¹ Ngha ntiga, gum abodo nya wun nyono, "Inonob nyoji, nenom ti kulor nekal." ² Tep ne nyoho ngor abaga feb, fel nenum fon nwerr nkal, fufor fel nekal fon nwerr nnom. ³ Nnom kana limifangha nogor ayo nongho ne nkale, fufor ngho nkpa nyor, nekal bangha lem ne nome. ⁴ Nkal nne shang ikpelor ikor gum ngobji ye, nenom yor, ken nkale yolim. ⁵ Ka wun nime atem, shengm wun butama nne atem, ngho mon igara. Lim wun nor iyoji wun ba fono igara ka ndor ngho wun ba fenghe ne atem, iyoji nnim yitigiba wun yongho wun ka kagor ngobji. ⁶ Mme bongho abod nya ka wun ngor uro, fefene ngor ikor shang. ⁷ Ken mbe ntobor nne we nji ndegendege ire na mme ngha. Ken ntem tem ikpe iye mbaga ngor idi Ishor. (nne nwring) Ikpe nkok mbaga nya, nne we gor ikpe ite. ⁸ Ka mba ikabor ti bal alom ne akal fufo agol mme bong na, Inobusheng nogor mbor shaga nor na mme nreror. ⁹ Ken mbe, jolor mbor yi tigi ba kaga ngobji mbor kana bal alom ne akal sheng ukpogor ngor ikorr. ¹⁰ Nghan ntiga, ka ba bal alom ne akal, mme nka ikor nta-mme shang. Ada yor, nkal ti yama shaga nnuma. ¹¹ (Ken mbe akpelor nyama shaga nnuma, afi kpe bal nnum abu ji lem ikono ne nnuma), fufor nnume ti bal ibal ne nkale. ¹² Fufene, ka mbagor waa, me mbong, ngha ntol shang, mene mon nnenum nyor ndegendege nyor kpelor nkal nyor ka yor tama, fufor jolor mon nnenkal tamo nogor anene ne ne, we ti bal ibal nene. ¹³ Jolor nnenkal kpelor nnum nyor ka kpelor ntama, jolor we tamo nogor anene nene, ati bal ibal nene. ¹⁴ Tep ne na nnum nyor ka yor tama, mbor yege mbom nkale. fufor nnenkal nyor ka yo tama mbor yege bom mkpa tep ne agbayen. Ken abon bene inimba jolor werr, ken ngor itimbaga, mbor regor nkpa. ¹⁵ Jolor nne nyor ka yotama tumo, yage nogor ashong. Ngho idi njo, agbayen ishomum ngho ukono nyor bor. Ishor bu wurr kok nogor unene ne iterr. ¹⁶ Wor nnenkal nna wor nnenum nna wor ayelor na amal ba nogor nkala? ¹⁷ Ishor buka ntem ntem ije idi nogor fel ne jen na Ishor kok ge ngha ibene tama ngor akobashi waa. ¹⁸ Nne we nji ndegendege mbor koge kok kem uri nogor akum tama? Afi kana jok mbe mbor kemim uri. Nne we nji ndege jolor ngor nyor ka kemo uri nogor mbor keme kok kak ngho ntama? Mbor ti e kem uri. ¹⁹ Ngha ukem uri afi ukem uri shang ilagm. Nti ilagho re mba agbe mbene Ishor. ²⁰ Fel ne shaga ngho nkogo ye nji Ishor koge nogor atama. ²¹ Wor njo yi igara nti Ishor koga? Iti a langha. Jolo amalba jolor abor abor, tep ne inonob nji ngha. ²² Ngha nneyor ntol koge na njo re na nne ada nyor be shurr. Igara nti mbor koge, nogor atama na we reror njo Christy. ²³ Mbor bu wun gono kag ukon, ka wun jol njo ka ane. ²⁴ Agbayen bama, ijom nji ndege wun yolor lem nogor akum wun kog. Fel ne shaga ne Ishor. ²⁵ Ngha ntiga, gum ne ba ikabor sheb ne, mme mbem ibene ngor idi ntol. Ngha mme ba kag ntobor yama na nneyor nogor imok ntol reror ne itembaga. ²⁶ Ijolono, mme butobor gum ashashab nya ibe ba. Inunob nyor nji nnenum be shaga na areror. ²⁷ Wor agba lag nkala? ka sheb nogor alada shage. Jolor aka shebor nkal, ka sheb nkal. Fefene, afengho bal nnum, wor ka lem ibebe, fufor jolor nne yor ka be ti sheb nne we nji balor nnum, we ka lem ibebe. ²⁸ Na, mba ilemo bafonor alam feb ka ikponkobji, fufor mme nkpi shebe nogor mgbe wun shaga nya. ²⁹ Ngha nkpi wun taga, ba ngbayen bama: Igara ire ikpedikped, gbeb ngha ntiga mbor mba ikpelor akaal inene na mbor ka kpelor. ³⁰ Mba ibe fab abibi ilem na mbor ti yor fab abibi, fufor, mba ibe gere, iyor jol na mbor tiyor gere, fufor mba ibe gono ijom na mbor ka kpelor ijom jom. ³¹ Fufor mbor mba iyo nene ne mfam itiyo jol na mbor be lem mfam mal shaga teb nenan mfam na areror ngha ba kulor. ³² Mme mba shebe nogor wun yagabor ngor ntobornneyor ka kpelor nkal yo tobor gum abodo ada, na aba leme item iyebe. ³³ Fufor, nnenum nyor kpelor nkal yo tobor gum abaga mfam na aba leme ikorr nkale. ³⁴ We buka uji be. Nneyor ka kpelor nnum afi akabor sheb ne ayo tobor gum abodo ntol, na mbor yebe yege bom ngor nkpa ngor ufu ne ngobji. Fufene, nnenkal nyor be bal nnum yo tobor gum abodo mfam na aba leme yebe nnume ³⁵ Mme mbongho nogor ifon nshele ka wun, fufor nogor iti kag ilanlangha ka wun. Mme bongho na dedede, nyor nji wun ba jolor ne ntol ne ijom jom iti ba wun langha. ³⁶ Fufene, nne we nji ndegendege nyor tobor mbe we nimjo lem kpekpe ne nneyor kabor ti sheb nne. Jolo abe kol sheng shaga ubala nnum, fufor itigi ba jolor nor-alem nti abe sheb, we nimjo lem ishashab. Mbor bal alom. ³⁷ Fefene, jolor ayemo dedede ngor item nta, jolor mbor tiyor nura. Jolor abe gbe uji be, fufor jolor abe joro item ta nogor alem ntor, nogor agbe ujibe, we balem kpekpe. ³⁸ Ngha, nneyor kolor monshe nyor ka be ti shib nne, alem inob.Fufor, nneyor fengho yege mba we nimba nnum bal fenghe lem inonob sheng fe. ³⁹ .Nenkal gba nnume na areror ikpen ken jolor nnume kpolor, ililag nyo nji amekpe bal nnum nyondege, ken aba jolor ka ntol nenting. ⁴⁰ Ngor nlama yama, aba fonor igere dol jolor anenor na areror. Fufor mme mbu tobor nor fefene na mme kpelor ufu Ishor.