1 Bolenge mambal'ekondi mati nde Ebha aaso kondi nee, anga baso koge bana MOKONGA; ngaa bende baanaae! ana indo bato nde ba leengo inda anga baso ubha: ngama indai bamubhi MOKONGA. 2 Badhami, bedji m'pa bana MOKONGA, na sinde bebauma nee, aubhianani m'be. M'pa beubha elie nde auma ubhianana auma be nenga sinde aiki nee. 3 Maha ndaae aanga ae bhumanisa sinda iye. 4 N'to abudjede abhona mahano, na budjede ande ebhoni a mahano. 5 M'huu! ka boubha sinde Yeso ahobeli na leengo adhusa la bhudje ndaasu, naanda angaae budjede. 6 N'to nde aiki asubae (meeli suba) budjede, n'to a budjede indaga nga mona nandai amubha. 7 Benu bani, n'to aano dhemai. Imbe akola salia abe mabhu. 8 Imbe akola budjede ande ma n'keti. Muna N'KONGA abhii toa la kengetisa audjaga mobili nda n'keti. 9 Imbe aboteani anga N'KONGA inda kola budjede, angaa m'po ndaae aasubaae na indaganga hela ngaama aboteani n'kobi ibale. 10 Ngaa indo ndo beubhianana bana MOKONGA na bana N'keti. 11 Imbe nda kola bonja indaga ma MOLKONGA. 12 Be n'kengai Kaena, n'to madjede imbe aya moi dhaae. Ngaaee aba moa/ Ngama mobioli ndaae ai adjede, na inda dhaae ainde nda domi. 13 Aano bangisai, badhami, abe leeongoli naano komi. 14 Beubha bia nde be teisili akua kida la ngebe li beubha biande be teisili akua kida la ngebeli, ngaama beekondi baadhaasu. Imbe nda n'konda, aikki asuba kua. 15 Imbe ambona dhaae ande moi, na boubha biande nangee moi moti ndaga na ngebe ameyo ikala subaae. 16 Beye beubhi ekondi, sinde aya gabhi ngebe aae angaasu; na besu, atoleli be gabhe ngebe aasu anga badhaasu. 17 Abe yeli na bhisi ema nda leengo na m'pa na ona la dhaae asuba bungu, aba n'kaisa ema ndaae, ekondi na N'KONGA aiki nde boni asubaae? 18 Bania m'benje, bekondai ayonga na edaa, m'pa asuba kola la domi. 19 Ainde beubhale sinda bende bato a domi na auma be haisa mosa laae meema aasu. 20 Ngaa meema aasu naye aaso kalea, boti la MOKONGA alengi meema asu na aubha ema li bhulibhu. 21 Ba dhami, impa mee asu na andaa so kalei, benamaha mosa la N'telekisi. 22 Inde aanga be mema beona toa la angaae ngaa bebhisi mano ndaae, bekola inde a n'djangis. 23 Maha nde yunde: Bemelei aina muna MOKONGA Yesu Klisito; naye bekondani besu bobhu sinda maano nde aasopi. 24 Imbe abhisi maano ndaae anga MOKONGA na MOKONGA aangae, beubha sinde aiki angaasu teisila la meemae inde ayasopi.