¹ Igara nti mbalor top wun, agbayen bama, mme balm ne iyeyebe alom afi ulongho ngha me mbalor toro na mbe shele itimbaga gum Ishor. ² Mme mba joro tobor nna nka nyilor ijomjom igara ntigor igom jine shengm Jesu Christy, nyor mbor yole. ³ Mme jolor nnene ngor nkere, ne ngor ubol ne ufulakub. ⁴ Fufene, ikikala jama ne atutoro yama ijolum ne nyebe nyo alom ulongho. Ikukorbulor ijol ne utebe ufu ne ikor. ⁵ Nyor nji ntama yine itigiba jolo ngor alongho ane, sheng ngor ikorr Ishor. ⁶ Nghantiga, wurr uyor bong ulonho ngor igom abang amirr, ken ulongho mfam shang, afi ba gomo adi, ba ibe sheng feror. ⁷ Ikukobulob mbor, wurr bong itimbaga ishor nji ishelor ngor ulongho. Isheshele ulongho mbi Ishor jorobom ngor iyuptulor iglory mfam yere. ⁸ Ngomgomor nyondegedege ngha mfam yelem gara. Kenbe mbor nyinyi gara, mbor jolum yol ntol iglory. ⁹ Fufene, ngha, iyonor na, imirr nti ndegendege ika nyen, utong mbi ndegendege ika yok, item nne we nji ndegendege ika tobor, ijom nji Ishor be joro kpe ba, ikpelor ikorr ka. ¹⁰ Fufene Ishor bu rebe abodo nya ka wurr ngor ufu. ¹¹ Ufu iyor jang ijom nji ndegendege bodo ne adudul abodo Ishor ishengm ufu Ishor. ¹² Fufene, wurr ukolom ufu mfam shengm ufu mbi irurogor idi Ishor, nyor nji wurr uba yige abodo nya irero ngor idi Ishor abodo bor. ¹³ Wurr bubong gum abodo nya ngor alom, ngor ntobor ulonghoane shang, fufene, ngor ufu, yor joro abodo ufu toro ka aneb ufu. ¹⁴ Ane mba ika reror ngor ufu, iyom kor abodo nya ireror ka ufu Ishor, teb ne abodo, udam bi ka e. Ayimtigi ba yege tep ne na irerongor mkpa ufu. ¹⁵ Nne nyo rero ngor ufu, yo lam abodo waa, we fufene ane iyom lame. ¹⁶ "Ngha nyonor nyilor ntobor ntol, norgor alege?" Teb ne wurr ukpe ntobor Christy.