¹ Igara nti nwereng yefon nshomotugor neh ntem, ayoji mgor itek aneba ka reror ifel? afi ngor idi awewele aneb Ishor. ² Wun nyim na awewele aneb Ishor iba lamer mfama? ikajolor nor wun balama mfam, wor wun nima lam abon alam nya ikpelor ifan? ³ Wun nyim beh wurr uba lama ba rogitom? Nan ilagor na wurr umal lama ilam ikpen?. ⁴ Jolor ireror nor wor aba lama ilam nti irerorgum ikpen fel ufunfo nan nor akalor atutoro gum ba ika yimor ne ikorbashi? ⁵ Mme bongho ka wun ndon, nene ngor igom jine rem ngo kpelor ulongho nogor ajoro ugbayen bomor? ⁶ Ken ngbayen nwereng yo tap ntem ji gor itaba ilam ngor ushimerr aneba ika tama. ⁷ Ngha ibutap gbol na afono ilam ne atem ne abu gbor. Na ne aka yeno abebe akaya fonor? Nan nor wor akayagor abor nogor mbor lima ambrr? ⁸ Ken wor fono yor limo abebe fenghe lim ane ambrr, fufo wun yor lim nor ne agbayen bene. ⁹ Wun nyim na balime ashashab iyitba yele i kun iborr Ishor? Mbor ti wun nime? Ba nyomo atem, ba jom alogite ba nyomo akal akal ane, aneblom akpara, ba iyo nyom atem iban-itulor. ¹⁰ Aju, aneb nkuru, ba wogor amim, ba wipenyor, neba lim ane amerr, nene ngho igum bor ba yele ikun iborr Ishor. ¹¹ Noyor wun badege wun jolo ken wun mbor bu wun ro, fenghejoro wun, fufor fenghe lim wun kpekpe ngor mbeng Ntol Jesu Christy neh inonob ufu Ishor jire. ¹² "Abodo waa ibene ka mme," Ken abodo waa sheng ikpelor nshele. "Abodo waa ibene ka mme," "Ken mme nimba jolo nfonor ka njidegedege. ¹³ Ijom lili ireka allah fufene allah ireka ijom lili," Ken Ishor ipem igara ka ibal-ibal ngobji remka nyiomo, ukukoulo ngobji reka Ntol, fufor Ntol ba lime ka ngobji. ¹⁴ Ishor nji yeb boro Ntol, fufor bangba wurr yeber ne ikorte. ¹⁵ Wun yim na agobji yene ireror aneb Christy? mme ililag iyoji mme meh tap aneb Christy fenghe bodo ngor aneb akpara? iti jol nor! ¹⁶ Wun nyim na neyo mbor bode ne akpara mbor fenghe jol ngobji nyereng? N a nwerr bongho. " mbor ishi-ibal fenghe jol ngobji nwereng". ¹⁷ Ken neyor mbor bode ne Christy fenghe jol ufu mbereng nene. ¹⁸ Tobo shaga uyomo ntem ne abebe nya-gor nya nne yor lim ire shaga ngobji, Ken myomo atem ne ibebe gum ne ngobji yeh. ¹⁹ Wor nyim na ngobji ya reror itek inonob ufu. Mbi inenor ngor ating ya, mbi akolor ngor idi Ishor? Wor nyim na wor aka reror ujiba. ²⁰ Wor mbor gonna ne ukon. Tep ne nor tek Ishor ne ngobji ya nne ufu ba mbi ireror ka Ishor.