¹ Ma adripi , emi ma ovu 'ba'ba imbapiriru kakau ku a'disiko emi ni kini ,'ba yi nga ovu e'yo liza milia okporu. ² Ama dria adri aba e'yo kakau si . te 'ba azini ka aba e'yo 'yoza siku, 'ba nderi ovu 'ba kililiruni, eri eco i ma rua dria ogazaru indi . ³ Te ama ka afa ayaruri 'ba akanya ma tilea,yi ma 'ye ani ekile amani lelerile, 'dini ama 'i ma rua oce dria. ⁴ Midre siruzaru oguru ,ka tro ovu amburu tu, ka ovu drozaru oli okporu si ti , te di,yi ovu azazaru et gakanyaru: kala 'bo oguru ma ti pipirima azini leleria dria. ⁵ Awa 'dinia , andra ovu rua ma eselia were, te eri e'yo ambu ambu ofu. Midre, aci gaaru nga pati kakau ve. ⁶ Andra eri acini, eri angu wudrikurule e'yo onzibe ,rua amani,ndundu ma esele, eri rua 'bani eza dria eri adriza ruani 'bani osizu eri beri ma ti du acisi,te yi du eri ma ngulupi ma ti Jehalumaa. ⁷ Suru anyapi ni dria, aria pie afa acipi agatisi nyakua 'diyi pie, afa ovupi miri alia 'diyi pie dria ma adri yi etali 'diyi ni engazu drio: ⁸ Te 'ba aluni econi andra elalizaru ku ; eri afa onzi ecole ogale kuri, eri ga enyata dra fepiri si tretre. ⁹ Andra si ama Opi ATama ru idu, azini andrasi ama 'ba dri, i 'ba Munguni 'ba le i ma urasi 'diyi. ¹⁰ Ru eduzu piyi 'ba drizuri be yi efu tile alua. Ma adripi , e'yo ni ovuzu 'dinirile funi dri ku. ¹¹ Yi a'di ma alia, yi aluzaru pi adri ega yi drazaru be mile alua ya? ¹² Ma dripi, eco elioni mizeyitu efi nyazaru ya, kani eco zabibu ni elio efi nyazuru ya? 'di mile indi yi a'iruri econi yi aluzaruni fezaru ku. ¹³ 'Ba onduaru emi eselia e'yo va piri a'di 'i ya eri ma ece 'yeta erini adriza onyiru si ,asi e'yere ondua niri ma alia. ¹⁴ Te emi ka ovu ma'yala drazaruru be azini awata be ini asia emi ma enya emi afusiku, emi ma li ejo e'yo adaru agazu ku. ¹⁵ Ondua 'diri i 'bini enga bua asizo nyakua, te eri ondua nyaku ni a'ya ruani be , orindi onzi niri 'i. ¹⁶ Te pari 'ba ni ovuzu ma'yala pisi awata be ria isu angu di i ma oji ra,'yeta onzi kanyaru be tretre. 7 Te ondua e'bipi bua urusi, okorisi eri ovu alaru, vutinia asi anzurube asi e'yere pie, eri ngonde e'yo 'bani esuzu,eri nga eri ga yikipie tretre efi 'yaza onyiru 'dipie openi 'ba ku ovuni lokiri be ku. 8 Efi 'yaza e'yo kililiruri ni ma ori ovu rizaru asi anzuru ma alia, 'ba e'yo 'yepi asi anzuru si 'diyi ma e'yosi.