Dimiro 4

1 Ye bouti ki kiyen ka-nge dige tiber kumere? kebo mor dilangkako bwwirko wo kwenuuti mor nerer kumeka?. 2 komti dilangi lakom maniciko. komti kwali kom maten nung nungti. la mani kom fiyeti. kom mayanti ka-nge kwab kangka yakaen diduweneko kom fiyabo wori kom mebo. 3 kom keni kom fiyabo wori kom keni nure yorbe, kom keni kom ma nangen ciko wo dilangka nuwe kumeko bwirko ceu. 4 kom nob burokab kom nyom, bifarak ka-nge dorbitinero, kwici durok ka-nge kwama ku? Tano niwo doken maka bifaraki ka-nge dor bitinero weri yilam nii kiye kwama. 5 kom ki kwa komki bifumero tok koni ya, "yuwa tangbeko wuro morebem wiki kor kambo ken"? 6 dila kwama cwobten neka lumako, co dige bwi bifumero yiki, "kwama ma kiyeti ka-nge ni kunka dorek, dor dilo neni lomjome lumati. 7 lama wori, kom neken kwama dor kumero. kom ko bwe kelkeleu, catin dubomkom. 8 kom bou bidom ka-nge kwama, atin bou bidom ka-nge kom. nirim kankumek kom nob bwirankeb, kom yulom nerkumero wucak, kom nubo nero yobeu. 9 kom ma firnerer, bunanka, ka-nge wuye binu-ngi kumembo a yilam firnerer, bilangtum kumembo a yilam firnerer. 10 kom yibom dor kumero kabum Teluwe, can kunken nen dii. 11 kom kwabangre keb kumebo kiner, kom kebmibo. niwo tõ keceti kaka'a makecenin bolangtiyeu, ki torang bolang ka-nge warka bolangek no mu warbolangdi, dangi mani mu bwangten bolangoti, dilan warka. 12 nii nebolanngti ka-nge warka wiin. coni fuloti ka-nge twalka . munwe, mu war nibidom ka-nge motiye? 13 nuwa komwo kom yiti komki, "duwen kaka'a fini nyiki yang cinanloro wo nan yii wi coro win miye na fiya mwem dor cer. 14 we nyimom dige a duwen bwiuti finiye yim mwombo a yilanyi tak? mu nan bwaka yuwak wuro ki cirouderi yila dimeu. 15 dila nawori, tok muki, "canno kwama tokiri nyamawo kaka'a wureno" 16 dila naweu mu kundorti yulangka mwoko wo takama. kumka dorekowa, nerobwiko ce. 17 lana wori nii wo nyimom digero daten maka dila maberi, yilam bwirang kerer fiye ciwiyeu.