¹ Owe, nami, obe n'ekanda asuba lokoo inde aasuba Yeso Klisito. ² Na indo oyo oki adhau angami mosa la badhemu baati indo oomoe bato nde bande ndaga bae tia, bande bande ba toa golisa la bangboo. ³ O nobe a n'kindi neme sinda sikpapka manja imbe ma yeso Klisito. ⁴ Inda be sikpakpa imbe ae gesa asuba mobili nda na leengo naya kondi te a njemise imbe aya n'ai. ⁵ Na n'to inda ga ba n'koma nandaga toisi mobili ndaae hele. ⁶ A toleli ndemi akole mobili mosa la moa laae boembo. ⁷ booke a dhinde ne yongangaa Mokama am opa maako asuba yonga li bhu. ⁸ Okanise Yeso Klisito imbe aya hobeli a kianda a Daudi imbe aya djudjui asuba kukua, sinda mbino ndamo ayongi nee. ⁹ Neme asuba indo nenobi kidala ndambi nyanganga lami sinda n'koli budjede. M'pa yonga la MOKONGA inde aiki asuba mi ndaga ba nyangi. ¹⁰ Nangeli ndo ne midili yonga li bhuu ngaa bande bae somboli, ngaa nibo baone kalamo nde aa suba Yeso Klisito a n'kindi na ebhebho a meyo. ¹¹ Ande yonga la lebea: abe na begu a n'kindi naaye, bemago beika a n'kindi naaye; ¹² Naye be midili meema asu, a n'kindi naaye ama beika go a n'kindi naaye: Naye bengani ie kisi ama songna. ¹³ Abe besu na be etiigi, iye ndaga e tiaga, ama indanga e kooma iya meene. ¹⁴ Ookanisile yonga nde, noo hana mosa la MOKONGA ote ba dolee boaka inda boobo, inde ae bungisa bande ba iokanea. ¹⁵ Ookandise a boo hangiana la mosa la MOKONGa bia n'to nde ame, n'koli mobili, imbe atomia hele mbino a domi la MOKONGa. ¹⁶ Bosedelai moyo ndendana maha na inde nda nengi MOKONGA; nga bande bayongaga baga mosa kpee asuba budjede, ¹⁷ Angal' abo be ngodee Himeneo na Fileto. ¹⁸ Bande ba tii ngongo abo a yonga ladomi, na ba yonga sinde djudjua suba kukua aye meno akidi, na batia lebea la MOKONGA la bande ba too. ¹⁹ Nange ibo, ndui nda kandi inda MOKONGA atiga name, na ayonga aano ubhia nanisa: MOKONGA aeubha bande baae, na; imbe akumia ina Mokama, abe dholo a budjede. ²⁰ endu mati, inda bodhonda weli masa nonga la nolo na inda falanga, che aasuba weli ema la mee na inda n'too [dhodo]; ind'atoo ande nonga la boumu. ²¹ Nayen'to a sosi meema ae, na tea la budjede abauma bia nonga la boumu nae bhumisi, na kola inde a toleli a mobili nda MOKONGA, inde alengi mobili aanja. ²² Botee bose bose lae ekota, na bo tongonanise, lebea la MOKONGA, ekondani, djedje, na bande ba n'konga Mokama na meema aabhu. ²³ bokome n'kokoto la ebhobho, na boubha sinde aka bhisa masa esani. ²⁴ Inka, inde a toleli angaMokobe ne ma Mokama abai na n'kokoto; dholo na indo, a toleli bebe na bowede anga bobhu, imbe anga golisa, imbe a midila meema; ²⁵ na ae hana na bowede bakokoya, asuba maha nde N'KONGA auma aemoa ngomi ngama baubhe domi, ²⁶ na, ubha la ona la go maako ndabo ind'anjaa na ama bae dhusa a booki nda n'keti, inde ae ngisi angaabo nga ba kole mobili ndaae.