¹ Ntiga mme nkpi shebe nlim ka wun kun agbayen bama, ayeyebe alom nya mme bongho ka wun fufor nya wun yemor ka. ² Sheng ngor yor nogor jolo ka wun, jolor wun felo alom fonor kpe-kpe nya mme tagor ka wun ishengim wun tama ngor alol-mbo. ³ Mme kala wun ngbogho mbarr inonob nji mme lolor na Christy kpolor kumashi ashashab yere na alom ye ibongho. ⁴ Mber akpor fenghe yime jok ngor atu ara na alom ye ibongho. ⁵ Christy jok gbol tep Cephas, fufor ne igol ne ane abal. ⁶ Ngho akpeba jok gbol teap agbayen ane atitel ne ane atil aron ne igul ne njering. Mbadege feb ikpere ikpen, ken amadege ibukpor. ⁷ Ngho abajok gbol teap James, neba tontulor be waa. ⁸ Ngor ikukulor je waa abajok gbol teap mme na neyo mbor kabele kpekpe. ⁹ Mme yo nshelor sheng ba tontulor ber. mme lagim nogor mbor kok mme ntontulor tep mme nyo yol anebikorbashi Ishor. ¹⁰ Ken tep ne igracia Ishor mme reneyor ngreror fufor igarcia je nji ireror ne nama irem nonor. Ukukobulum bor mme nyo lim ifangha dol sheng mbor waa. Ngha itigim jol mme ken igarcia Ishor nji ireror nenama. ¹¹ Jol ijol mme afi mbor, wurr nyor toror fufor wun yotama. ¹² Ntiga jolor umeror gum na Christy yimor shaga iku, nan iwedor wun mbadege mme bong na uyeme jok idi gbol irem. ¹³ Jolor uyeme jok idigbol ika reror, fefene Christy bangim nyime. ¹⁴ Fufor jolor Christy kayimor jok ngha atutoror yere irem ijomjom. fefene ntama yere rem ijom-jom. ¹⁵ Fufor ngho wurr urena atenshe nkikeme gum Ishor. Tep wurr ubutogoro na Ishor nyimo Christy shaga iku. Ken ayimime, jolor akayime shaga iku. ¹⁶ Ifengho jol mber ayimim, ngho tep mber Christy nyimim. ¹⁷ Fufor ijol mber Christy nyimim, ntama ya rem ijom-jom fufor wor akpe yob abebe. ¹⁸ Ngha mba ibe kpor ne Christy ibangha kpor titan. ¹⁹ Jolor ngho ikpen Christy ti akpelor ukono nterr. Wurr uba fonor imog ka ane waa. ²⁰ Ngha ntiga Christy buyime shaga iku na ngbogor-mbarr nogor ite ka mbaibe kpor. ²¹ Iminimine iku ibala ngor idi-ne, sheng ngor idi ne fufor uyime akune. ²² Tep ne shengor Adam wurr-waa ukpor fufor ngho idi Christy wurr waa uba jolor ikpen. ²³ Ntemtem ne iter igara Christy, wehji jolor ngbogor mbarr mogor ite ne mbagor ba ireror ka Christy alabor kaga ikpen. ²⁴ Ngho yo ibajolor ikukulor igara nti aba fenghe ne ikun-iborr ka Ishor nji reoror Nde, lgara nti abayagabor ibene waa ne ikor waa. ²⁵ Ategeba jokgo igum tetete aneb-ujin ber iba abogor yel ngo ijar kpada je. ²⁶ Iku ne ujing wah yo ayebe rongho ngor ikukulor. ²⁷ Ngha abukak alodo waa ngor ikpada je. "Ken aye-bong mber weh ibukak ijom injindege, ire gbol na neyo kagor abodo waa ngor akpada ye ka shumor. ²⁸ Igara nti abodo waa. Ibe-yol gor akpada ye ngho monne nenteng yoba jolo ngor akpada ye weh ji kakgor abodo waa ngor igeidi, iyoji Ishor bajolor waa ngor adi waa. ²⁹ Afi bajom mba ibe wuro alab ka iku? jolo akune ika yimo waa, Nan ane ime wuro alab ka-bor? ³⁰ Nan