¹ Angii ndo, salia li, ana elimelime aema nde ama bhia, ama kanganga ngobi a ema ndo hele hele, ngaga, a teisila la boembo nde ainga hoba a kela kelemo, bhia la na bato a tonganana. ² A tia lindagai be doleihobisa la boembo, angaa bande ai ba meisi ibada nde, nai ba bhumani, indangai baubha go budjede ndaa bo. ³ Che hobisa la boembo kelemo li bhu ai aaangisa bakanisa go budjede. ⁴ Anga ndai a toani n'sangi a ba n'te na n'sangi a bamemed dhusa la budjede. ⁵ Angaa indo Klisito, aba ngia na leengo, aba yonga: indogoyo kobhi sadaka nde boembo, che omobhisi agombho imoti. ⁶ Indo oi okondi sadaka na bohembo anga budjede. ⁷ M'panei ne yongi: anden ne bhia (asuba ketabo a n'sao li ba mokumia nde eme). angane kole, oo M)KONGA , indo okaba. Ta mbusa yonga la ate: inda okabi na indo lebei sadaka na boembo, sadaka a sikisa la MOKONGA na na boembo a dhusa la budjede (inde ai a hoba sinde salia nda Mosa aya yongi ne), ⁹ aba yonga go ate: ande, ne bhia bha la kola inde okaba. ai a gboli ind amosa na aba a meisa matoo. ¹⁰ ande asuba domi nde yeu beoni boo sosa teisila la sadaka a ngobho a Yeso Klisito ngendo imoti sia. ¹¹ Che kuhani a kola esa li bhu mobili a bololio na sadaka inde atolaga a hangiana, inde nda dhusa budjede, ¹² iye, ta mbusa a hobisa la saka imoti angaa budjede atii, aiki nesali bhu a njaga nda kpee inda MOKONGA, ¹³ na a bondeli esanda ba nongo nde baae ama ba ika asube golaae. ¹⁴ Inka teisila la sadaka imoti, ae kumbu bato batii dja la baabhu esa meyo na meyo. ¹⁵ Indeo yendo Meema inda abhu aasongodea domi domi: anga tambusa yonga la te: ¹⁶ ayende mooko nde ama nekola na benu, tambusa elie ndo, ayongi indo Mokama: Neuma ne bhisa salia ndamo asuba meema abo na ama ne saa a maako laabo, aba a talea go: ¹⁷ Na indama ne kanisa go budjede indabo neede nangee bochweka indaabo. ¹⁸ M'pa, ama a oneani yonga la budjede inda iwa sadaka anga budjede. ¹⁹ M'pa ama ndebo, ba dhaasu, ama bena, teisia la n'sangi a Yeso, ahe amnaja a ngia la endu a bololio li, ²⁰ teisila la aahe a sesene na inda na ngebe inde ameisi angaasu a teisila la ketambala, ande yonga la te ngobho aae, ²¹ naama bena kuhani mati imbe ameli neendu a MOKONGA, ²² be sedee na meema domi domi, asuba bosike inda iki a imani li, meema asu na bhumani toa la maako nda djede, na ngobho asu na be sosi na ibo aabhu. ²³ Be bhedele hele hele mobili ide be nee a imani nde, angaa imbe ao so moi bee la nde inda etiaga neede. ²⁴ Be lengane a mee asu anga be gee mosae kondani na a mobili anja. ²⁵ Be bosele meno tulana,na indo andemecheea bimoti angaa su, che be hanane yeli na dhaae, na indo be bhedele kpee angaa elie li a bhi. ²⁶ Angaa, naye be koligo budjede a mbemebete ta mbusa a ubha la domi nga MOKONGA, indaae bena sadaka a too a dhusa la budjede ndaasu; ²⁷ che bebondele ekale inda kpee na bodjo la insa inde ama ae sumba ba nongo nde ba MOKONGA. ²⁸ Imbe ai a bhoni salia nda Mosa ai akua ama kanganga lilia, teisila la masitaki aba bo babale ao ba saalo; ²⁹ boaka nde bote ama ba nde ekale sina auma ba n'kalea na imbe ama mbhona Muna MOKONGA, imbe ama lenga bia ema bobo n'sangi a mokoano, teisila la boo bhumisa, na imbe ama anganisa meem lokoo nde ma MOKONGA? ³⁰ Anga ama be mubha imbe ai a yongi ate: Ekali li ande indamo, eme yeu nema ne osola! Na ayongi go ate, Mokama li ama aekalea batonde baae. ³¹ Ane ema adjede kpee gua la anjaga MOKONGA imbe a onea. ³² Bo kanise elie la kengetisa tambusa a ona la bobhu boi bo mani nde bia mati aa meeme a monobo. ³³ Saka imoti, bei beiki nde bia bande ba asuba soni na asuba monobo, na esaka linde moti na be a m'pita moti na bande ndai ba lebei boo tia. ³⁴ Aindo bona lilia la bande bai a ngoli, na aibe lebei na budjeme uta laasu lus ndaa su, na bobha sinde bona lua anja go kpee na inde ande n'elie atii. ³⁵ Bodoai ye maha nde bonee domi domi, inde au moosolo mati. ³⁶ Angaa bo laeli nde a bubilia angaa tambusa akola la inde MOKONGA akaba, bobe na inde ai bano beeli. ³⁷ Na neede, na ndambi neede: Imbe ama bhia abhia, na anda ga ama lebha. ³⁸ Na n'to a domi nde mamo am onea nde teisila la lebea, che naya toi a imani li meemami indaga asei aae go. ³⁹ Besu ndaga adha bande ba siana mbusa na bunga, che bende bande bana imani anga bealmise ngebe aasu.