¹ Tambusa yonga la na babhasu ahe angaya, na a mpuo ntinantina teisilia langa batomi-mbino(banabii), ² Mokonga, elie landa ndiende, ayongi na besu teisili langa Nae, imbe adjisi amene ema-li bhuu, imbe teisia langaa aya telekisi leengo-li, ³ na imbe, ande elimeli a ebhebho ndae na iso ae iye mene, na ebhedi-li a ema li bhuu a yonga lae inda ekanda, ngaa dongoala budjede na aya iki adjaga a kpe nda moame mati a mpuo nda ni goo, ⁴ Adji mati la bamangese-li a moalae ina mati madjala indabo. ⁵ Ngaa inde Mokonga aengodei mbe meno bamangese-li ate: onde Nami, neti noboti ndiende? Na ate go: ama nedja angao Ebha, na andadja angami Nii? ⁶ Na ndambi nde angisi go ngula-li na leengo oni, aba ayonga ate: bamangese nde ba Mokonga ba bhebhe! ⁷ Impq go, a yonga anga bamangese-li: imbe aedjisa bamangese nde bae moheo, na ba kobe nde bae kilembelembe aansa. ⁸ Che ayangodei Nii li: mbata ndao, o Mokonga ande nda meyo; manga la eboame ndao ande manga la domi; ⁹ Otuma okondi domi, notumo okomi budjede; naa ngaa indo, o Mokonga, Mokonga nde mao tuma aosii gamba la budjeme gulua bande olengeanani naabo. ¹⁰ Na go: Owe, Mokama, a kengetisali oyokomisi dodo-li, na kobha-li ande mobili a djagao; ¹¹ Auma ba hela, che owe oumo lenda; bobhu auma ba nuna bia bhongo, ¹² Oumo oolitaga bia bhongo na auma ba etia; Che owe, indo ootiaga, Na kelemo ndao ndagam sia. ¹³ Na inde aengodei mbe meno bamangese-li: Oike a djagami nda kpe, kidala sua nde ama needjisa banongo lao n'deteli ndao? ¹⁴ Bobhu ndande meema a mobili inda Mokonga, bande ba etea a mobili ngaa bande anga ba ona kalamo?