¹ Badhami, bolebeai meema li bhu, inda bhia bokengee mbea mbeno atoa nde anga MOLKONGA, ama ba bhii bato ambea mbea bangaya bahobeli na leengo oni. ² Nangee linde boubha meema MOKONGA, meema li bhu inde alebea ate Yeso Klisito aya bhii asuba ngobho indo kisi atoi anga MOKONGA. ³ Meema nde bhuu inde nda nebei Yeso kesi indo inda toi anga MOKONGA. Naando ande meema nongo la Klisito. Imbo mbo aye booki mbino aae ambo abhia. ⁴ Benu bania mbenje, bonde bande ba MOKONGA nai bo n'gbui ngaa imbe aiki asubaanu a mati la aimbe aiki asuba leengo. ⁵ Ibo baasuba leengo, naba yonga inda leengo, na leengo li ae oka. ⁶ Besu bende bande ba MOKONGA, imbe amuubha MOKONGA aaso okanea na imbe ndaga mubha MOKONGA indaga oso okanea, iwa yeu aaso ubhisa meema nde ande domi na meema ebhobho. ⁷ Ba dhami, bekondane besu na ba dhaasu, ngaama ekondani li nde nda MOKONGA, na lebe nde akonda kesi aboteani na MOKONGA. Na kesi amuubha MOKONGA. ⁸ Imbe ndaga neekondi, kesi ndaga muubhi MOKONGA, ngaama MOKONGA ande ekondi ⁹ Ekondi nda MOKONGA ai aehangiani angaasu, aangama MOKONGA ayia n'tei Naae Nguma nde moti sia na leengo, angaa beba na ngebe teisikla la ngaae. ¹⁰ N'ekondi ndo yeu aangise, amakanga neede indaga besu yeu beibe n'kondi MOKONGA, m'pa iye yeu ai meno aaso kondi naa ba n;tea naae dja la n'kulii a bololio la budjede ndaasu. ¹¹ Ba dhami, abe MOKONGA nai aasokondi bende, atoleli angaasu kondana besu na badaasu. ¹² Inda be imbe ayi amoni adha MOKONGA, naye be kondani, MOKONGA aba na besu, na ekondi ndaae atongana angaasu. ¹³ Beubha sindande beiki asuba iye na iye asubaasu, ngaa ayi assa tabeli a moa laasu meema bobhu. ¹⁴ Na besu bei belengi nma be lebei sindande Ebha eyi antei Miili abe namisi la leengo. ¹⁵ Imbe ama lebea ate Yeso ande muna MOKONGA, MOKONGA aiki asubaae, naiye auba MOKONGA. ¹⁶ Na besu, bei beubhi ekondi nda MOKONGA angaasu, na bei belebi indo. MOKONGA ande ekondi; na imbe aiki na ekondi aiki na MOKONGA, na MOKONGA aiki asuba iye. ¹⁷ Sinde iye aikine, na besu beike aandebo na leengo oni, aindo ekondi nda MOKONGA atonganani asuba asu, angaa bebe na maha a domi elie la ekale inda MOKONGA. ¹⁸ Eboboli inda asuba ekondi, in'ka ekondi nda MOKONGA abea ebobo li, anga ebobo abhisa ekale, naambe an' eebobo ndaga n'ekondi nda MOKONGA. ¹⁹ Angaasu, be n'kondi MOKONGA, ananga iye MOKONGA ai akengetisi aso konda mosa. ²⁰ Imbe ayonga ate: ne n'kondi MOKONGA, na mbona dhaae, ande mbembea, anga imbe nda n'kondi dhaae imbe amona, boni anga n'konda MOKONGA imbe n'da mona? ²¹ Na bena maano nde angae, imbe an'kondi MOKONGA, an'konda na dhaae.