¹ Angaa indo be konate yonga nde ai be oki au, angaa begai dholo a yonga nde. ² Angaa yonga nde bamangese ai ba tomii adji na '' matoeo'', na kangana sikisa la maano na kangana oka a toi au ekale, ³ ama be lama boni naye be bhoni lama mati, inde Mokonga iye mene a tomii, na bande ai ba mokanei nibo ba sotomeli, ⁴ Mokonga ai ahangiani sinde yonga nde ande domi teisila la '' alama'', betekoteko, na kala a meema nd'abhu inde ai a bui sinde ai aoni ne. ⁵ Impa, Mokonga indai aeboi bamangese leengo abhia uma inde be kumia nde. ⁶ Inka i'nto lebe ayahangiani bondemu: I'nto-li ande emasina, angaa onkanise, ndengee muna n'to, angaa onsue? ⁷ Oyo onkikisi a ndambi ede mpaso'a a bamangese-li, Onolisi ebhebho na boumu, ⁸ Ogesi ema-li bhu a sub'egolae. Angaa indo, nogesa ema-li bhu a djagae, Mokonga indaya du ema inde nda gesi a djagae. Impa, be oni mbe helehele sinde ema-li bhu aiki a djagae. ⁹ Che imbe ai ba nkikisi a ndambi ede mpaso a bamangese, Yeso, be moni ae na ba nolisi '' chapo'' ebhobho na a boumu anga kua nde ai a nobi ne, angaa, teisiala lokoo nda Mokonga, Yeso aku angaa bobhu. ¹⁰ Ai a toleli, imbe ema-li bhuu a telekani nde angae na teisila la iye, na imbe ana kala hola la bato bati ebhobho, abai ba dhaisa teisila la monobo Moame nde a lamisa. ¹¹ Angaa imbe a bhumisa na bande aebhumisa bobhu ba toa anga motisia. Angaa indo inda kua soni a koga labo badhae, ¹² ndambi nde ayongi ne ate: N'ema ne tomia inao anga badhami, na a meeme a kanisa-li ama neolembea. ¹³ Na aba yonga go: N'ema nebhisa lebea namo a subao, na: Eme yembo ankindi na bani bande Mokonga a mopi. ¹⁴ Ama ayebo, bani-li ba etulanisi na nsangi-li na ngombo, iye yamene a tulanisi ndo, angaa teisila la kua, abai a n'tobhisa imbe ana kala a kua-li, na imbo ande sitani, ¹⁵ na ai aekodigi bobhu, a teala kukua, ai ba iki elie ndabo bhu a suba a ngoli a budjede. ¹⁶ Angaama ndagwe ai abhii aetabela nde bamangese, che anga bana Abulaamu. ¹⁷ Angaa indo ai aebhisi sinda badhae a ema-li bhu, angaa adje kuhani mati imbe ana lokoo ati na imbe nda aetiaga a mobili nda Mokonga, angaa a toe kala tulanisa la budjede inda bato, ¹⁸ Angaa, ama niye ai a teisi a kengeya, a suba a noba, anga etabela bande ba a suba ekengeo.