1 Emi vu coru'do, lonyi 'ba, emi ma owu, emi ga lulu candi ngapi ecapi emizu 'diyi si. 2 lonyi emini mara, bongo emini odudu mbera , 3 mele emini azini zaabu emini oja 'i orizaru,oriza ni nga e'yo vuti je emidria eri nga emi ma rua nya acile, emi okuna ndra onyi odhu asizu 'di ma alia . 4 Mi ne ,oya azi'ba ori okuna pi emiri anvua 'diyi vile emini ga le fele yidri kokoru siri eri oyu oru, otreta 'ba ori okunapi 'diyi ni fi opi asikari ongulumururi 'diri ma bilea 'bo. 5 Emi ovu ndra afa onyiru nyaku ni niyi be tretre,emi 'ye ndra e'yo dri aava emini rua arini leleri; emi fe emi asi ni drazu o'du 'ba o'dizuri ni . 6 Emi li e'yo ,emi fu 'ba kililiruri te pi e'yo emini ogapi kuri. 7 Emi ma ovu asi teza be ,adripi,kpere opi ni ecaria, mi ne 'ba nya nya piri adri efi kaza onyiru nyakuni ma mile ga, eri tezu asi teza si de ozua ayini pi ozua wadri ni be 'di ni nga drinia ku . 8 mi ma ovu asi teza be alu endi, emi 'ba emi ma asi okporu, o'du opini ecazuri ni ovule ogogorisi. 9 Emi ota emi eselia ku,adripizi 'dini 'ba ma e'yo ma adri lizaru ku beni, ene 'ba e'yo lipiri eca jotilia. 10 Adripi,emi bi ecetaru candi nyaza asini azi tezasi nabi e'yo 'yo pi opi ma rusi 'diyi ma e'yo. 11 MI ne, ama adri 'ba candi nyapi asi tezasi 'biyi omve 'ba drile baru. Emi eri asi teza YOBU ni ma e'yo ra, emi ne e'yo opini 'yeleri ma asiza 'bo endi,kini opini ovu asi ndriza be tre azini yili be tu. 12 E'yo woro drilea, madripi emi so oyo ku, kani bu ma rusi,kani nyaku ma rusi ku endi, te e'yo emini awa'diniri ma adri awa 'dini, 'dini yo ri madri 'dini yo, emi ka ni 'dezu e'yo lizaru ma alia ku. 13 'Ba azini emi eselia ovupi candi alea ci ya? eri ma zi mungu. 14 'Ba azini emi ma eselia azoru ci ya? eri ma omve 'ba gwara kanisa ni ,'di ma zi Mungu eri dri, yini odu osuria eri ma rua opi ma rusi. 15 Mungu ziza a'yita siri nga 'ba azo beri atira, opini nga eri enga ra, eri ka tro ndra e'yo ezara ti, eri nga erima onzi zira. 16 Awa'dini emi olu ezata emini emi eselia, azini emi ma zi Mungu emi dri alu alu dria, emi ma rua ma ovu atizaru beni. Zita 'ba kililiruni Mungu zizori ovu okpo be tu. 17 Elia ni ndra 'ba ekile amale, te eri zi Mungu okposi kini, ozua ma 'di ku; ozua 'dini ani nyakua ku elina drinia mba asiya; 18 Vutinia eri zi Mungu dika nga di ozua fe, nyaku nga efi ini ka ani. 19 Adripi mani,'ba azini emi ma eseliari ka e'yo adaru ku ja te 'ba azini ka eri omvira, 20 ma ni kini 'ba'ba onzi omvipigeri erini abazaruriari nga orindi 'ba ni pa dra ma alia, eri nga ezata kakau madri a'bu ra.