¹ Ngaama, Melchisedek nde, moame nde maa Salemu, nolii nde ma Mokonga maa Negoo Dholo, imbe aya tulani na Abulaamu a ndambi nde ai a toi kubhi nde ai aekpuli baame-li, abai a nsulia, ² na imbe Abulaamu ai ambedisa moti a moko a bhulibhu, imbe ande mbea moame a domi, sinda nde inae ahangiana nee, na toala iwa moame nde maa Salemu, ande yonga la te moame a djedje, ³ imbe inda na bhae, inda ana amae, inda mbaa, imbe nda na kengetisala elie na sungila la ngebe, impa be nengisana nde na muna Mokonga, Melchisedek nde a tigi nande nolii a ngendo na ngendo. ⁴ Bolenge sinda nde into mati a bhasu mbe homi Abulaamu ai a mbedisi moti a moko inde adhungi a bia. ⁵ Angala bana Lawi bande bai ba lolia, ainde alengeleli mahano, bana ekanda a hihia la moti a moko anga bato-li, ande yongala te, anga badhabo na ngebe ba hobele a eboti nda Abulaamu; ⁶ na iye, imbe keanda ae inda hobeli aindabo, ai a hihia moti a moko anga Abulaamu, na ai a nsubia imbe a m'bheeli. ⁷ Impa imbe ndanga be nganisa, a kiba aande omi-li wa a nsulia nii-li. ⁸ Na iyani, bande ba beisa moti a moko bande bato-baku; impa iwa, ande imbe a lebea sinda nde a beli. ⁹ Inda talea-li, Lawi, imbe a beisa moti a moko, ai a lehi, beyonge te, anga Abulaamu; ¹⁰ ngaama ai naha a suba soo a abhae, a ndambi nde Melchisedek ai a tulani na Abulaamu. ¹¹ Abe mobili'a dhusisala moti a moko ai a loboki a bololio nda Lawi, ande ngaama a ntata bololio nde bai ba ehana au bato, ngee masina go bonga bo kaba te nolii manbgoo aoneane sinda nde toli nda Melchisedek ayongi nee, na indaga nde toli nda Aruni? ¹² Ngaama bololio-li naye a etii, mahano-li niyu naba aba aetia. ¹³ Ngaa, anga iye wa ai ba yongelela yonga ndo ama ainde in'to maa mbaa anbgoo, ngaama inda ibe-li moti a ngala mbaa nde imbe ai a bheda mobili a botala la bololio. ¹⁴ ngaama aubhianani sinda nde Mokama nde masu ai a toi anga Yuda, mbaa nde Mosa indai a yongi yonga ainde a lengeleli bololio. ¹⁵ Indo adja go inde a tonganani kpee, a ndambi nde aoneana nolii manbgoo imbe ankengi Melchisedek, ¹⁶ meisa lae, na indaga ande ngaa maano a toli la ngobho, aba goe nde a kala ngebe nde indaga a kua; ¹⁷ ngaa bondemu nde ai ba bhii nee angae: onde nolii a elie-li bhulibhu naye be baemei toli nde Melchisedek. ¹⁸ Abeli boodhusa la toli nde ai a teisi mosa, ngaa elema ndae inde ndaga a toleli, ¹⁹ ngaama maano ndo ndaga uma abhisi kola aanja, na kengetisa la maha aanja, inde aangisa be sedea bhila Mokonga. ²⁰ Na, ngaama indo nda uma a kolani amakanga sela, ²¹ ngaama, bande ba keanda a Lawi bai badji ba lolii amakanga sela, Yeso ai adji nolii ankindi na sela anga imbe ai a ngodei:Mokonga aya seli, na indaga ama a bekola budjede ndae: Onde nolii a elie-li bhulibhu, sinda nde toli nda Melchisedek ayonga nee. ²² Yeso adji naba imbe a toleli a meleela la nsaano a domi. ²³ Iyu go, ai beli balolii bati, ngaama kukua-li ai a etalokisa kola la mobili andambi-li bhulibhu. ²⁴ Impa iye, ngaama a iki meyo na meyo, ana elolii nde indanga a toa ibe. ²⁵ Ngaa indondo anga toisa lamisala hele bande ba nsedela Mokonaga ngaa iye, ngaa abeli elie-li bhuu ngaa ano memele. ²⁶ Inde anga ba beli, ande, djala na nolii mati sinda iye, mabhu, imbe ndana budjede, amakanga ngolo, imbe a kuli bosa, imbe a iki mbamba a bakoli budjede, na atalii kpela na kobha. ²⁷ imbe ndaga na bose elie bhuu, sinda balolii ba titi, dhusa la elie-li bhu bohembo, ngaa budjede indae yemene, na toa la iwa anga budjede nda bato nde, ngaama iye aya koli ibo ngendo motisia a ndambi aya dhusi ngebeae yemene. ²⁸ Ngaa, maano nde ba bhisi balolii ba titi anga bato nde nda bana kala; impa yonga la sela nde ai ba koli tambusa maano ambisi muna Mokonga, imbe a tumilili meyo.