¹ Jol nlelemeh wama, na me reror nlelemeh Christy. Ngha ntiga me ntige wun tep wun kpe me bogor abodo waa. ² Me kpe wun itige tep nenan wun kpe fele ibene tene teneh kpe na meh fengho ka wun. ³ Ngha ntiga mer kpi shebe nogor wun yi na christy reror ntobshi nendege, ngha nenom reror ntobshi nekal. ⁴ Nenorm nyo jomo-odor afi yenamerr nyo bolo ishi-je ufonim nkaga ka ishi-je. ⁵ Ken nekal nyondegege nyo jomo-ndor afi yen amerr ne ishi-je abol fonim nkaga ka ishi-je irena gredede na aber kpod ishi-ji. ⁶ Jolor nekal ka bolo ishi-ji ayi ma rep ikped-ikped,jolor ireror ndon ka nekal nogor akpod ishi-je rogor afi akpod ishi-je nogor abolo ishi-je ⁷ Nenom tibolo ishi-je, na areror ngor nfongho ye ne nkaga Ishor. ken nenkal yoreror nkaga kanenom. ⁸ Tep neh nenorm mbor lemum mbe ngor nnjobji nenkal. ⁹ Ikukobulor mbor lem nenkal ngor ngobji nenom. ¹⁰ Nayor iwedor ka nenkal ntegeba fonor ikor irenghe ka ishi-je, jop ne adingiri. ¹¹ Kpe tum shong, ngor idi Ntol, nenkal rem ijeje shaga nenorm afi nenom re-ijeje shaga nenkal. ¹² Ngha ntiga nekal jok-gor ngor idi nenom inyor nenom jok-gor idi nekal. fufor abodo waa iru idi Ishor. ¹³ Lam ka ujiba, ililak nyoji nekal ba jomo ndor togor Ishor ne ishi-je gbollo. ¹⁴ Ibene ibangim kpeele wun nenteng na ikalagor nogor nenom fon irarab nushi, ngha ikpem nkaga kar? ¹⁵ Ibene ibangim kpele wun mber nekal fonor irarab nushi, nkaga ji kar? tep nushi ye mbor kale nogor mbolo. ¹⁶ Ken jolor ne rerogor nogor afab-ba gum nta, wurr ukpem kpe nelme nyindendege ngor afi akobashi Ishor? ¹⁷ Shenbor ngha, ntagor wun mw ntigim wun. igara nti wun yeba idi njring, iremka inonob fengheh ka ishashab. ¹⁸ Ngor ngbogobarr meh nyokgo mbeh wun yeba idijring ngor ikobashi, oyaba rengho igum jineh ngor mbutama itembaga. ¹⁹ Itege rembeh wunba fonor nyaba ngor igumjineb, inonji yekge mba Ishor bebor reber ngho igom jine. ²⁰ Nigara nti wun yeba idinjiring, ijomlili Ntol shang wun , me li. ²¹ Igara nti wun lilor, fel ne yoli ije-ijomlili nogor mbagor ikum li nji-bor. Newereng kpiyama njal, wegor kpi bomo. ²² Atek iremnya wun ba lige fenghe wor? Wun yor tern ikobashi ishor fenghe ka aneba ikakpelor ndon ijomjom? Meh ntik wunor? nimba wunitigeh nghanta! ²³ Tep neh menyor ko ngo idi Ntol ijoji meh nyorba tap ka wum-ngha Ntol Jesu, nghor ne atu nji mbor teneh atap nshege. ²⁴ Igaranti abeh ka igafor, afele bun fenghe bong, ngha ngobji yama, nyi reror ka wun, lem nta nogor aboro yama." ²⁵ Ngho mbarr yor aba tap igbangala igaranti ijomlili fonor ibemal, fufor ababong, ibangala nja ukono-nyor mfemfeh ngor along mama. Lem wun igara ntendegedege, na wun wolor boro mer. ²⁶ Igara ntidegedege wun lilor nshege fonor fenghe war ngha ibangala nja. Wun ba toror gum iku ntol tehtehteh aba. ²⁷ Nendegedege nyor lilor nshege nya afi awor igbagala Ntol ner ishashab ikpen abagbogor ibene ibebe gum ngobji ne along Ntol. ²⁸ Ne fonortogor ngombarr tobor gum ijibeh, fufor ngha nkpa nya ali nshege fenghe wor ne ibangala. ²⁹ Nha, nenyor yor li fenghe wor karenghe igobji, ayor li fenghe wor nlama gum ujibeh. ³⁰ Noyor feb ngor igum jineh imeh kerr fengheh ayam, fufor wunbandege wun bugbor ilor. ³¹ Jolor ubreror ujibrreh wurr nlama remka wurr. Jolor igara nti Ntol lomo wurr. ³² Wurr ubakaga ngobji, akanya wurr mbor yitiba wurr ikakga akanya ne igum nemfam. ³³ Ngor ikukulor, ba gbayen bama igaranti wun yeba idijring bali ijomlili, shek wun atem. ³⁴ Jolor jolor nendege reror njal, ali ngor itek, iyoji igara nti wun yeba idijring, nlama tiba jolorka wun, fufor gum ne abodo nyagor nya wun nyonor, me bawun tebe igara nti nyeba.