1 Polo, n'tetea nde ma Yeso Klisito, ae kondi nda MOKONGA, nga tomia la beela la ngebe inde aasuba Yeso Klisito. 2 Anga Timoteo, nami ama n'kondaga: lokoo, lilia, na djedje inde ai aopi na MOKONGA Ebha na Yeso Klisito Mokama nde masu. 3 ne N'sima MOKONGA imbe ba tata kola mi ai ba n'kolela, nae me ne n'kolela na maako aabhu, ainde kiia n'etonge neo kanisa a ndambi libhulibhuli ae memi ndamo, 4 kanisa la bibiso ao, na kaba la te neo lenge dhooe ngane djange. 5 kanisa la lebea la domi nde aasubao, imbe ai a hii mbea anga tata kola nde mao Loisi na anga amao eniki, na imbe, neubha hele, aiki go angao. 6 Nga inde neo hana te o djudjuse edado nda MOKONGA inde oi o beisi, akalakala njaga mi. 7 Ngaama MOKONGa indai aasopi meema ebobo, abai goe nde meeema kaala, ekundi na maako la ubha la bonja. 8 Odjai impa goe na sonia bo dhemu a Mokama nde masu, nainda bo eme into la ngoli nde maae. M'pa onobe neme ngaa mbino nde aanja. 9 A kala nda MOKONGA imbe ai aoso lamisi, na abai aaso hangia n'kogo aanja, na indaga ande ngaa mobili, aba goe nde sindande maako laae iye yemeene ahangii nee, na sindande lokoo nde ai be dhondi anga Yeso Klisito mosa la elie nde ama bhia. 10 Na inde ae hangiani a ndambi nde ahobela la Mokama nde masu yeso Klisito, imbe ai angbui kukua na abai a hangia ngebe na ama kanga kua noyo baemei mbino nde aanja. 11 Ande ngaa mbino nde wa auma aangisa nedje n'tomii mbino na n'tetea, Ngolisi nde ma bande nda ba mubha MOKONGA. 12 Nande ngaa indo wa angisa ne manisa ema ndo, m'pa inda ne kua soni aiyu, ngaa ama neubha inde ai angise ne nebee, na neubha sindan mnde ana kaala bhisila mbisilo ndamo akida la elienddo. 13 Oodhungile asuba lebea na sube kondi inde aiki asuba Yeso Klisito sinda ahe ayonga anja inde oi ooki aau toa la ngami. 14 Olange m'pimbo ndaanja ndo heele inda aiki asubaa asu ekanda la meema ndaabhu. 15 Oe amene oubhi sinde bato nsde ba aasia bai ba modu, angabo nde Figelo na Helemogene. 16 Mokama nde masu ahanje ngomi ndaae endua Onesifolo ngaama n'koba angaya ai amo lilii, nandaga ai akusoni angomo nde nei aau. 17 dholo na indoesainde akidi Loma aya mokabigi na mohuo na aya modhondi. 18 Mokama li a n'kulie uma ngomi a mbise uma a n'tiaase esa nde auma bhia na mobili li bhu inde aya mokoleli naa Efeso oubha hele.