¹ Ngba ntiga, gara nkaga anonob aneb Ishor, na ntagor Akorbashi ngor Galatia: nogor wun bangha ba leme. ² Ngbogo mbarr ufomfo ngor irede. Fel nne uoba bomo ijom ngor nkpag sheg igara afang-ye yor lem wuhn na, iyoh nji nkaga ti yor kpe ba jolor nfomfu mbi ngbabaga igara nti nreror. ³ Ane mba wun yigobor, mbabor kaga nwerr nyi babongho kabor, tom mbo tum ngor Jerusalem, ne nkaga yinne. ⁴ Ifengho jol inyor nji mme fonor nbangha tonor fefene mborba jege nenama. ⁵ Mba-baga ba tob wun igara nti mba shenghe ngor ibugor Macedonia, tep me nba shenghe ngor Macedonia. ⁶ Imalba jolor mbeh meh nba jolor afi igara ikogor wun mba jolor nene, nogor wun fon ukaga-ubor kame ngor igen tama idi njindendege njolor. ⁷ Tep, numosheb nogor nsheng yen wun nkpe shebe nogor njol nenene rab ikede njolor Ntol tammor. ⁸ Mba jolor ngor Ephesus tetete pentecost irii. ⁹ Tep, mbor-mi kpang iburebeh ka-meh aneb ujing feb. ¹⁰ Ntiga, Tomothy balor, yen wun anumokpe be ubol, tep akpe yenne akanya ngor ifangha Ntol nag mme mbe bangha lem. ¹¹ Kae wun bree teke, fon wun ukaga ubor kae ngor mbarrr nye sheng ngor tere, inyor nji aba baga butob mme. Mme mkpele kono nterr nogor aba neba-ngbanyen. ¹² Gara ngbanyen jire Appolos, mkpele kaga ikor nogor aba yen wurr ne ba ngbanyen. Ijolem ntobor ye nogor aba ngha ntiga Atege baga bgor igara nti ilagor nogor aba. ¹³ Kono wun nterr wun fenghe yeme baba ngor ntama, lem wun abaga nna aneb lom, tunor wun akup. ¹⁴ Abaga waa nya wun ba leme, lem wun ngor ikorr. ¹⁵ Wun nyiyi ane mba inenor ngor itek Stephanas, na mbor rerorba gborgor mbarr agogote ngor Achaia. Ba fenghe ka igara bor waa, yokor rogor aneb Ishor mba tererr. Ntiga, mkpe wun kaga ikor ne nkpele. ¹⁶ Nogor wun fun nkaga mboro ane mbanghor ne, fel nne nyor be-lem ifangha nta nenire. ¹⁷ Nfunor uyebitem ka mbaga Stephanas, Fortunatus, ne Achaicus. MBor bu-bam iyaga gine nji wun kajolor. ¹⁸ Mbor bu wet ufu bama ibukpe fungho nne ayine fefene. Tep ne nor, renghe wun ane na mbongha. ¹⁹ Akorbashi ngor Asia ibu tom ukaga ngho togor wun. Acquila ne Priscilia ibu wun kag nyor mbeng Ntol. Nne ikorbashi ngi ireror ngor ibugor bor. ²⁰ Ba ngbayen waa, ibu wun kag-nyor. Kag wun atem nyor ne inonob irenghe. ²¹ Mme Paul, mme yor nyonor, nne ubor bama. ²² Njolor nendendege kakpelor ikor Ntol,nogor nne nyor mbor tone. Ntol,yire ba. ²³ Inonob Ntol Jesu ijol nenine. ²⁴ Ikorr tama ijol nenene ngor mbeng Jesu Christy.