¹ Nanyor ilagor ne ba wun yenne, ngha ba ngor Christy fufor ngha ba tama itum itembaga Ishor. ² Ntiga itembaga ji ireror ka batamaitum. ³ Ken kame mmon ibaga yo nogor wun lam-me afi itaba ilam ane. Tep nor mme nyom lam ujibama. ⁴ Mme nyim nkikimm nyendegedege gumme, ken ntor iyenim bermeh nre kpekpe. Ntol yor yo lameh. ⁵ Tep nenor kabong nglamah gum ntem-ne nogor igara ikumre nti Nto ba baga. Aba kogor irana ba tep abodo nya ijingeh ibe shele fenghe rember ntobor item yeh. Ngor ntem tem bakogor ntige ye ngor idi Ishor. ⁶ Ntiga ba gbayen bameh, mme bulem nor ka uji bama ne Apollos tep ne-nene, iyorji ngha ire-idi wun ba kpelor na ibongho mbeh "ka wun sheng shaga na iyonor. Irenor iyoji nendegedege yitege ba fonor ufa shaga ntem ne wegor. ⁷ Nyono yeno ijom nji iyangor shaga anne mbagor wor ne ntem ne wegor? ba ijom nji akpelor nji akaolor? jolor abe kor nanor ameh fab nyor are akolom lele.?" ⁸ Ngor ntega-ntega akpe nya ameh sheb waa! Ngor ntek wor abu fang! Wor abu jok igum shenghe wurr mbal. mme ililag iyoji ameh jok igum, wurr umal ba jogo igum ne wor. ⁹ Mme mbu tobor mene Ishor wurr kag batontulor ikukulor ngor irong ane, fenghe tam wurr tep ngor iku. Wurr ufenghe jol ayene ambrr kamfam,ba rogitom ne ane. ¹⁰ Wurr adam-ane tep ne Christy. Wurr aneb ulongho ngor idi Christy. Wurr akiker ane wun atutono ane. Wun mbor kak wun ken wurr mbom kak wurr. ¹¹ Tete ngha igara nta wurr njal ne alab ibu wurr korr, wurr uyor kak ajaga awuro, wurr mbor wurr du, fefene wurr ukpem atek. ¹² Wurr uyor lim ifangha dol, ne abor yere. igara nti mbor rep-bor wurr, wurr ka-iya igara nti mbor wurr akanya wurr ubob item. ¹³ Igara nti mbor tolo wurr, wurr ubong ne imog. Wurr ubufenghe jol ikukuro mfam ne iburufu abodo waa. ¹⁴ Mme nyonim abodo nya nogor nka wun ndon, ken nogor ntek wun na abon ikorr tama. ¹⁵ Jol ijolo mbeh wun kpe babrre atitle atitle nkpel atile iron ngor idi Christy, wun kpem ade feb. mme nfenghe jol nshuwene ngor idi Jesu Christy sheng ngor ayeyebe alom. ¹⁶ Mme nfenghe nuro wun nogor wun lemeh mme. ¹⁷ Noyor iwedor ka mme nfombor wun Timothy, mon korr ntama ngor idi Ntol. Aba wun boro abaga yama sheng ngor idi Christy, na nyor kpele ngor adi waa ne akobashi waa. ¹⁸ Ngha ntiga wun badege wun fenghe yep uji-bene, fenghe yor lim na mme nka bayor ngor idi jine. ¹⁹ Ken mme ngol babaga ngor igne idi, jolo Ntol shebor. Ngho mme nimyi alom ba fugor iji baba. Ken mme ba yene ikor bor. ²⁰ Tep ikun iborr Ishor irem ka alom nyaya, irebodo ne ikor. ²¹ Ba ijom wun meh sheb? mme baga ngor igne idi ne ikongho afi ne ikorr fufor ne ufu itere.