iwedor wurr ureror ngor ufen fel igara? ³¹ Mme nyo kpor fel ufofu! itembaga ufab nyo bama kawun,nji mme kpelor ngor idi Jesu Christy Ntol wurre. ³² Ba nshele mme mkpelor ngor nyenne ane? mme nokgor ne abebe unyam ngor Ephesus, jolor Akune ika nyimor? wurr ukpor. ³³ Mbor ti wun nimme "ishashab ijuju iyo roungho ininob ibenne. ³⁴ Fenghe ba joro ijiba nogor anene ikpen kpekpe ka ikpe lim abebe. Tep wun mbadege wun nyim Ishor. Mme bongho ka wun ndon. ³⁵ Ken mbadege iba bongho, "nanakune iyo nyime, fufor bamborongobji mbor ba kog aba?" ³⁶ Wun adamane; ijom nji atalo inimbaga ikpen shengim ibu-kpor. ³⁷ Ijom nji ayeta ngobji ite shang ken mogor ite yi ayota. Iyima jol nogor nsham afi ijom njendege. ³⁸ Ishor bakaga fel ngobji na ayigor, fufor fel mogor ite iye ngobji. ³⁹ Ikpo ngobji waa shang iyo jol gredege. Ikukobulop bor, ikpo ngobji nreng reka ane, fufor nyigor reka unyam, fufor nyigor ka arok fufor nyigor ka nkobor. ⁴⁰ Fufor abodo ikun-iborr ne abodo ndege iregor. ken ntegeh abodo ikun-iborr ire ijeje fufor ntegeh abodo ndege ibangha regor. ⁴¹ Ntegeh njerng ireka njol njigor ireka umerr fufor njigor ka arogodo. Tep ngrogodo nyereng re-iji je shaga ntegeh ngrogodo nyigor. ⁴² Noryor fufor uyime ngor iku ireror. Ijom nji mbo yor ta iyo-bol fufor nji mbor yo nyime iyom-bol. ⁴³ Ngha mbormta ne nkaga nyim kpe ntegeh ntaga reikekenekere nyim reikor-ikor. ⁴⁴ Ikpo-ngobji yi ikpo ngobji irerogor, fufor ufu ngobji iregor. ⁴⁵ Noyo fufor inyono ngbormbarr ne Adam fenghe jol kaga ikpen ufu. ⁴⁶ Ken ufu igbolim mbarr ba shaga ikpo ngobji, fufor nogor ufu. ⁴⁷ Ngbogor mbarrne ru-ngha ndege, lim yekge ngo ibubu igbolo ibal nogor ikun-iborr. ⁴⁸ Na nyo mbor lime yekge ngor ibubu nogor fufor mba mbor limo yege ngor noyor mba ngor iknu-iborr ireror. ⁴⁹ Jolor na wurr uber shol ngobji ne ibubu, wurr fofor ubang ba sholo ngobji ne ikun-iborr. ⁵⁰ Mme mbubong ka wun ba gbayen jama ikpo ngobji ne along inima kor ikun-iborr Ishor. Afi ijomji iyobol kor ijomji kayobol. ⁵¹ Bree mme nkak wun ikikala nji wun ka nyelor: Wurr waa shang uba la-lar ken wurr waa uba yangha. ⁵² Wurr uba yangha ngor monikid teker, uyebone ikpamerr teker, ngor ilom ntank ikukulor. Ntank fonor ba yorro, Akune ba nyime mbo kabo tibol, fufor ibobol ngobji ntigeba jolor nyikabol. ⁵³ Tep ipopol ngobji ngha ba kaka ijom-ji ibangha ba polor, fefene ngobji nye iye ti ba polor bangha ba kaka ijon-ji iye ti ba polor. ⁵⁴ Ken igara nti ibobol ngobji ngobji ber kak nyi kayobol, ngho yolba baga ba bong nti iyomor "nwini bu bele iku." ⁵⁵ Iku igere tu-nten? iku ntagaya-nyen?. ⁵⁶ Ntaga iku yi-ireror ibebag fufor ikor ibebaga yi ireror ibenne. ⁵⁷ Nogor igafor ijol ka Ishor nyor kalor wurr igereh sheng ngor idi Ntol Jesus Christy. ⁵⁸ Ijolor no bagbanyen jama ka wun yangha afi neghe fel igara jol wun ngor ifangha tene, tep wun nyiyi na ifangha tene ngor idi Ntol ka reror-nonor