¹ Tonor ikorr, afenghe fun ukonon-nterr ka mbaga ufu, tenghekpok, nogor ayen amerr. ² Tep, nyor-yobong ngor ilebeh, yom bong nne-anne, ayor bong nne Ishor. ³ Nyor yor fenghe nyen amerr, yor-bong nne-anne nogor alem mboh-mboh tunor, kag boh ikor-nne nlegeh. ⁴ Nne , nyor yorbong ngor ilebeh, yor lem ijibe tunor, nyor yor-nyen amerr yor-feleh ikorbashi itunor. ⁵ Ntiga, ikpeme-koro nogor wun yor bong ngor ilebeh. Sheng nor shaga, ibame koro nogor wun nyen amerr. Tep nyor-yo nyen amerr fulor shangeh yor-yorbong ilebeh. ⁶ Bah ngbanyen jama, mfenghe batob wun ngha ntiga, yoba bong ngor ilebeh, bah nsheleh mba fonor? ishenghem mbe nyol-bongho riberr afi nne ukun abaga. afi nne uyene amerr, afi nne nkpele. ⁷ Fefene, jom nji ikakpelor ikpen, ilemor alom, nnah iferenfeh afi ikpatangha-njolor alom fonor ikayangho, nan anne iba-kogor renghe ilom iferenfe nne ilom ikpatangha? ⁸ Njolor mboh yoror-ntang ilom-te ikatoror ibong ulogoh, ngomji itar iburi?. ⁹ Nnoyor ibangho rerorr nne ilebeh. Njolor akemor ikikalar nji ikajolor gbol, nan nor anne iba renghe ijom nji abongho? Ayoba bongho kag ngor ifufe. ¹⁰ Alom irre-fel ngha mfam, wareh, ijogo ijom. ¹¹ Njolor nkafenghho yok ibugor njindegeh,mbah jolor njenne ka mbong-bongho, fefene, mbong-bongho baba jolor njenne kamme. ¹² Nnoyor ibagor reror nena, Njolor abe gbede, nogor inonob ufu itep nogor aenghe, kana nogor ikorbashi ijora, nogor amali fonor ikor. ¹³ Nne-nyor-yor bong-ngor ilom-nti ane wah iba yogor. ¹⁴ Tep njolor njomondor njor ilebeh, ufu bama iyobangha jom-ndor, ishegem ngobji gii ka fon amokgor. ¹⁵ Baijomor mbalemeh? Mba jomor-ndor nne ufu bama mbangha jum nne item tama. Mba tomo, nne ufu bama, mba tomo ne it item tamma. ¹⁶ Ikajolonor, njolor ayigor Ishor inya nne ufu, nne nyor yemor idighol balemenan fenghe "nogor igol nnor" Njolor abe ka-igafor, ijolor nne wegor kanyilor ijom nji abebong. ¹⁷ Aba kaga igafor fonor kpekpekpe, nne wegor, nim yaba tonor tep, anumor yoga. ¹⁸ Ngor ka Ishor igafor, tep, mme, nyor bong ngor ilebeh shenghe wun wah. ¹⁹ Nga ikorbashi, mba shebe nogor mbong ilom ironn kenerr nne nrenghe yama inyorji malba kpeleh aneb mbandege inobor shenghe nogor mbong alom itougem igol ngor ilebeh. ²⁰ Ba ngbanyen jama, ka wun jol nna abonshe ngor ntobor. ifenghor jumm ibebeh, jol wun nah abon ibeleh. Ngor ntobor, jol wun anebkol. ²¹ Ibeneh inyonor nna ngor ilebeh nji atior-renghenne ngor akpabep-nyob-ajenne, mba bongho nne anne. Jol ijolor nnor, mbor nim bama yogo, noyor Ntol bongho. ²² Ijolono, irenghe ilebeh iremka aneb ntama, ireka mba ika-kpelor ntama. unyene amerr, irae irenghe ka aneb mba ikpelor ntama iremka mbomba ika kpelor ntama. ²³ Njolor ikorbashi waa ikonoashi yor bong ngor alebeh, anne mba ika-kpelor ntama ika-kpelor ntama ikun-ba yel ateng, mbo nem ba bongho mbe wun waa, wun kpem-konor? ²⁴ Ifengho jol mbe wun waa, wun yol yene amerr, nne-nkpah afi nne nyor ka kpelor ntama bayel, aba tamma, tep nne aba yogor mbong nyi wun bebong waa, iyebe lama. ²⁵ Nti iyobe ngor item iba jogo, tep nne nor, aba gbogor nongho, tep ushimerr ngor ndege teg Ishor. Aba bongho mbe ngor itembaga, Ishor renghe nne nnene. ²⁶ Ba ijomor ikpelor regor, ba ngbanyen jama? Wun balor bakonashi, fel nne kpeh iye ibem, iye nkpele, nyenne, ilebeh afi ngoro bong. Lem wun fel ijom nogo wun kor feleh ikorbashi yeme. ²⁷ Ngolor nne bongho ngo ilebeh, anne abal afi iroro-shang anne arah ijol nne nwereng ngo igara, nogor nne nyondege yor joro bong ngho alom nya anne waa iba yogor ijom nji nne fonor bebong. ²⁸ Ifengho jol mbeh nne ream nyor ba-joro bong, fel nne ngho ating ikorbashi blekpde-kpde. Fel nne bong ka ijibe nenteng nne, Ishor. ²⁹ Ba nyene amerr abal afi ara ibong, nogor mbom bagor irangha atong nne ukono nterr, ngor ijom nji mbobe bong. ³⁰ Ifengho jol mbe Ishor bu-ribe ibaga tep nne nwereng nyor bumor leleh, ngbogor mbarr bolo nyor. ³¹ Tep fel nne malba yene amirr, ntem tem ngor igara inyor nji fab nne bafonor nkpeleh nne ukononterr. ³² Tep, ufu nyene amerr iyojol gara nyene amerr. ³³ Tep Ishor, nshumor tugor shang, arre tere. ³⁴ Annebkal itibong ngor akorbashi. Tep ikor ikalem mbor nogor mbobong, mbofon nkaga jol-na ibene ibongho. ³⁵ Njolor mbor shebor nogor mbor kpele ijom njindendege, mbor bep alomm bor ngor itek. Tep, ikpen nkaga nogor nnenkal bong ngor ikorbashi. ³⁶ Ilom Ishor iyurogor idi jar? Wor nenteng yor alom Ishor ibe ri tobah? ³⁷ Nne nyodegedege nyor tobor mbeh wer nyene amerr afi wer rae ngor ufu, arenghe mbe abodo nyar mbe nyon tugor wun irae nah Ishor kalor ikor. ³⁸ Nne nyor kafengho renghe nta, mbor tibangha renghe nne fonor. ³⁹ Tep ne nor, agbanyen bama, ngor itembaga uyene amerr ifon ifan, ka fenghe ten nne nyodegedege nogor abong ngor ilebeh. ⁴⁰ Ulemeh abaga waa igol kpekpekpe fenghe tornor na ilagor nogor ijol.