² lokoo na djedje abe na benu a ina Mokonga a Bhasu na Mokama Yeso Klisto! ³ Betoleli angaanu, badhami, bensime Mokonga esali bhu, sinda nde atonganani, ngaa lebea ndao a bhisa gala mosa, na ekondi nda kela n'to anga bande batoo adja ati kela elie. ⁴ Na bee bhebha anganu asuba Boyoni nda Mokonga, ngaa midia la meema-nu na lebea la-nu asuba nobisa la-nu benu bobhu na bonobi-li ainda midia la meema-nu. ⁵ Ande ahangiana elondi adja nda Mokonga, ngaa bano londe hele a eboame nda Mokonga, inde bonobela au. ⁶ Ngaa ande a elondi nda Mokonga a londa la bande bano nobisa, ⁷ na moa lanu, benu bande bonobi, yobhia na besu, esa nde Mokama Yeso ama toa na kobha na ba mankese a ekanda ndae, ⁸ a meeme a kelembelembe'a insa, a kalea la bande nda ba mubha Mokonga na bande nda ba sikisi yonga ndadja nda Mokama nde masu Yeso. ⁹ Ama baekokisa balokpate la meyo, ikala dholo'a iso'a Mokonga na ekala a ebhebho ndae, ¹⁰ esa nde ama abhia aika, a elie ndo, aebhebhi'a bobhu ndae na bande bai banebei ama badjangea, ngaa bodhemu ndasu meeme anu aya lebeani. ¹¹ Naa ngeli ndondo beeno memela ngendo na ngendo, ngaa Mokonga nde masu ano tange sinde nde botoleli, na akole a ekalae indanja bhu, na mobili'a lebea ndanu, ¹² nga ina Mokama nde masu Yeso abhebheane anganu, na benu bano bhebhe asubae, tiisila la lokoo nda Mokonga nde masu na Mokama Yeso Klisto.