Dimero 1

1 Yakubu, bwe canga Kwama kange Teluwe Yesu Almaciya, ki tuwe luwe wo kwob cilombo yobe buro yālame meu, mi yārum komti. 2 Ayila kumen diker fuwor nerer kebmibbo, no kom fiya cuwarum tini ri. 3 Kom nyimom cuwarum bilen kimero ne birom nere ti 4 Kom dob birim nere a dim nangen cero, nakom lam dika biduweret, nakom tam dor kimer tak, la na kom ler diker. 5 Tanno kange kume cwi yilen tiri, ciya ken Kwama, nii wo ne nubo dikero ti gwameu, kebo ki buwaka nubo me ce nin gwam 6 Dila ca keni ki bilenke, kebo ki nyimanka. Wori nii nyimanka kino na mwelangka mwengek mor gali wuro yuwako tungi fo ri tungi fireneu. 7 La nii wo cuwo a kware ki can yo dike kange Kwama nin . 8 Wang nii wo ko ki nerro yob, la tibo fiye wiin ki dikero ci matiyeu nin. 9 La kebe nii bwini a ma kwilangka ki kutile ceu durko, 10 Dila nii wo cwiye-cwiyeu ki kutile ceu biduwareu, wori catin dim na fun yerer mor kiye. 11 Wori kakuko wi ceruuti ki cilen wo a twirangum yerako tiyeu. Fundo yarangum, dila yorka ceko dim. Nyo nii wo ki cwekau ken atin kwicim mor yame ce nin . 12 Bi buyer ki nii wo birumom cuwakake. Wori bwiko ci biim nere di, can fiya lalang duwek dumek, wo ci ma nubo cwi Kwama nin tiyeu nor cereu. 13 La nii a tok re no ci fiya cuwaka ri ki ," Cuwaka miko bou Kwama nin," wori mani a cuwa Kwama ti ki dikero bwir, la co ciki bwi co mani ci cuwa nii. 14 Dila nii ki fiya cuwaka ki dilangka nuwe ceko nin, wuro kob coti yem nercero tiyeu. 15 Kambo dilangka nuwe ceko tum fwere di, la bou bwirangke. Tano bwirangke diwyom di ki bou bwar. 16 Kom ciyare bi boler, keb mibbo mi cwitiye. 17 Luma nereko yor-yoreu kange luma nereko dim-diyeu gwamki cirou dii. Yirau fite Tee filange nin. Fulongka kakaa wulo ki ker yila kangkar. 18 Kwama cok naci bō bo ki ker bilenker, wori nabi yilam na biika ƙabak dikero ci fweleu gwam. 19 Kom nyimom wuro, keb mibbo ma cwiyeu: nawori nii firo gwam ayilam ki nuwaka kerek wulom, ayilare ki tokka kange funer wulom. 20 Wori funer niir mani ya ki cak-cake Kwama. 21 Nawori kom cutang yeika bwirangkere ko wi kange bwiran dike reko ducce. Mor cukka dorek kom yo kero wo ywim-ywiyeu, wori atin fulom dumetini kimeu. 22 Kom yilam nubo manangen ti ki kere, la kebo ka nob nuwakab koni, ko bolang dor kimeroti. 23 Wori no nii yilam ka nii nuwaka kerek la kebo nii maka nangenek ciko ri, ciki no na nii wo to tikob ceb bo mor nuwe turome . 24 Cin to tiikob cebo ri cin kubom wi, di dangjan-dangjang cin tabum ki tikob cebo. 25 Dila nii citen nuwe to bolangko kendo wo cerkako ceu, di ci bwangten ti, ci yalabo ka nii nuwaka wo tabummeu, nii wo an fiya bi buyer ki nangen cero nin. 26 No kange kwati cin nii bwangka ri dila tābo nyiceu ri, cin bol nercero, la bwagka ceko na bwir. 27 Bwangkako wo man ki dutti takkeu wuccak fiye Kwama wi kange Teeu cuwo wo: na tikang bwinebbo kange natum kwalebbo, morr dotange ciye nin, takkeu na fiyare diker bi torer kalewo .