¹ Auba n'saano nda kalaa ai au nde toli inde ae hangelia btoli ebhebho a MOKONGA, na mbhuo nde ba mbhebhela au na dodo oni. ² Aba ibe [hema] nde ba hii. A suba hema ndo aiwe m'puo nde ba koga bate: m'puo ndaa bhu, a m'puo nda bhu ndo aiwe: botala nde a lola au ebhela na botala nde aikia au mokate inde ba hangiana anga MOKONGA. ³ Na mbusa a [pazia] nde aya bui hema li, aibe kobe inde ba koga bate m'puo nde a bhumani kpee. ⁴ a suba kobe nde ai we botala nde ba komisi na nolo inda ibaka, esiam la n'saano li na ba chochi na nolo. Ai aasubi nonga a nolo inde aasubu [mana], manga nde ma Haloni, inde aya lasisi maoa na botala angaya inda n'saano li. ⁵ A n'tata esima ndo ai au elime lime a ba Makelobi ba bale bande be bhebho elime lime aabo ai a dugisa mbata la ngomi li. Indaga nde ndambi a yonga lau ati. ⁶ Na tambusa a komisa la ema nde bhuu ba lolii bande bakola mobili li ai ba ngia sua li bhu a m'puo inda kengetisa lii ndo. ⁷ Na a m'puo nda ibale nolii nde mati iye meene aya ngia we nkoba imoti a kelemo li nana n'sangi aya elolia ye meene na abudjede nda bato nde ba Isilaeli. ⁸ Meema ndaa bhu aya hangiana, iwa nde te asii la m'puo la bhuu kpee ae ukui mbe ngaama hema nda mosa ahaa be. ⁹ ande elime lime a ndambi nda ndiende ama ba bhia hangianela a inde badhusa na indaga bhumisa naba meema bande ba mbebha MOKONGA. ¹⁰ Na inde a n'kindi na elea na moenge na ngendo angaya sosa la ngobho, ainde mahano a ngobho inde ai ba sosia bosa kida la elie la tia li. ¹¹ Che Yeso aye meno a bhii sinda Kuhani nde mati imbe ma yonga nda anja inde auma bhia. Aya kedeti hema nde aanja na inde a tonganani. Hema nde indaga bato yeu bai ba komisi, ngaama inda ga nde inda na dodo oni. ¹² Ai angi ama m'puo nda bhu nde n'koba imoti sia. Nie indaga angi na n'sangi a meme na ngee n'sangi aante, che aya gee we nde na n'sangi aae iya meene. Na angaa ahe abaa solamisa ¹³ Abe n'sangi a muuhu aante na ndaa muuhu a meme, na ebhuu la kiinda aante, ai ae bhumisa a meema abo na ngobho abo bande bai bakkoli budjede, ¹⁴ N'sangi a Yeso ana n'kika ati laando, imbe, angaa mee meyo, ai ae haholi iye meene anga MOKONGA dja la boembo inde a tonganani. Na n'sangi aba bhumisa maeneko asu toa la la nda djede inde be kola, ngaa be n'kolele MOKONGA amena ngbe li. ¹⁵ Na ngaa indoKlisito ande n'tulisani nde maa n'saano nda ndiende. Ngaama kua laae ai ae lamisi batoli toa la budjedende bai bakloli andambi nde n'saano nda kaala, na bande ai bae kogi abababeisa moand a meyo inde MOKONGA ai meno aee beeli. ¹⁶ Nga m'puo nde abe mookoano, a toleli kua lambe aya okoi a ubhianane. ¹⁷ Mookoano, ande, emande a tolela mbusa kua lambe aya okoi, ngaama indaga na kaala mbeno imbe aya okoi aha onea. ¹⁸ Indo ndo aangise ande ngaa n'sangi yeu n'saano nda kala aya kolani. ¹⁹ Mosa, Mosa, mbusa ngodea la bato li bobhu maano nde a nengeleli MOKONGA abai a beisa n'sangi a mia n'te na inda muuhu a meme na ibo, na tinda nde a sasoki na haha la ohea la n'sangi [Hisopo]; abai ba oheaga a n'tata kitabo li na anga batolibobhu na yonga te: ²⁰ Inde nde n'sangi a n'saano inde MOKONGA inde aya haholi angaanu. ²¹ Abaiakolabo asuba boyoni-lina n'tata lualibhu ind'ebhebho a MOKONGA. 2 na bia bhulibhu,sinda maano-li,abhumani na n'sangi,namakanga dua la n'sangi indaga be yongela-la budjede. ²³ M'pa ai atoleli,ngama elimelime aema nde aiki asuba kobha-li aingababhumisa ndebo,na ema nde aiki na kobha iyemene ayakolani teisila-la boembo adja kpee la ndo. 24 Ngama klisito indagaiyangi asuba m;puo nde bakomisi na njanga bato,asuba kengelaga nda-nja, che ai angi na kobha naba,ngaa agalondela asu andambi nde mosa -la MOKONGA. ²⁵ Naandagande ngaa boodjisa la boembo esali bhu ayangisi angiawe,sinda nolii nde mati imbe angia a m'puo abololio kelemo li bhu na n'sangi nde atoi ama angboo, 6 Ainga ba yonga gote,ai a toleli anobe n'kob'angaya toala la telekisa-la leengo-li,ngaa ndambi nde ,ngaa sungilaga la kelemo-li,ayahobeli n'koba imoti sia ngaa dongoa-la budjede-li teisila la bololio ndae. ²⁷ Na sinde nde baebhisili bato-li kua n'koba imoti sia,na musa ndo nde balokpate nda MOKONGA , ²⁸ Na klisto niye ,imbe ai aehaholi n'koba imoti angaa kokomba la budjede nda bati,ama hobela mala moti kanga budjede anga bande ba bondeli ngaa kalamo aabo.