¹ Ma azita fe mi dri Mungu ma milea, azini vini kristo yesu ngapi 'ba draza pie ma e'yo lipi 'ba edri ru 'diyi be ri ma alia, e'data erini yi e'dazuri pi ma e'yo Opi nyaza eri be: ² mi ma olu e'yo ,mi ma olu 'dani ewu 'bani lele kuria ti, mi ma ece e'yo adari , mi ma enga 'ba dria, mi ma omi 'ba ma asi, asi teza pisi imbata be dria. ³ te ewu yini ngazu imbata aluri ri a'yiri zuku ri ka eca ra ,te yi ma bileni nga le angole ango risi yi nga yi dri 'ba yi imbapi 'diyi oku yini leleri le, ⁴ yi nga yi mabile oja ,yi ka ni e'yo adaruri erizu ku,yi nga yi oja e'yo 'yozo okotoko 0'dukoru 'diyi erizu. ⁵ te mi yi, mi ma te mi agei e'yo driasi, mi ma a'yi candi esuzu,mi ma 'ye azi 'ba e'yo bari alupiri niri ra,mi ma 'ye azi yini lefe midri ri dria. ⁶ a'disiku yi 'ye ma fe edetaru curu 'do; etu ma mi drazuri eca 'bo. ⁷ Ma 'di a'di onyiru ri 'bo, ma nde nzuta ongu nzuzuri'bo ,ma mba a'yita ma ta 'bo. ⁸ Engazu curu'do yi mba ekilaza e'yo kililirurini ma ta ma dri 'bo, Opi ma e'yo lipi kililiru nga le fele madri o'du 'darisiri; te madri a'dule ku, te 'ba dria e'data erini yi e'dazuri lepi 'bo 'diyi dri endi. ⁹ Mi ma obi asi driasi emuzu ma vu mbele; 0 A'disiku Dema ku ma ra, erini e'yo nyaku 'dorini leleri si,eri mu Tesalonika 'bo Kereseke mu Galatia, Tito mu Dalamatia. ¹¹ Luka ni a'dule ovu ma be ni .Mi e'du Marako ni ejizu mi be endi, erini drifule onyiru ma aza kozu risi. ¹² Te ma pe Tukiko ma ti Efesoa 'bo. ¹³ Bongo beza mani kule Troa Karipo vuri mi eji endi mini emu ria, azini buku'diyi,te agapiri mi eji enyiriko edele karatasi ru waraga sizu 'diyi. ¹⁴ Alegezanda, 'ba mola dipiri 'ye ndra ma vu e'yo onzi kakau;Opi ni nga eri ofe 'yeta erini erini 'yele 'diyi vusi. ¹⁵ Mi ma ovu mile be erima e'yo si endi, a'disiku eri aru ama dri tu e'yo amani 'yolerisi. ¹⁶ Ma ni e'yo mani ma eti jeria 'ba eyo lipiri ma milia pale okoria, 'ba aluni pasopi ma be ni yo; te yi dria kuma ra, ma la e'yo 'diyi eyi ma dria e'yo onzi yiriru ku fo ! te Opiso ndra pa ma be ni, eri fe okpo madri e'yo bari oluzu ani kililiru fudri ci, 'ba cururu 'iyi dria ma eri e'yoni beni. te eri pa ma kami tia ra. ¹⁸ Opi ni nga ma pa e'yeta onzi dria ma alia, azini eri nga ma ta mba cazu suru ini 'buaria. diza ma ovu eri vu 'dani ewule ewule, amena. ¹⁹ mi zi PIrisica piyi Akule be cici, 'ba ovupi Onesiforo vile joa 'diyi pie. ²⁰ Erasito awu ndra corenitoa; ma ku ndra Turofimoni ni azoru Miletoa 'dale. ²¹ Mi o'bi asidriasi emuzu de nga ewu anguni:ambizuri ecani ku.EUBULO piyi zi mi cici,Udente pie Limo pie, Kilaudia pie adri pi pie dria. ²² opi ma ovu orindi mini be .'yeta anzutiri ma ovu mi be.