¹ Jolor mbe bong ne alabeh ane ne nya adengiri, ken jolor mme kakpelor ikorr, mme nfenghe jol ulong iyok afi igbang iyok. ² Jolor nkpelor mbaga uyenamerr, fenghe nyi ashishebe waa, Fufo fong ntama waa inyorji nmalba yekge gol. ken jolor mme nkakpelor ikorr, mme rem ijom-jom. ³ Jolo jolor mber mme ka abodo yama waa kor le aneb akanya, fufor jolor mbe mmeka ngobji yama nogor iteb. Ken jolor mme ka kpelor ikorr, mme nfonim nshele. ⁴ Ikorr ti ireror unarr nterr ukagubor. Ikorr iyom fong ulegalla fufor iyom bong nyor. Iyom gabar. ⁵ Afi ngre iyom jan kauyibe. ⁶ iyom yamitem afi ikpe nfala ashashab. Iyom fong igere ngor ijom nji kanobor. Ikokokubulombor iyo grerh ngor itembaga. ⁷ Ikorr iyo shol abodo waa, fenghe bobitem ngor abodo waa. ⁸ Ikorr ikpen ikumkpok. Jolo uyenamerr ireror ngor, ibashenghe tum. Jolor alebeh ireror, iba-kulor. Jolor nrenghe ireror,ibashenghe. ⁹ Ka wurr uyi ijarr fenghe yen amerr ngor ijarr. ¹⁰ Ken igara nti ijeh kpekpe ibalor nti ikakono iba shenghe tum ¹¹ Igara nti mme njolor monshe, mme nyo bong na monshe, mme ntobor na monshe, mme renghe na monshe. Igara nti mme jolor nenkol, mme yor kak abodo monshe fer. ¹² Ngha ntiga wurr ukpi yene na utogor, ngor mbok uba yene atem ngor ushimerr. Ntiga mme nyi ijarr, ngor mbok mme ba yekge mal. ¹³ Ken ngha ntiga ira mbingha bibeshaga, ntama, ukono nterr, ne ikorr. Ken ikorr ti igalor fu