¹ Na lebea liande dja la maha ati aema nde okondi, hangilisa la ema nde olenga. ² Ngaa dja la nee bande ba mosa ai ba dji na mbino a n'kani aanja. ³ Ande mgaa lebea aangis beubha te leengo ai ba tlekisi nde a yonga nda MOKONGA, na gela bete inde belenga ay ba komisi na inde ndaga beona na iso ⁴ Ande ngaa lebea aangise Abeli aya moi MOKONGA boembo aanja kpee la nda KAina; nangaa indo bai te ande mbe maa domi, MOKONGA aba djemela boembo ndaae; na ngaa indoo aha yonga nangee naku. ⁵ Ande ngaa lebea aangisa Enoka MOKONGA aya ngeene kanga ona la kua, nandaga aigo a hobelingam MOKONGA aya n'kumbi; ngaa mosa la humisa laae aya ba mubhi bia nde aya njemisiMOKONGA. ⁶ na kanga lebea ndabe djemisa la MOKONGA; ngaama a toleli imbe a n'sedeli MOKONGA aubhe ia nde MOKONGA awe, na iye nde a leha ae leha bande ba n'kabaga. ⁷ Ande ngaa lebea angisa Noa ayi ba ngodei a meema ema nde nda beona na iso na aba dja na ebobo a bosike abaya hia safina ngaa a lamiseendu aae na nde ngaa indo aya oli leengo li na aba lama ngaa lebea ndae domi. ⁸ Ande ngaa lebea angisa Abrahamu, ndambi a n'kogo aae, abaya sikisa na gaa a m'puo nde ainga moa a moando naaba ya ga kanga na ubha la ama aga. ⁹ Ande ngaa lebea abaya ika a dodo nde MOKONGA ay m'beeli bia dodo nda bato ba too, na ika a ngba ngbale [hema], naa nde bo anga Isaka na Yakobo bande ama ba tiga na moando a beela ndo. ¹⁰ Ngama ai ba bondea nji nde ana ndui nde akandi, na MOKONGA iye amene a kengetisi na iye meene ande nhii li. ¹¹ Angaa lebea aangise Sara iye meene, nangee amai naye a nuni, ai ba njisi na ekanda la djalana eboti ngaama ya lebeisinde MOKONGA imbe aya m'beeli inda ae tiaga. ¹² Naangaa indo angaa moo moti nun'oyemeno, aboti eboti nde ndaga nga ba tanga sinda ba lelengoa nde bana kobha, sinda n'kala nda m'pehe a ngedji na inde ndaga nga ba tanga. ¹³ Ande asuba lebea bobhu ai baaku, kanga ona la dha ema nde ai bae beeli, che bai baoni adhau na ai ba sesei naha dholo, ubha la bia bai nde ba tambi na ba teisi na dodo oni. ¹⁴ bande ba yonga bo ba hangiana sinde ba kabaga leengo. ¹⁵ Abe nai ba oni na iso m'puo nde ai ba toeli ne, aingaba dja na ndambi a siana. ¹⁶ M'pa ndambi nde bande na sei a ona la manja, ande ynga la bete imbe maa Kobha. Na ngaa indo MOKONGA ndaga na soni a koga lae te MOKONGA nde mabo, nga ma ye meno ae bhisi inji. ¹⁷ Ande ngaa lebea Abrahamu aya ngabhe Isaka ndambi nde MOKONGA aya n'kengei ne, na aba ndusa naae nguma nde mae moti, iye mbe ai ba mbeeli. ¹⁸ Na angambe ai ba yongi bat asuba Isaka bate: asuba Isaka ama ba o koga abha bani bati. ¹⁹ Aya aka ate MOKONGAana ekanda, na ngee a djudjusa la baku, ama go a n'sisila a teisilia la djudjusa la baku. ²⁰ Ande ngaa lebea aangise Isaka abaya n'sulis Yakobo na Esau, ngaa ema nde ama bhia. ²¹ ande nga lebea angisa Yakobo aya ku nae sulii bana Yosefu, na aba mbebha MOKONGA, nae dhungili amanga nde mae. ²² ande ngaa lebea aangisa Yosefu ayaku nae ngodei ba Isilaeli mbino a toa laabo Misili, na abaya aengodea ate badoe meno n'kua laae. 3 ande ngaa lebea aangise ba N'somee Mosa, a boteana laae, ba boti aaebai ba n'somei mosela isaalo ngamai bao nite miili ande mbangi ndagai baanti go moame li. ²⁴ Ande ngaa lebea aangise Mosa, mota laae, aya komi koga lae te muna, miinke nde ma Falao. ²⁵ Konda la noba a kindi na bato nde ba N'KONGA naa ndaga bele adjemi ndambi moti a budjede, ²⁶ lenga late kumia laae ngaa Klisito ande boteke mati kpee la boteke nda Misili, ngama iso aabo aya lengeleli nde boembo nda MOKONGA. ²⁷ Ande ngaa lebea ayi aangise ba toe Misili kanga ebobo bo etaninda Moame li; ngaa ai bae hangiani nee kanda, biande bamoona imbe ndaga iki a hobela. ²⁸ Ande ngaa lebea aya angise bakole Pasaka na sia la n'sangi a m'pume ndaabo, ngaa moi li ae bhedeai ba ngula nde ba Isilaeli. ²⁹ Ande ngaa lebea aangise ba djabhe ngedji a n'sangi sinda m'puo nde aomi, nangeibo ba Misili ai bai ba kengei bobhu ngedji li abaya aemea. ³⁰ Ande ngaa lebea angise egite la Yeliko a gue tambusa timba la nji lielie subelalo. ³¹ Ande ngaa lebea Rahabu n'teti ndagaya heli na ba chweka li, ngama ayae sesei ba sonili hele. ³² Nane ne yonge go ndee? Ngama ndambi li anga ne bola ngane yonga anga Gideoni, na Balak, Samusoni, Yofuta, Daudi, samueli na ba tomii mbino, ³³ Bande, ngaa lebea ai ba ngbui ba eboame, na kola la domi, abai bae beela, ai ba dega nyoa ba Simba, ³⁴ baiba limisi ekanda la insa, baiba nyea aba la molima li, bai ba lama a djega ndaabo, bai nde ba bha bia, bai bae kumbanaga naba baibia nde ai bae ngilia. ³⁵ bake baati ai bae oni adha baku nde baabo teisilia la djudjua la toa la suba kua; bande ba too ai bae bhisi a boo nobisa, na inda gai ba lebei toa la bokobe nga babe na djudjua aanja toa la kua li. ³⁶ Bande ba too bai bae tenyeli na tiaga laabo na n'sasaia, nyanga na hatilia laabo; ³⁷ bai bae oli na ete, gotaga, beta bai baaku na bae oli na molima bai baaga m'puo li bhuu na ba loli ngobi a ba mboli na inda ba meme, ai bae uti bhuu bai bae manisi bae koleli budjede, ³⁸ bende leengo li ndaya toleli, tambagala suba ngalage na mamba mamba, assuba ete na kubhu a dodo. ³⁹ Bando bobhu, ai bae lebei bia nde baa moobhi MOKONGA, ndagai baoni inde ai bae beeli. ⁴⁰ Mokonga ama aaso bhisili ema aanja, ngaa bakidai a elie la moa laabo nanda bebeeli.