1 A'di enga ngoa ya? omba emi eselia ri enga ngua ya? enga ava ruani omba emi ma eselia 'di'i ma aliari siku? 2 Emi ma li afasi ra, et emi ovuni afanderi be ku; emi 'ba fu ani. emi ma'yala 'ba tu, te emi econi ezuzo ku; emi awawa ,emi omba 'bara. te emi ovuni afa nderi be ku, emini zita zile onzi ri si. 3 Emi zi, te emi esuni afa ku a'dosiku emi zi onzi, emini lezu avaruani 'yezu anirisi. 4 Emi oku awuoru 'diyi, emi nini kini agei 'baza nyaku ber eri 'ba 'ba ovuzu eri'ba Mungu be ku ya? ka 'dini 'ba azini kale ovu agei nyakuniru, agu nderi 'ba ovupi ari'ba Munguniri'yi. 5 Kani emi ega emi asi ya e'yo siza ni 'yoleri 'yo tokoya,'yo kini, orindi eri ni 'bale ovuzu amaaleari eri ovu avabe kpere a'ya 'bazu ama e'yosi? 6 te fe 'yeta azutiri ama dria agara; e'yo 'disi,e'yo siza kini, Munguni 'ba ovupi asi afube ;di madri aru, te eri adri 'yeta azutiri fe 'ba ovupi asi e'yere si 'didri. 7 Emi ma ovu ezatasi Mungu ma pala emi ma oga 'ba asusupiri, eri nga apa emi vurisi ani. 8 Emi ma esi emi ogogo Mungu vu, Mungu ni nga ani i esi emivu ogogo.emi ma oji emi ma dri,emi 'ba eza ebe 'diyi; emi ma 'ba asi alaru, emi 'ba ovupi asi eri be 'diyi. 9 emi ma enga emi, emi ma ota candisi,emi ma ovu owi, oguta emini ma oja 'yi asi otazaru, ayiko emini ma oja 'yi asi nzizaru. 10 Emi ma 'ba emi vaa asi e'yere si Opi ma mileya, eri nga emi 'ba oru. 11 Emi ma 'yo emi ma egei ma ru onzi emi maeselia ku, ma adripi.'ba ka ima adri ma ru 'yo onzi, kani ka i ma adri ma e'yo li onzi, eri azita ma ru 'yo onzi, eri e'yo azitani li endi.Te mi ka e'yo azitani li, mi ovuni 'ba azita 'yepiri 'i ku, te ma 'ba azita ma e'yo lipi ri'yi. 12 'Ba azita fepiri azini 'ba e'yo lipiri eri alu, ecopi 'ba papi azini 'ba dri japi ri'yi.Te mi'yi; miagei mini ma e'yo lipiri mi'dii ya? 13 Emi eri juru 'do emi 'da e'yo 'yopi nini 'diyi kini ,adru kani drusi ama nga mu aku amburua 'dale,ama nga ovu 'bale eli alu, afa oziria orodri esuzu; 14 Te di emi nini e'yo druni 'yeriku. edri emini a'doni ya? e'disiku emi afuruza 'i e'bapi etu were, vutiania afipi era ri 'yi. 15 Te le emi ma e'yo 'dini opi ka le ra ama nga ovu edriru, azini ama nga e'yo 'diri 'ye, kani 'dari. 16 Te curu 'bo emi emi enya efu emirisi. enyaza awa'dini be 'diyi dria onzi . 17 ka 'dini 'ba ka ni e'yo onyiru 'yezu ra, te eri ka 'ye ku, e'yo 'diri ezataru eridri.