16 na Mokama ibhe ma djedje, iye mene anope djedje a ndambi li bhu! ¹⁷ Neono sesea, eme Polo, anjagami. Indo iye nde cholaga namo asuba loba-li bhuu inde neeno saela, neiki ne saa nde ibo. ¹⁸ Na lokoo nda Mokama Yeso Klisto abe na benu bobhu! ¹ Asungisa li, badhami, boso memele, ngaa yonga la Mokonga agee mosa na a ehebho sinda nde aanga-nu, ² na ngaa be lame toa la nga bato badjede na bande nda bana lebea. ³ Mokama inda aetiaga, amano meisa na langa lanu na ambe madjede. ⁴ Bena lebea anganu asuba Mokonga bia nde bokola, na uma bokola inde beeno memi. ⁵ Na Mokama atambise meema-nu ntinda ekondi nda Mokonga na a bondela la Klisto! ⁶ Beeno mema, badhasu, a ina Mokama nde masu Yeso Klisto, bobe dholo na badhasu nde ba iki asuba ebhebho, na makanga mahano nde boi booni toa la ngasu. ⁷ Boubha benu baa mene bia nde atoleli bobe sinda besu. Ndaga tuma be iki angala-nu asuba ebhebho. ⁸ Indai beli elea nda yeli bosa; che, asuba mobili na noba, bei kiia na etonge a mobili ngaa bedjai nkumba anga moti anda benu. ⁹ Inda inde te ndaga be tolelei lea-li, che, bei beemoi besu baamene nkani nde ongo bokengelaga. ¹⁰ Ngaa, ndambi nde bei na benu, bei beenongodea a maibhe: abe yeli ndaga kondi bheda la mobili, agaya leai go na ngee nede. ¹¹ Bena mbino, bia nde, angala-nu babe bande ba iki asuba ebhebho, kanga bheda la mobili, impa ba ikili ema a boobo. ¹² Beekongi bato ndo na beehana anga Mokama Yeso Klisto ba leye elea nde baoni ibo baa mene, na bheda la mobili kpee. ¹⁴ Abe yeli ndaga asikisi inde beeno ngodei a nsao nde, bosae ina ae, na bo bai go boabhola naaye, ngaa akue soni. ¹⁵ Bonengai bia nongo, che bo nkalee bia dhanu. ¹⁶ Na Mokama ibhe ma djedje, iye mene anope djedje a ndambi li bhu! ¹⁷ Neono sesea , eme Polo, anjagami. Indo iye nde cholaga namo asubua loba-li bhuu inde neeno saela, neiki ne saa nde ibo. ¹⁸ Na lokoo nda Mokama yeso klisto abe na benu bobhu!