¹ Nka sheb nogo wun tirenghe, ba ngbayen bama, na ba nshuwere wa a ijolo ngor ijine fenghe sheng ngoraya ma nen. ² Mbor wa-a iwuror alip njor mbeng Moses ngor ating ijinghe nne, ngor ating aya ma nen. ³ Mbor wa-a, ifenghe li ijom lili ufu njereng. ⁴ Nne alip ufu mereng. Tep mbor wolor ngor utal ufu mbi itonor bor, utalmbingho, Christy yor. ⁵ Ishor gam fon uyebitem ne mbor mbandege. Tep nenor, arada akune bor fada ndege akanya. ⁶ Ngha ntiga abaga nyangha, irenghe ji ka wurr nogor utitonor abod nya iwedor mboyolor lem abebe abaga. ⁷ Kawun jolba jomor aberr na mbor mba ntege ijolor Nya yor iyonor. Ane fonor ibime nogor mbor li fenghe wor fenghe tum yeme shaga ashi. ⁸ Wurr utiyor nongho ne atem na ikalagor na mbor mbandege ilemor. Ngor ufomfo mbring ane itaujen itil ne ira ikpolor tep ne nor, ⁹ Uti fenghe shep nogo uyongho Christy na mbor feb ilemor iwedoka unyor irengho bor. ¹⁰ Fifine, kawun jum urror nna mbandege ilemor iwedorka ufu iku iyelor bor. ¹¹ Abaga nyangha ijolor nebor nogor itep wurr mboh yonor nogor ijol nkpele kawurr mba ikpen ibakulor nenire. ¹² Tep nenor, nne nyor tobor mbe we yiyem. akono nterr nogor ati gbor. ¹³ Nyongho nji ndege ndege nyi befu shenghe wun nyi kaboti jol ne ane irem. Ishor nenting yor ka yor yangha, anumba wun yaga abor ka nyngho nji ifulor sheng wun. Nne nyongho fonor aba leme na wun bakogor sheng nyongho fornor shaga. Nyor nji wun malba nene neji. ¹⁴ Tep ne nor, aneb ikorr bama, tobo wun shaga abirr. ¹⁵ Nkpi bongho nenine wun ane mba ibe renghe nyor nji wun malba leme ijom nji mbe bong. ¹⁶ Igbangala inyar nji ukalor irem ngor mbaga along Christy, nshege nyi nbeji lem ngor mbaga along Christi. ¹⁷ Tep ikpaga nshege njireng irengho, wurr mba ureror feb, ure ngobji nyireng. Uyor bong gum ikpaga nshege njireng ne atem. ¹⁸ Berewun anep Israel ne ireror gara ne ngobji. Mbor wa mba ililor nyala shang ilomor idi nyala nyala fonor. ¹⁹ Bajom me me mbe bong? Mene abonlokte ijom njindegendege ji e? Afi agom lili abonlokte ijom njindegendege ji e? ²⁰ Nti mbe bong ire gum nyala ane mba ikakpelor ntama, nne nyala bor re ka ulum, irem ka Ishor. Nyim jor sheb nogor wun lem ijom nji ndegendege ne ulum. ²¹ Wun nimal ba wogor ne igbangala ada kpe wor ne igbangala ulum. Wun nimalba jolor ngor ikpokoro ada kpe jol ngor ikpokoro ulum. ²² Afi ulem nti ada ba yama item? Wurr ututunor shenghe? ²³ "Fel ijom ikpe ibene," fel ijom shang ifengho kpelor inshele."Fel ijom ikpe ibene," fel ijom shang iyor joro ikpen nne. ²⁴ Nnenne ti sheng ije inonob, ilaga nogo nne jang inonob nkultek we. ²⁵ Li wun ijom njindege ndege nji mbor goro ngor are, kawun beb mbube njolor ilagor afi ikalagor. ²⁶ Tep ada yor kpelor nfam ne abodo waa nya iyobo ngha ating. ²⁷ Njolor nne nyor kakpelor ntama koga mbe wor aji li ijom lili, ikora aji li ijom nji ndege ndege nji akala, ka bep item ta jolor ijom lili fonor inonob afi ika nobor. ²⁸ Ifengho jol mbe nne taga mbe, "injingha mbor bu kor yal nyala," kali. Ngor nnogor ka nne nyor taga mbe mbobu kor yal nyala ne item. ²⁹ Ngha mbonghm gum ntobor nne wegor woh shang. Tep nenan ikpen tama ibajolor na ntobor newegor lamor me? ³⁰ Njolor nlilor ijom lili nne nkaga, nnanor nne bame togo ngor ijom nji nkalor igafor? ³¹ Tep nenor ijom nji alilor afi awolor afi nti ndege ndege nti alemor, lem wa-a akor tig Ishor. ³² Kafon ibebe nji ndege ndege gum Jews, afi Greek, afi gum ikobashi Ishor. ³³ Tonor nnor, Nyor kana lem na iba koror ane wa-a ngor abodo wa-a. Nyom jang nshele yama nenting, nyor jang nyi ane feb nyor nji mborba fonor nnogor.