¹ Fufor mme, agbayen, mam bong nenene ngha aneb ufu, ken nfenghe bong ne aneb nkobji ne abonshe ngor idi christy. ² Me kawun alip abel, atutonor agomlili shang, tep wun kagara ne yah, tete ngha ntiga wun gara. ³ Wun kpe regor nkobji, idi gendegede nji ulek-allah ne uyamtem ireror ngor igom, wun kpi nene gara ngor nkobji, wun fenghe kpi jene gara ntobor ane. ⁴ Igara nti ntem-nwegor bong mber :mme kpi tonor Paul." nwegor bong mber "mme kpi tonor Apollos; wun ne mbagabaga shangah? ⁵ Nyonor ngha roror Apollos? nyonor reror Paul abon inene mba wun tamor, fufor na Ntol kalor ntem tem ifangha. ⁶ Mme nta, Apollos wuro aleb ken Ishor ka afufugor. ⁷ Ngha ntitaga afi wuro aleb jokgim ijom-jom, kun Ishor ji yoka afufugor. ⁸ Ngha ntiga neyo talor afi wuro aleb mbor waa njirinji. ntemtem ba kogor nshelle yeh na alimor ifangh. ⁹ Ngha wurr fufor balim ifangha Ishor ba wun igber Ishor ti, itaba Ishor. ¹⁰ Tonor na igracia Ishor nji akalor mme na nkol nlime ataba kpekpe, mme yor mgbe itul taba newegor nyor kono iborr, ken ntem-tem kun kpekpe na amer nyor kono. ¹¹ Nendegedege nimer mgbe itul taba shengim neyo bomor ngha Jesu Christy. ¹² Ntiga nendegedege nyo nyolor ne igold, Isiver, ababara atal, airr te, akpopo mbele afi ntara. ¹³ Ifangha ter ibateber, njol ba reber teb ngha ngon yibareber tem; ngon ba yongho mboro ifangha nyi ntem-tem berlim ¹⁴ Nendegedege nyo ifangha nte Ishagor, neyo bakogor nshelle. ¹⁵ Nendegedege nyo ifangha te itebor, neyo ba akanya yen, ken wefonor batonor nokgor na amer welle shaga ngon. ¹⁶ Wun nyim na wun reror itek ndor Ishor fufor na ufu Ishor inenor nenene? ¹⁷ Nendegedege nyo felor itek ndor Ishor rougho, Ishor ba rougho neyo. ngha itk ndor Ishor ire welewele, noyor wunfufor wun reror. ¹⁸ nene ti nim ujiber. Jolor nendegedege tobor mber weh kpi ulongho ngha mfam nya neyo fengho jol ndamane iyoji abafonor ulongho. ¹⁹ Ngha ulongho mfam nya adam ngor idi Ishor. Ngha inyonor, ayobob aneb ulongho ngor adi nfangha bor. ²⁰ Fufor ntol nyiyi mber ntobor ne ulongho iyom kpo ifan. ²¹ Tep ne nah, nendegedege fab nyo tip ne ane! ²² Abododo waa ayaya. Jolijolor Paul, afi Apollos,Afi Cephas,afi Ikpen, afi Iku, afi abodo nya ereror ngha ntig afi abodo nya imeba. ²³ Abodo waa ayaya, Wurr Christy fufor Christy yo reror Ishor.