E'yo'dirisi mi'yi ,mva mani la ,mi ma ovu okporu 'yeta anzutiri ovupi kristo yesu ma aliarisi, ² azi e'yo mini erile ma vu 'ba e'yo eti jepi kakau 'diyi ma mileari,mi ma fe tanimbazu 'ba asi ada be ecopi 'ba azini imbapi endi 'diyi dri. Mi ma a'yi candi esusu ma be ekile Askari onyiru kristo yesu ni ri le , ⁴ Te asikari mupi ombaa 'bo 'diyi ma aluni ngani i eci adriza nyaku 'diriniri be ku,eri ma fe ani ayiko 'ba eri sipi asikariruri dri beni, ⁵ Te 'ba azini ka o'bi avita ma alia,eri ngani ekilaza esu ku ka nzu azita nderini lelerilekuria. ⁶ 'Ba i ecandi pi amvu ma azisiri ma e'do afa kazaniri nyazu oko ni. ⁷ Mi ma dro asisile mini e'yo mani 'yoleri ma dria, te Opini nga e'yo vaza fe midri e'yo dria ma alia. ⁸ Mi ma ega yesu kristo Daudi ma oriru,engapi 'ba draza ma eselia'bori ma e'yo, ekile e'yo baru mani olulerile; ⁹ E'yo baru 'dirisi ma ovu ecandizaru kpere mani ovuzu ombezaru ekile'ba onzi 'yepirile. Te e'yo Munguniri ovuni ombezaru ku. ¹⁰ E'yo 'dirisi ma a'yi candi 'diyi dria asiteza si 'ba Mungu ni opele 'diyi ma e'yosi, 'dini yi endi ma esu pata ovupi diza 'dani 'dani ri be ovupi kristo yesu ma aliari. ¹¹ Te e'yo 'yoza 'diri ovu adaru, kini:amakadra eri be ama nga ovu edriru eri be endi; ¹² ama ka candi a'yi asi teza be ,ama nga opi nya eribe endi; ama ka eri ga si, eri 'yi eri nga amagasi endi; 3 ama ka ovu a'yita kokoru eri 'yi eri ovu asi adabe 'dani-te eri econi i ma ngulupi gazaru ku. ¹⁴ Mi fe yi ma ega e'yo 'diyi mi ma azi e'yoni eyidri opi ma alia,yi ma ga agata e'yo 'yoza tokotoko'diyi si ku, 'diyi ododri kokoru, eri lu 'ba eripi 'diyi eza eza. ¹⁵ Mi ma 'ba mi asi mi ngulupi ecezu Mungu dri 'ba Munguni a'yile ra riru, 'ba azi ngapi drinza ni ngazu ani eri bizu ku, e'yo adaniri ma esele awapi kililiruri 'yi. ¹⁶ Mi ga ku e'yo'yoza tokotoko inzita kokoruri kuja, te eyinga aga tu e'yo alatararukokori alia. ¹⁷ E'yo yini nga anya asile bile gbogboririle.Umenaya pi Filoto be ovu 'ba eyini ma eselia; ¹⁸ 'ba eyini yi ezara, yi bi e'yo adaruri dria eyini 'yle 'ye'bo risi.eyi 'ba azini ma a'yita esu va. 'dani eceta 'diri ovu ekpazaru,ruani eyi,kini: Opi ni 'ba ini 'diyi ra. ¹⁹ Te e'yo eti Mungu nisi sopa okporu 'dani ,ecta 'dini ovu ekpazaru ruania eyi,kini: Opi ni 'ba ini 'biyi ra,azini 'ba dria ru opini omvepi 'diyi ma ku e'y onzi ja. ²⁰ Jo amburu ma alia emvu ovuni lu edele melesi azini babusi d'yi akule ku, te edele patisi azini sile odrisi 'diyi endi; azini 'diyi ma azi inzitaru, azini 'diyi ma azi ejitakokoru. ²¹ 'Ba azini ka i ngulupi 'ba alaru e'yo 'diyi kuzu, eri nga ovu emvu azi enzita rurini,'bazaru alatararu dri fupi onyiru Opi ma azi ni, ovupi ngonde azi onyiru 'diyi si driari. ²² Te mi ma apa li 'baza ndundu Kasilauni 'diyi si ra, mi bi e'yo kiliruri ma vuti, ayita pie,'ba Opi ma ru omvepi asi alurisi 'diyi be tualu. ²³ Te mi ma ga zita zile azazaru azini odua kokoru 'diyi si.Mini nile i nga omba etsinirisi. ²⁴ Te ati'bo Opinisi ma 'ba omba ku,te eri ma ovu e'yere 'ba dria vu, eco eri ani 'ba imbazuru beni, ovuza asi teza be candi ma alia, ²⁵ 'Ba yi ma dri arupi 'diyi imbazu asi e'yeresi,kani Mungu ni nga asi ojaza fe eyidria e'yo adari nezu rayani, ²⁶ I ma esu ani egata o'diru ini efuzu emba 'ba asusupiri niri ma aliarisi, dere eyima ovu o'dizaru edriru eridri ati'bo ru e'yo erini leleri 'yezu.