1 Kom keb mibo, Kom tare bilenke Teluwe be Yesu Almasiya nin, Teluwe duktangka, ki cwika duwek fiye keb kimebo wiye. 2 No yilam kange nii dou fiye mwer kangka kimek ki kene mwiner kange belle yor yore, di nii bwini kange dou ki kwilendo yorbeu. 3 Ta no ko tom ka nii wo ki kwilendo kenneu, dila kom yico, "No mwin ciya ri, yiken fo fiye kendo wo nin," la kom yi nii bwiniwo kom ki," Mo tiken firen ," kakaa ," Yiken fo bitine kami," 4 Kom warbo bolang bwiti kom ka? Kom yilam bo nob warkeb bo ki kwarum nere bwirtini ya? 5 Kom nuwa, keb mibbo ma cwitiyeu, Kwama cok bo nob fuwab bo kaleweu na yilam nubo cuwe-cuwe mor bilenke na ci yilam nob kwaleb mor liyar do wo ci ma nubo wo cwico tiye nin nora? 6 La kom cuwekangum nob bwinibbo! La kebo nob cuwe cuwe kwom cangkom tiya? Ke cibo kwobkan kom ti ci yakenti ki kom ku bolanga? 7 Ke cibo torang dendo wucakke wo ci cuwo kom ti cika? 8 Tano mwi dim bolangko dateneu, nawo bi fumero tokeri, " Cwi nii bi dom kange mweu na dor mwero," mwin maani dong-dong. 9 Dila no kom dang kungka dorek ri, komki ma bwiranke, takkeu bolangko tam kom na nubo bwangten bo werfun ne. 10 Wori nii wo bwangten bolangko gwam, dila cin kottangi dor wiin nure ri, cin kim bolangko wuyak. 11 Nii wo yi ki," māre kayaka," yila yiki," Twalde nii,". Tano mwi mabo kayaka, la un twalum nii ri, mun yilam nii fuwa bolang tiye. 12 La naweu, kom tokker ri kom ma nangen tak na nubo ciya maten bolang ti ki nur warke cērkau. 13 Wori warke mani bou ki ciika bwinik dor nubo dangbo ciika bwinike nin. Ciika bwiniko cam ƙaba dor warker. 14 Ken cer nye, keb mibo, cano kange nii yiki cin wiki bilenke, la ci man ki nangentini ri? Bilenke cuwo an fulo ca? 15 Dangke, na no ƙeebe kakaa koya be man ki kwilendo ken kange cari kakuke. 16 No yilam kange be Yi cii ki,"Ko yā ki luma, Kom yilam ki bom bome kange bwaka fwerek. No kom necibo dikewo daten na bwiyece ri ken cer ye? 17 Nyo takkeu, bilenke ki kwace, no ci man ki nangen ri bwiyam bwiya. 18 Duwal kange an yiki, " Mwin wi ki bilenke, la min wiki nangentini." Nangmen bilenke mweu mani ki nangentini yeu, di nami nangmwen bilenke miu ki nangentini miro. 19 Mon ne bilenke muki Kwama wiin muma nyeu dong dong. Dila ki ninga tini ce ne bilenke nyo ken, bwi ceu yelti tak. 20 Mo kule nii, mwi cwiti namwi nyimom, mwiki bilenke no man ki nangentini ri dikero bwira? 21 Fiya co Ibrahim Tee be fiyabo ceer ka ki nangen ki kwama wo ci neken bibwe ce Ishaku dor tancilanera? 22 To,dila,bilenkeceu mana-ngen ki na-ngen cero,dilan na-ngen dok bilenkeceu dwiyome. 23 Di,bifuro diim nawo tokeu,"Ibrahim ne bilenke Kwama nin,la Kwama yoco cin yilam nii luma nerek,"la cin yilam far Kwama. 24 La komto,in na-nyen dok nii ceerka,kebokabilenke. 25 Kebo nureco win,Rahab nawiye burotume fiya ceerkaciko ki kwama ciyo nob toma-ngebo wuro yila ci cokcii nure ka-nge? 26 Nawo bwiyo maniki yuwatangbek ri bwiyam-bwiyau,kino-nyo bilenke mani ki na-ngeneu bwiyam-bwiya.