¹ Gum mbaga ufu, agbayen jama, mme nimjor sheb wun jol gregre. ² Wun nyiyi ngha igara nti wun jolor anebulom, wun yolor jen ayel-ayele ka alogte nya ikayolor mabong, ngor mbarr nji ndegendege nji mbor tebor wun. ³ Ngha ntiga meh mkpi shebe nogor wun nyi na nne we nji ndegendege nyor bongho ne ufu Ishor malba bongho, "Nto itonor Jesu." Nenne nimalba bongho, "Jesu yor reror Ntol," shengim ngor iwewele ufu. ⁴ Ntiga mbaga re mkpid feb ken ufu re crede dede. ⁵ Fufor nfangha irefeb, ken Ntol renjring. ⁶ Fufor nfangha ire nkpid-akpid, ken Ishor njring jiyor lem nfangha waa ngor adi waa. ⁷ Ngha ka ne we nji ndegendege aka-eh ube ufu nogor akor lem inonob ka ane waa. ⁸ Ka newering ka-eh ilom ufu ukun abaga, fufor ka newegor akaleh ilom nyeyibaga. ⁹ Ka newegor aka-eh ufu ntama, fufo togor newegor aka-eh ufe nleme uyam. ¹⁰ Ka newegor aka-eh ufu nleme atanikor mfangha fufor newegor aka-eh uyenamerr. Ka newegor aka-eh ufu mbi abarenghe afu nyagor, aka mbagor akpid alom ilebe fufor, aka mbagor na mbor yor toror alom ilebe. ¹¹ Nya ngha waa nfangha ufu mbreng ti, yorka mbaga ka ntem-tem, na ayegor. ¹² Na ngobji reror nyreng fengheh fonaneh feb noyo fufor anemba waa iyuror ngobji nyring noyor ireror neh Christy. ¹³ Tep neh ufu mbreng wurr waa uwuror alip ngor ngopji nyring, jolor ijolor Jews afi Greeks, jolor ijolor ajo afi ajo shang, mbor waa mbor leme nogor mbor wor ufu mbreng. ¹⁴ Tep ngobji rem nenting ifengheh re feb. ¹⁵ Jolor nra-kpada bongho, "Nna nka reror ubor, me shumum ngobji," ika tigi rede ngor ajarr ngobji. ¹⁶ Fufene, atong iye bong, "Tep na na nka reror amerr, me nshumum ajarr ngobji," ika rede ngor ajarr ngobji. ¹⁷ Ken mbe ngobji waa ijolor amerr ya, nganor urangha atong iba jolor? Ken mbe ngobji waa ijolor amerr, nganor uyog ilu iba jolor. ¹⁸ Ken mbe Ishor buyege fel neh, kak ngor ngobji na asbebor. ¹⁹ Ken mber mbor waa ijolor neh njreng, ngan ngobji fonor jolor jol? ²⁰ Ngha ntiga mbor re ajarr feb ken ngobji nreng yi. ²¹ Imirr inima bong ka ubor, "mme shebem ma." Afi ishi bong ka nrakpada, "mme shebem ma." ²² Ken ajarr ngobji nya itebor na ikekrekel ikpe ifan. ²³ Fufo ajarr nya wurr utobor na ikakpelor ifan, wurr uyor ka igboro ukpon, fufo ane breh mba ika tep ngobji ikpelor ukpon. ²⁴ Ngha ntiga anebre iyor tep ngobji iyom sheb abodo nya. Ken, Ishor bukak ngobji idi njreng, fengheh ka igboro ukpon ka ajarr nya imme yerr. ²⁵ Alem na inyonji nyaba titi jolo ngho ateng ngobji, ken iyoji fel ne ba breh ntem ne ikorr ntreng. ²⁶ Igara nti newreng me yen akanya, ane waa iyor yeneh akanya igom, afi igara nti nne nwering me fon igere, ane waa iba gere igom. ²⁷ Ngha ntiga wun ngobji Christy yi, ntem-tem ijarr. Ka-eh yor. ²⁸ Mgbogo mbarr, Ishor buyege batontulor ngor ikobashi, igbobolo ibal bayen-amerr, igbobolo ira ba kpekpele, fufo neba iyor lem atanikor, mbaga ulem ayam, ba kaga ane ubor, ne mba iyor bre adi nfangha, fufor ne mba kpelor afu alom feb. ²⁹ Mbor waa batontulor ba? Mbor waa ba yen amerr ba? Mbor waa ba kpe-kpele ba? Mbor waa iyolem atanikor? ³⁰ Mbor waa ikpe ufu feb? Mbor waa iyol toror alom ilebe? ³¹ Kono nterr ngor uyangha agboro abodo, ken me fenghe yaba teber nya igalo inobor sheng.