¹ Ntega, gara uyala-nyala igonlili ka abonlogite; uyinyi na wurr waa ukpelokpele. Ukunor abaga iyolem ne fu ijibe, ikorr iyor joro ne. ² Njolor nendendege tobor mbe weh nyinyi ijom. Nne nyor, ikanyi na ilagor nogor anyi. ³ Njolor nedendege kpelor ikorr Ishor, abaga anyinyi. ⁴ Gara ne ulige ajomlili ngor mbobe kor yala-nyala ka abonlogte: Wurr nuyinyi na monlogole ikaraoror ijomjom mgha mfam nyingha fenghe nji na Ishor reror njereng. ⁵ Jol na abubodo nyandendege. Mbobeyor kok ne ashor, jol ijolor ngor iborr afi ngha ndege. ⁶ Wurr unyi wurr ibaga reh na "ulem" ireror feb ne "Atol" feb are Ishor njereng ji ukpelor, Ndeh, nyor ngor idije ijom-njendendege iyuror nne wer wedorka ukpelor ikpen, ne Ntol njereng Jesu Christy nyor sheng ngor idije abodo waa ireror, ne iwedoka ubenene ikpen. ⁷ Ukunor abaga mbingha irem ne fel ne, tip ne ngor njem ane mbandege iyol tege abonlogte. Mbor fenghe li-ojomlili nya nah mbokolor yala nyala ka ulum. Ntobor bor burungho, tep ne nan itunum. ⁸ Ijom lili shang ibuwuror kogor ji tep Ishor. Wurr ushabem sheng njolor ulilor. ⁹ Kun wun, tepne ibeneh iream, iti fenghelem, ne mbah ikatunor ngor ntama itibagbor. ¹⁰ Tep, ijolor mbeh ne nyondege bah-yenah woh nji akpelor ukunabaga, beli ijom lili ngor ibuburor ulum. Inumba-lemeh ikekerr itaem-te itunor aji li nyah mbobeka ulum? ¹¹ Tep ne nrenghe ya garaibeneulum, ne-nyor kero shengha, ngbanyenja nyor wedorka Christy kpelor, bu-ronghor. ¹² Tep nenor, alemor ibebeh ibaga gum bah ngbanyenja, kam, mbor-ajom akekerr ntaembor abu lem ibebeh ibaga gum Christy. ¹³ Gara-nor njolor ijomlili iba wedorka ngbanyen-jama gbor, mme nimtege kpe li nyam, inyor nji nyitiba lemeh ngbanyen jama gbor.