Dimero 3

1 Kebo nubo wuyak wo a yilam nob merangka tiye, keb mibbo. Bin nyimom ban nyo warke ko cilong cilongeu. 2 Wori biki kottangi fintange ducce. No kange nii kottangbo ki ketito nyiye ri, cin nii wo tim tiye kambo kene, wuro adolum atam bwice tiyeu kwarubbe. 3 Cano bi dokti duka nyi tuwa tinim, naci bwangbinen ten ri, batin bwangten ki bwiceu gwam. 4 Kom to nabire mwegeu, bwen duwal cii tenangi kabeu la yuwako kwam kwame ki kwob coreu, nii kwob tiyeu ki yilakang co ki be kemere na yaki co fiye nii kwobka ceko cwitiye nin. 5 Nyo ken biyen be diker mor mwanti bwiye, la kima kwilangka diketini dur. Kom nyimom tak kambo kirako bi duwar ki twirangum de kum tiyem bo dur reu. 6 Biyen keneu kira mor bwiyeni, in kira kalek ci yo mor bwiyeube. Kange tangnim bwiyoti, yila dok nawngen tangne bwiye yilam na kira. Cel lo kira bolcotiye. 7 Wuyak biciro kiyeu, bilibe, kange birombo kwobti ki fwerou, kange birombo mor mungeu, ci bwantenti ki ci ki bwe niffire kenma bwangtenti kici. 8 Dila biyendo ni kange mani wo a yulangum co fiye ki maka dikero bwir, dimki datiwo twal mintiyeu. 9 Ki co biyendo wo caklangum kwama kange tee, co tak bi tom niifir ci ywelli mor kwama. 10 Nyori biyom bibwer kinco nyiyoco bi torangum bitor tiye. Kebmibo dikewo datenbo. 11 Kwen munye ro mani co kum mwembo lumerti wari kange wo kebo na lumere, atin mam nya?. 12 Kebmibo ti nyingcing mani tuu zaitu ti, an ma nya? kakaa take nabi mani ma bware?. 13 Weni more kume ki hikima kange fahimta more kume? dila niwo yimcembo yor yoryoreu adang mangendo yim teluwe kange nyomka fiyantiyeu. 14 Cano kom wiki kero bwira bwirari, kange kuru bwir mor neere kume, kom kungde dor ki cwerke dor bilenker. 15 Yulan do wuro kebo nawo yirauti di kwama, dila na dorbi ti neco wo manki yuwa tangbe keu. wo kelkeleto ceu. 16 Na weu fiye kero kange ki kwama kuru ciwiyeri cin fiya kwobkangke fou kange nangendo bwir. 17 yulangdo wo di kwamau nawu wucakeu. 18 Luma neerer cer wo tam dorcereu, yibo wo ci bwiri, kambo keneu, wo ma lumanecek tiyeu, wo mani luwareu, wuro bilang tiber nuborotiyeu yi yim wari ki filang.