¹ Betee, ngaama beela a ngia la a yombia-li ahabe, abi meno anganu imbe ''aonekani'' kida la mbusa. ² Ngaa yonga nda djande ai ba sotomeli na angabo; che yonga nde ai ba engodei inda ekoleli ema, ngaama indai a dhondi lebea anga bande bai ba oki au. ³ Anga besu nde be lebei, be ngia a suba yombia, a yonga: Ne sela a bodjoki ami: Indagama ba ngia a suba yombia ndamo! Aba yonga indo, na ngeema mobili ndo aya asi toa la telekisa la leengo. ⁴ Ngaama aya yongi mpuo lebe a elie la sub'elalo: Na Mokonga abaya yombia a mobili ndae bhu, a elie la sub'elalo. ⁵ Na iyani go: Indaga ma ba ngia a yomdia ndamo. ⁶ Che, ngaama ahabeli mpuo anga bimoti ngia, na ama bande ai baebeeli ngia-li inda ai baangi angaa kangana sikisa, ⁷ Mokonga a bhisi go elie ndiende na yonga a suba Daudi nangee mbusa kala, sinde nde bayongi nee mosa: Ndiende, naye bo oki molenge ae, Bomidilai meema-nu. ⁸ Ngaa, abe Yosua aya aemoi yombia, inda inga yonga a elie atoo. ⁹ Ngaa abe-li yombia a sabato nda bato nde ba Mokonga. ¹⁰ Ngaa imbe angia a yombia nda Mokonga a yombia nde a mobili ndae, sinde Mokonga ai a yombii a indae. ¹¹ Bebe na mohuo a ngia la yombia nde, ngaa a bai meno be n'to nde aegbua na kangana sikisa sinde battoo. ¹² Ngaa yonga nda Mokonga ande nde abe na ana kala kpee la molima anga buisa naba meema na ''nafsi'', ''viungo'' na mongoso; a ubha '' nia'' na maako nde aa suba meema-li. ¹³ Inda be ema nde aya telekisi inde aanga esomana angae, che bhu ande ''wazi'' na aubha a isoa imbe a toleli be ngodee inde be nee. ¹⁴ Impa ama bena kuhani mati ibende, imbe ai a toi na kobha, Yeso, muna Nkonga, beme hele a suba lebea inde be tomia nde. ¹⁵ Angaa bena kuhani matiimbe a dongu budjede ndasu, na ai ateisi a ekengeo sinda besu, a ema-li bhu, ama kanga kola la budjede. ¹⁶ Bebhie na be ubha hele mosa la mbata la lokoo anga bebe na lokoo, na aso tabele ainde be laeli au.