Ma adripi, a'ita emini Yesu Kristo opi amani dizaniri a'izuri ma alia, emi ma ope 'baku. ² Te 'ba azini ka fi jo emini emi okuzuria malia driamvaari be bongo ndrizaruri be ruaa, te 'ba aioni ka fi bongo ondiru be indi; ³ emi ka 'ba bongo ondrizaru supiri lu 'yozu, mi ni pari onyiru 'do ria; azini emi'yo 'ba alioru ma tia, mi so pa 'dale, kani, mi ri va pari mani ma pa 'bazuri ma etia 'doa; ⁴ ka 'dini ovuni 'ba opezu emi eseliari ku ya,emi ojani emi 'ba eyo lipi asisile onzisi 'diyiru koya? ⁵ adripi mani lele 'diyi la ,emi eri ,Mungu openi 'ba alioru afa nyakuanisi 'diyi yi 'bazu ovuzu 'ba eri lepi 'diyi driri nyazu yi ma afaru ku ya? ⁶ Te emi 'ba 'ba alioru 'diyi edematararu.'Ba afa e'iru 'diyi adrini emi drilia opiru emi nyazu okposi ku ya? yi seni emi pari 'bani e'yo lizuria ku ya? ⁷ 'Ba 'diyi adrini ru onyiru 'bani emi omvezuri o'da ku ya? ⁸ Te di emi ka azita suru opini nyaleriniri 'ye kilili e'yo sizani 'yolerile, kini mi ma le mi agei mini mi ngulupi lelerile, emi 'ye onyiru. ⁹ Te emika 'ba ope, emi 'ye onzi azini azita nderi nde emi emini e'yoni ezale rarisi. ¹⁰ Te 'ba azini ka azita inzi dria ra, te ka mu eza e'yo alusi, eri eca ovuzu 'ba azita dria ezapi riru. ¹¹ Te 'ba 'yopi mi b'a ali ku-ri ,eri 'yovini indi , mi 'di 'ba ku. Mi ka ali 'ba ku ti, te ka 'ba 'di ra , mi ofu ovuzu 'ba azita ezapiriru. ¹² Emi ma 'yo azuni emi ma 'ye ekile 'ba yini ngale yi ma e'yo lile azita trutaniri vusi 'diyi le. ¹³ Te e'yo liza ovu yiki kokoru 'ba yiki 'bapi kuri ma dria yikini i enya ayikosi erini e'yo erini e'yo liza ndelerisi. ¹⁴ Ma adripi la , orodrini ngoni ya 'ba ka 'yo i ovu a'ita be , te 'yeta erii yo? A 'ita 'diri eco eri pazaru ya? ¹⁵ Adripi kani amvipi ka ovu pililiru, ka ovu nyaka kokoru o'du dria , ¹⁶ Te 'ba azini emi eselari ka 'yo yi tia ,Rmi mu asi anzuru be, emi mu aci yu, emi tra nyakasi indi, te emi ka afa yini nda leyi ma rua ma aza kozuri fe ku, orodrini ngoni ya? ¹⁷ Awa 'dni a 'ita ovu 'dinile : ka ovu a'dule 'yeta kokoru, eri ovu idri kokoru. ¹⁸ Te 'ba azini nga 'yo mi'i mi ovu a'ita be, ma 'i ma ovu 'yeta be. Mi ece a'ita mini 'yeta kokoruri ma dri, te ma nga a'ita mini aa'ita mani ece midri 'yeta manisi. ¹⁹ Mi a 'i kini Mungu eri alu, mi'ye onyiru.Te orindi onzi yi a 'i alu indi yirua yaya ani. ²⁰ mi 'ba ondua kokoruri ovu toko,ku ya? ²¹ Yi lani ama a'bi Iburamuni kililiru 'yeta erinisi, erini i mvi isakani file pari edeta edezuri ma driarisi ku ya? ²² Mi ndre a 'ita 'ye tualu 'yeta erini be , azini 'yeta nde 'diyisi a' ita eca i paria kililiru ²³ Te e'yo siza 'yopi kini,Iburahimu a 'i Mungu ra ,yi la e'yo diri eri dri e'yo kililiru, 'dini 'ye trotro ;azini omve eri ageyiMungu ni. ²⁴ Ka 'dini emi ndre yi 'ba la kililiru 'yetasi ,te a'itasi a'dule ku. ²⁵ 'Dini alu indi oku awuauru Rahabu ovuni ndra lazaru kililiru 'yeta erinisi,erini ojiou a'ile azini ti pele geri andinisirisi ku ya? ²⁶ Te ekile rua orindi kokorurini ovule avunirile,'dini alu indi a'ita 'yeta kokoruovu drazaru idri kokoru.