¹ Yonga nde mati ainde be yongi bhu ndo, ande te be m'bededi Kuhani mati, imbe aiki a njaga inda kpe inda mbata nda MOKNGA naa na Kobha, ² sinda homi mati imbe maa m'puo a bololio na botala la bololi, inde MOKONGA iye ya meene ai a bhangi ama kanga na njaga a bato. ³ Kohani nde mati ana mobili a hangiana la sadaka na boembo, na iwa ai atoleli na iye abe na ema nde a hangiana. ⁴ Nai aiki na dodo oni, indai anga ba Kuhani, angaa iwa abe nde bato a hangiana boembo sinde salia nda Mosa aya yonga nee. ⁵ (Bande bana ibada, ngobi na elimelime ame nda na Kobha sinde MOKONGa ai ahangiani Mosa esande ai ga hia botala la bololio: Okole hele, no baemea inde ai bao hangiani na mamba ndo). ⁶ M'pa ndiende ana mobili mati nande imbe a melei mooko manja go kpee, imbe ba meesi na beela aanja. ⁷ Angaa indo abe mookoano nde maa kengengetisa ai ama kanganga budjede andangai ba oisana na dhaee matoo. ⁸ angaa ande na yonga la ekale yeu Mokama li a ngodei Isilaeli ate: elielio a bhia Mokama li a yongi, neuma nekola na endu a Isiliaeli na neendu a Yuda mookoano ma n'gboo, ⁹ amakanga sinda mokoano nde nei ne koli na ba bhaabo, esa nde nee tusi ne Misili na ne bhedeli njagaa bo; anga indai ba sikisi mookoano ndamo, na eme indai go nee djomani, Mokama li ayiongi. ¹⁰ Che m'pa mookoana nde ne uma ne kola neendu a Isilaeli, tambusa eliendo Mokama li ate: Neuma ne bhisa salia ndamo asubaa bo na neuma ne saa maano ndamo asuba meema abo na ama nedja MOKONGA nde mabo, na ibo ama badja bato ne bamo. ¹¹ N'to inda ma angolisa go dhaae yonga ate: O mubhe MOKONGA! Aa ngaa bobhu ama ba moubha, toa la ngambe mii gala kida angambe homi angaabo, ¹² Angaa nema ne yongela budjede indaa bo, na indama ne kanisa go neede bochweka aabo. ¹³ Naye ayongi ate: mookwano ma ngboo maa ndiende, kesi ayongi ate imbe matoo adji ma kalaa, m'pa, ema nde aa kalaa, kesi indo anuni, abhila bunga.