¹ Na besu ama bena ba dhemu emaa sii ande ba so timbi, bemae n'kumba dholo na budjede inde aaso mea dia, na be gee mosa na be konate mobili nde ba sopi, ² na be nengeleli Yeso amene aasu na abha lebea li, angaa budjeme inde ai mosa laae, ai anobi amosalaba li, ai a bhoni soni ati na iki a njaga ndaa kpee inda MOKONGA. ³ Benenge, mbea imbe ai amidili meema aae angae iye yameene a boaka inda bato a budjede, angaa boloai, benu nde bona meema nde aloi. ⁴ Bo kokeli mbe meema aanu akida la atusa la n'sangi, na bo mana na budjede li. ⁵ Na bo boseli maano nde ai bano ngodei sinde Yeli ae hana baanae: nami, o bhonai ekale nda Mokama, na o loa i naye ao kalea, ⁶ anga Mokama li a n'kalea nde imbe a n'kondi, na a m'beta n'sasaia bande ae ubha sinda baanae. ⁷ Bo kokele meema anu e kale: ande sinda bani yeu MOKONGA aano kola nee; angaa ande m,ii sina imbe abhaae inda n'kalea? ⁸ Che naye ndaga bo teisi ekale inde bobhu ba teisi aau, kesi bonde a n'sao, ama kanga bani. ⁹ Ngaa indo babhaasu bande ba ngobho ai baso kalei nai bee sikisi impa indaga besikisa pkee abhaasu a meema, angaa bebe beeli? ¹⁰ Ba baasu ai basokalea esaa eede, siunde ai ba ona nee, che MOKONGA aaso kalea angaa beike hele, angaa bengie suba bobhu inda MOKONGA. ¹¹ Andedomi ekale li bhu aika te aetanisa, inda bhisa budjeme, che abota tambusa anga bande ba teisi aau ema a tongananisa. ¹² Bo kandise njagaa nu inde aa lenge na moakuu aanu inde awedemani., ¹³ na bo baemee na egolaanu ahe inde ame lima, angaa inde a yegi aano bungisa i, che ano kandise. ¹⁴ Bobe na djedje na bato li bobhum, na bobhu, amakanga indo inda be into nde ama mona adha Mokama li. ¹⁵ Bolenge kpee abai angaanu n'to nde ai bungisila lokoo nda MOKONGA; angaa alasi angaanu miigi a dhia, inde alasisa budjede, na hobisa la bo chweka, na batii bae limbiai ne; ¹⁶ abai angaanu bateti, na ba chweka sinda Esau imbe aangaa elea aya gabhi engula ndaae. ¹⁷ boubha, sinde tambusa , aite aone go sulia, abai bosa, ndege ai akabi kpee na bibiso aae na doa, anga tubua laae ndaga ai na ema. ¹⁸ Ndaga bokidi nde a n;tia mamba nde ai nga bo m'bedea nai mbe ai alola angae insa nangee ebundu , nangeeelie, nangee kokisa, ¹⁹ nangee tita la mbua, nangee lulusa la yonga, angaa bande ai ba oki adhinde ai ba memi bate baokai lea go atoo sea ngboo, ²⁰ aangaa ndo ba toi bubilia la yonga nde: aba nande nyama na umbii mamba nde ama kua. ²¹ na ema nde ai akali kpee anga Mosa ai ayongi: neti kpee na ne tetemana! ²² Che benu bokidi nde a n'tia mamba Sioni njio nde ma MOKONGA imbe aonea, Yelusalema inda na Kobha, ebombo nde akomisi lutale nda bamangese, ²³ tulana inda bande ba boteani mosa bande bae andeki na kobha, a n'tia nondi nde mati MOKONGA imbe ma bobhu, a n'tia meema nda bande baaku, na ba tonga nani, ²⁴ a n'tia Yeso imbe ande n'tulanisi a n'saano inda sesene, na a n'sangi nde a duani inde a yonga hele hele li nda Abeli. ²⁵ Boolange benu baa meene a kanga na la okanea la imbe a yonga; anga ai ae kopki bande ai ba komi okanea la imbe ai a tomii maano nda MOKONGA na dodo, ama be kolana boni naye bee dhusi a njaga imbe ayonga na toa na kobha, ²⁶ imbe molenge aae a tetemisa dodo na iye aasopi beela nde: gendo imoti nema ne tetemisa go leengo li na Kobha li neyu. ²⁷ yonga nga nde: gendo imoti a hangia bootia la ema nde a lemani, sinda akoleki nde a ndmbi imoti, aangaa ema nde daga lemana a tige. ²⁸ angaa indoo, naye bena eboame nde inda lemana be hangiane inde beubha na be n'kolela MOKONGA ibade inde aanja a isoae, ²⁹ na bena ubha la MOKONGA, na ebobo, anga MOKONGA ne masu ande insa nde asumba.