1 Te mi ma ni e'yo 'diri kini o'du vile 'diyisi ewu ewaruri nga ecara. 2 Te 'ba yi nga yi ngulupi le, yi nga yi asi 'ba faranga ma dria, yi nga yi ngulupi ma e'yo inzi,yi nga ovu asi afuru be, a'data o'dazu, 'bayi tipi 'diyi ma e'yo erizu ku; awa'di fo kokoru,alatara kokoru, 3 yi nga ovu 'ba leta be yi ma asia yo 'diyi, 'ba omba kupi ku 'diyi,'ba asuru 'diyi, 'ba nipi yi dri si pi e'yosi ku 'diyi ,'ba adaru , 'ba e'yo onyiru lepi ku 'diyi, 4 'ba'ba o'di nyapi 'diyi, 'ba e'yo 'yepi singiru 'diyi, 'ba yi ipipi afusi 'diyi, 'ba ayiko ruani lepi aga leta yini Mungu lezu rira 'diyi; 5 yi ovu eceta adriza 'bani ani Mungu inzizuri be ci, te yi ga okpo erini si . mi ona mi eyisi ra. 6 'Ba awa 'dini 'diyi ma azi adri fi jo ma alia,akua saru gapi e'yo onzi si tre,li ndu ndu ni ojile ni 'diyi obizu eyini ru ; 7 oku 'dini'diyi adri e'yo oni odhu dria,te econi yini ecazaru nita e'yo adaniri nizu ku. 8 Ekile Yane pini Musa ma dri arule agatasi Yambere be ri le,'dini le yi 'i endi yi agata ga e'yo adri agazu; yi 'ba yi ma asisileni yi ezazu 'bo, dri fupi a'yita nderi ma e'yosi ku 'diyi; 9 te yi ngani aga drile ku,a'dosiku aza yini nga i e'da 'ba dria ma milea, ekile 'ba dayinirini ndra i e'dalerile. 10 Te mi obi imbata mani pi ma vuti 'bo ; adriza pie ,e'yo mani ndrule'yeleri pie ,a'yita pie,asi e'yere pie,leta avasiri pie, azi teza pie, 11 inzita pie , candi pie, mini e'yo ecapi ma ruaa atiokiaa, Ikoniaa, Lusiteraa 'diyi pie dria; ma a'yi inzita 'diyi asi teza si ;te Opi pa ma i ma alia dria. 12 Adaru, 'ba dria lepi acipi onyiru kristo yesu ma alia 'diyi nga inzata isu ra, 13 te 'ba onzi azini 'ba inzoru 'diyi nga aga drile drile e'yo onzi ma alea, yi ni 'ba iciria ,azini 'bani yi iciria endi. 14 Te mi'i, mi ma ovu e'yo mini erile'bo azini mini nile e'yo adaruri 'diyi ma alia, 'dani, mini 'ba mi imbapiri a'di 'iyari ni le ra risi. 15 engazu mini ndra ovuria mvaaru mini e'yo siza alatararu ecopi mi bazaru onduaru pata esusu acita ovupi kristo yesu ma aliarisiri ra. 16 E'yo siza dria efu Munguni i ma ava vule driniarisi, er ovu orodriru imbatasi e'yo edeza si e'yo otuzu vini e'yo imbazu e'yo kililiruru ma alia. 17 'Dini 'ba mungu niri ma ovu ani ngonde,afa driabe vini alatararu 'yeta onyiru 'yezu dria.