²⁴ Boo salimie bande bano melei, na bande ba bhubhu, bande ba Italia bano salimii. ²⁵ Lokoo abe angaa nu enu bobhu. Abebo! ¹ Be tige asub' ekondani angala anu. ² Bo bosela i sese la atambi; anga, naye bo kola bo, bimoti angal'anu aye a n'sesi Mangese, na nanda ubha. ³ boo kanise bande bae nyangi na oo bhise bia oi n'to angoli, ago bo ekanise bande ba nobi bia bobe tobande ba nobi. ⁴ Ehali imbe abe na lokengo anga besu bobhu, moo na n'kaae ba tee kola la budjede, ngaa MOKONGA akoonga uma budjede na bateti. ⁵ Boo doleai ae kondi a n'tondo, boo ketele inde bo nee; nga MOKONGa iye meene ayongi ate: Ind'a neo dolea uma nengee kiia imoti, naanda neo saga uma neenge kia imoti. ⁶ Anga indo bena mohuo la yonga la ibende: Mokama ande n'tambeli nde mamo, inda ne tea ema; n'to aanga mokola ema sina? ⁷ Boo kanise bande ba no melei na bano labhe;la mbino nda MOKONGA; bolenge hele sungia la bala be, na bo dade lebe la MOKONGA. ⁸ Yeso Klisito ande imbe ai uma, ndiende, na meyo na meyo. ⁹ Boo doleai a okanea la egolisi n'tina n'tina nda etambi, ngaa atoleli meema a tume n'ekanda na lokoo, makanga elea nde nda bhisa ema imoti anga bande ba sikisi. ¹⁰ Bena ndekele nde bande ba n'komeaga m'pua elolii li inda bana ekanda la lea. ¹¹ esu a banyama, nde ba kumbi n'sangi aabo [n'sama] a m'pua eboame li na kohani lambe mati ngaa halia [budjede], basumbui dholo a n'kambi. ¹² Ande ngaa indo na iye Yeso, ngaa a bhumise bato nyenela [Tesila] la n'sangi aae, a tesoi na n'senge. ¹³ Beme nga bege loongoae, dholo a n'kambi, nabe lebee soni angaae. ¹⁴ Ngama nda bena nji nde ndauma teisa, m'pa be kabege nji nde a bhia. ¹⁵ Angaae, behelele MOKONGA makanga loa boembo a lembo, ande inde a toa a nyoa n'to nde angoda inaae. ¹⁶ Na boboselai bonja na ekondi, nga ande a boembo bia ndo yeu MOKONGA alenga au ekondi aae. ¹⁷ Boo sikise bande ba nomelei na lebea la maano abo, ngaa ba uliliaga meem'anu [nafsi] na ibo aanga ba yonga mbino a n'kasi ndanu mosa la MOKONGA; abe bo, ngaa bate bakole n'kasi ndaa bo na ba djangi, ma kanga na batata, kesi imbe nda bo bi na ema [indaga buba uma na ema]. ¹⁸ Boso memele to, nga beaka bia nde bena maako anja, na be kondi akila ema li bhu bo so melee hele. ¹⁹ Nnono simi kpee bo meme MOKONGA, nga ba mosise longoa nu dia. ²⁰ MOKONGA la djedje, imbe ai a djudjusi angala bande baaku nangi mati, a nyenela la n'saano la n'sangi la meyo, Mokama nde masu Yeso, ²¹ asope ekanda la kola la hele anga bekole inde akaba, na kola suba la nu yonga anja asuba Yeso Klisito imbe a toleli abhebheo nmeyo na meyo, abe bo! ²² neno mema, ba dhami, bo midile meema anu a yonga nda anja inde beeno hangia nde anga neeno saeli egbigbi [engbingbi]. ²³ Boubhe sinde dhasu Timoteo ba n'kodi; naya kidi dia, neuma ne bhia nono lenga na ie. ²⁴ Boo salimie bande bano melei, na bande ba bhuhu, bande ba italia bano salimii. ²⁵ Lokoo abe angaa nu enu bobhu. Abebo.