¹ Angaa indo, badhasu babhu, benu nde boi bimoti a n'kongo nda na komba, na sikisa la n'tetea na nolii nde mati a lebe nde be bhedela mobili, ² Yeso, imbe inda ai aetiigi anga imde aya djisi, bia Mosa suba neendu ae. ³ Ngaama ai ba nebei sinde nde a toleli na ebhebho ati kpee la inda Mosa sinda imbe aya hii dhuma endu adja ana bosike kpee la endu-li ieye mene. ⁴ Endu-li bhuu ito yeu ahia, che imbe ahii ema-li bhulibhu, ande Mokonga. ⁵ Mosa, ai na bosike asuba endua Mokonga, bia n'to'a mobili a kola la bodhemu, ainde ayanga bayonga; ⁶ che Klisto ande bia Nii asuba neendu; na endu ae, ande besu, ngaa bebe na lebea lae na maha nde beebhebhela. ⁷ Angaa indo, sinda Meema nd'Abhu ayonga ne : Ndiende, abeno bo oki molengeae, ⁸ Bo kandisai meema-nu, bia ndambi'a bodjoki, Elie la kengeaga na ngalage, ⁹ Ama babhanu ai ba mokengea, na ai ba oni mobili namo a elie ekomi ini. ¹⁰ Ai needjoki go ngaa eboteani ndo, na neyonga: Baande too na meema nde a bunga. Indai baubhi ahe namo. ¹¹ Nei ne seli asuba bodjoki namo: Indale ba ngia asuba boame namo. ¹² Bo lenge hele, bandhami, abai a meeme anu imbe ana meema a djede na imbe nda lebei, na koma la Mokonga nde abe. ¹³ Che bo hanane elie li bhu, abe nahanga ba yonga go te: Ndiende! ngaa abai anga benu moti imbe a midila meemae a suba budjede. ¹⁴ Ngaa be bi bimoti na Klisto, ngaa bebhedele kpee kida la sungisia-li lebea nde bei ne a kengetisa-li, ¹⁵ ndambi ba yongi: Ndiende abe na bo oki molengeae Bo midilai meema-nu, sinda elie nda bodjoki-li. ¹⁶ Bawani, bai ba edjoki tambusa okanealae, naanda inde bande ba toi Misili asuba bohio nda Mosa? ¹⁷ Na inde Mokonga ai a etani a kelemo ekomi ini, nande anga bande bai ba kola budjede, bande kiindabo aya gui a ngalage-li? ¹⁸ Na ngaa bande aya seli ate inda uma ba ngia asuba yombia ndae, anga bande ndai bansikisi? ¹⁹ Belenge na besu sinde indai bangi we ngaa ai ba kalisi meema abo a kangana lebea la Mokonga.