1 Oubhe sinde esa la sungila, ama bhia elie adjede. 2 Angaa bato li ama badja basama, ama bakonda falanga kpee [Fanfaron] bato aboo kumba, bato a hotana, bande bae bhoni ba botia bo, bato nde nda ba sima, bande ndaba sei a yonga nda MOKONGA, 3 bande nda baima, bande ndaba sikisa maano, bato a gea, bande nda bae gegisa, batomboki, ba nongo a bato nde ba kola hele, 4 bato a ma n'die, bande maako laabo aheli, bande ba tumi na boo kumbaga, bakonda ema inda na dodo oni kpe la konda la MOKONGa, 5 baika bia nde ba n'sikisi MOKONGA, che na ba nganisa inde anga emoa kaala asuba MOKONGA. A sedeao dholo a bato ndo. 6 Aanga bo bato nde bae ngisa ibo baa meene eendu, na aba bae koda bake bande bana meema awedewede na budjede aie timbi,bande bo chweka angaya, 7 na ba gola esali bhu che ndaga anga ba ubha domi inda MOKONGA neede. 8 sinde Jane na Yambele ai ba nganisi na yonga inda Mosa, na bato nde ba nganisi domi nda MOKOMGA, baudjuani aoka ndaga ba lebea yonga la imani. 9 Che ndaga ma ba lebha a budjede ndaabo, anga egesile ndaabo ama e hangiana anga bato li bobhu, sinda budjede inda ba boo nde babale ndo. 10 aindo owe oyo obaemei helehele egoli ndamo n'kani ndamo, mako ndamo, imani ndamo, bowede ndamo, ekondi ndamo, konata ndamo, 11 boloko nde nei nengi aau, monobo ndamo. Mbeno monobo sins inde ndagai ne teisi au naa Antiokia, naa Ikonia, naa Lisitele? Mbeno boloko sins inde ndagai nengi aau? na MOKONGa nde mamo ai amo kodigi a bhulibhu. 12 Che bande ba kabi ikala hele a suba Yeso klisito ama ba teisa a monobo naa ngoli. 13 Che ba tomboki na bato a djodjia la budjede, ama ba baemea esali bhu budjede, na bae bungisa ba dhaabo na ba bungi ibo baa meene. 14 Owe, oike asuba yonga nde ouo goli na inde oubha nande domi, noubha sinde maani yeu ai ao hangii. 15 Toa la eni lao, uobha n'sao inda abhu, inde anga ao djisa n'to lamaako aanja a lamisa lao teisila la imani a suba Yeso Klisito. 16 N'sao li bhu a toi nde anga MOKONGA, na aanja a golisa, a hangia la domi, akalea, na a hia asuba tonganana. 17 anga n'to nde ma MOKONGA abe nde n'to nde a tonganani na manja a kola la hele.