, tep mer ikorr Ada iyop-bom mer. 16 Jolor ijom nji degede nji reror ngha mfam, ukporgor turnor nyam ngobji, ne amerr fenghe tiyi-kpen, iyorun ngor idi Ada shenim ngor mfam. 17 Abodo nya mfam yor shep ikpi shege tum, neyor limor ifangh Ishor ba jolor ikpen ntika kpelor ikukulor 18 Abonshe, igara ikukulor nti ngha, na wun ber yok mber aneba ika reror Jesu ikpa baga, ishi-bek-ba ikareror. Jesu iber ba. nta ibu tep mber igara ikukulor tingha. 19 Mbor ba jok wun shaga, mbor jolem nenere. ken mber mbor jolor nenere mbor ka jolor nenere. 20 Wun fono wuror akurr ngor idi ne-yor reror gbol, wun nyi yi waa. 21 Nyonim tugor wun tep nenan wun nyim itembaga tep ne ikikeme yop-bom ngoritem-baga. Nyono reror ne nkiikeme neyo tenno Jesu nyo reror Christy? 22 Nyono reror ne nkikeme neyo tenno beh Jesu yor reror Christy? Neyo yor rem ka Christy, na abeten Nde ne mon. 23 Nnengne yor ten mon tenne Nde. Neyor tamor tugor mon abu tama tugor Nde. 24 Ga wun ijom nji wun ber yok ngor iyoptulor ishaga nenene.nji aber yok ngorb iyoptulor shaga ka wor, fufor wor shaga ne-mon mbor ne Nde. 25 Ngha ukunyor mbi akalor wun ikpen igian-gain. 26 Mme bu nyon abodo nya tugor wun na aneba iyo fele wun tan 27 Ka wun ba, wun kolor akurr ngor ige-idi iba shaga ka wun, wun ikpem shep nene ikpe wun kpele, na akurr na iba wun kpele ijom njendegedege, fufor itembaga jinkikeme shang jol na abe wun kpele yeme kaa. 28 Ntiga abonshe, yeme wun kaye nye jok uyitifon ubol fenghe ber-ndon nogor akumba. 29 Jolor wun nyilor na areror kpekpe wun nyiyi na nedegede nyor yolim nti kono mbor bele ngho ige-idi