¹ Na ngee-li ndo, be doa djomoe a yonga nda Klisto, be ngee ainde aadja, kangana gesa la go ndui inde ahangiani mobili nde aku, ² a lebea la Mokonga, nkani la ndiisa, sulia na djanga, djudjua la kua, na londisa la meyo. ³ Indo auma be kola, Mokonga naye akondi. ⁴ Ngaama ndanga nga toana anga bande bana meema abhu, bande ai bai ba kengei budjeme inda na kobha, bande bai bana Meema nd'Abhu, ⁵ bande bai ba kengei yonga la budjeme nda Mokonga na ekanda nde abhia, ⁶ na bande aya meno bagu, baedjudjuse go, na bhia la naabo a toba, ngaa ba moa go muna Mokonga na kusisa lae soni ati. ⁷ Esande dodo-li ana ibo ngaa mbua nde a loa ngendo na ngendo, na bhisa la loho anga badhemi-li, ⁸ bangi a suba sulia nda Mokonga; che, naye a boti kua na mpo adjede, aba ba nkoma na angadja na njomoe, na maalae ansa.. ⁹ Nangee be yongi bo, bandami, be bondei, ainde aano lengeleli, ema adja na inde a toleli a kalamo-li. ¹⁰ Ngaa Mokonga inda nde imbe nda toleli, ngaa bosela la mobili ndanu na ekondi nde bo hangiani a inae, a mobili nde bo koli na boha bo kola anga baabhu-li. ¹¹ Be kondi kela n'to a hangiane mohuo ndo ngaa a konate maha ati a kidala sungia-li, ¹² ngaa bootusai au na kola la sinda bande badji na beela, ngaa lebea na midia la meema ndabo. ¹³ Esande Mokonga ai a beeli Abulaamu, kanga sela teisila la ngambe a mati angae, abasela a ina ae iye mene, na ate: ¹⁴ Ama neosulia na ama nekanyisa eboti ndao. ¹⁵ Na ngee li ndo-ndo Abulaamu, mbusa midia la meema, aya oni inde a toi a beela. ¹⁶ Che bato ba sela a ina imbe a mati angabo, na ''kelapo'' ndabo ande inde ahangiana sinde yonga ndabo asi. ¹⁷ Ngaa indo Mokonga, naye a kaba hangiana hele anga bande ba tiga na moando a beela ndae sinde nde ndanga a tia, ai a kola a teisila ''kelapo'', ¹⁸ ngaa, a teisila la ema ibale inde ndaga etia, ainde ndaga toana Mokonga a yonge mbea, bei bena mohuo kpee, besu nde maha lasu ai aande kidala maha nde ai basobeeli...... ¹⁹ Maha nde, be nee sinda ''wino'' a ''nafsi'', domi na ''imara''; a teisa a ''pazia'' na ngiala ama nde a bobhu kpee, ²⁰ ama Yeso aiangi ngaasu sinda maa mosamasa, ai banjisi '' kuhani'' mati a meyo na meyo, teisila la Melchisedek.