¹ Ainda ndabhia bhia la Mokama nde masu Yeso Klistona tulana lasu naye, kisikisi badhasu, ² boodoleanai na botekatekai, bodjomanai kela ema nde ahobela, ahe ntina ntina sinde nde bhia la Mokama Yeso akidi kala. ³ Bolebee meno n'to dhema lanu na yonga ntina ntina; ngaa-ma esala bhia la Mokama-li Yeso akidi mbe, inde auma ahobela mosa la bhia la Yeso ande ebhoni nde nketi auma abhisa. ⁴ nkokoya-li auma ahobela aba aekubhaga na kaisa la batoli inde anengeleli Mokonga, na yonga late iye wande Mokonga. ⁵ Bondaye bookanisili sinde nde nei nenongodei esande nei na benu? ⁶ Boubhe bote ema nde aangise aike nanda abhii, imde nadjede auma abhiande ndambi ndae naye auma kidi. ⁷ Ngaama nketi-li akola kala mobili ndae; atoleli imbe ae ''tuma'' (nketi) alimie mbee. ⁸ Impa nketi-li ama ahobela, imbe Mokama Yeso ama dhongoa a kala maehu ae na ama adongoa a '' utukufu'' a bhia lae. ⁹ Bhia la nketi-li ama ba a kala sitani, na betekoteko ati a bhea, ¹⁰ na gusa la bande ndai ba lebei ekondi'a domi ngaa ba lame. ¹¹ Na Mokonga aekebea kala bunga, ngaa ba lebee bhea, ¹² ngaa bande bobhu ndai ba lebei domi-li, na ba baemei budjede, ba ''pate'' '' malipisi''. ¹³ Angasu, bandami asuba Mokonga, atoleli bensime Mokonga ngaa nu, ngaa Mokonga ayano somboli a kengetisa-li angaa bolame, ateisila la bobhu la Meema nd'Abhu na alebea la domi nda Mokonga. ¹⁴ Ainde aya neonokongi teisila la yonga la '' Enjili'' ngaa bobe na bosike inde atoa anga Mokama nde masu Yeso Klisto. ¹⁵ Naa ngeli ndo, badhami, bokokele, na bo dhungile inde nei neono ngodei, teisila la yonga '' ao'' nsao. ¹⁶ Mokama nde masu Yeso Klisto, na Mokonga a Bhasu, imbe ai aaso kondi, na aba aasopa a lokoo ndae bhebheaga meyo na maha anja, ¹⁷ alilie meema-nu, na anotigise asuba mobili anja na asuba yonga anja!