¹ Elebe alebeisi sinde Yesu ande Klisito a boteani na MOKONGA, na lebe an'kondi imbe ayi m'boti an'konda go nde imbe naambe ayia boteni niye. ² Beubha sind beekondi bana MOKONGA,ngaama be n'kondi MOKONGA naanga ama bekola maano ndaae. ³ Ngama ekondi nda MOKONGA aangisa be langa maano ndaae. na maano ndaae indaga kali. ⁴ Angaa inde bhu aboteani na MOKONGA angbua inda na leengo nande aangisa bengbua leengo li, ande lebea ndaasu. ⁵ Maani aya ngbui inda na leengo, naandaga ndembe alebei sinda Yesu ande muna MOKONGA? ⁶ Ande iye, Yeso Klisito, imbe aya bhii na ibo na n'sangi; na indaga inde na ibo aba bhuli m'pa ande an'kini na ibo na an'kindi na n'sangi; na ande meema nda bhu yeu ahangiana indo domi, ngaa meema ndaa bhu ande domi li. ⁷ Ngaama abe isaalo inde ahangiana domi ndo: ⁸ Meema nda abhu, ibo na n'sangi, inde isaalo nde alebeani. ⁹ Abe na be lebea inde bato ba yonga, inde : MOKONGA ayongi aati laindo, ngaama inde MOKONGA aya yongi yeu ahangiana sindende Yeso ande naae. ¹⁰ Imbe anebei muna MOKONGA ana domi nde aangae ye meene, imbe ndaga anebei MOKONGA anjisa mbembea, ngaama indaga alebei inde MOKONGA aya yongi anga naae. ¹¹ Naande MOKONGA aya yongi yende, opa laasu ngebe nda meyo, na ngebe ndo ande asuba Yeso. ¹² Imbe ana muna MOKONGA ana ngebe; imbe ndaga na muna MOKONGA ndaga nan ngebe. ¹³ Nei neeno saeli kala sindende boubhe botee bona ngebe nda meyo, benu nde bolebei ina muna MOKONGA. ¹⁴ A ntiae bena maha nde ande domi, sinde na be memi ema asinde akondine, aba asooka. ¹⁵ Na abe na beubha sinde aasooka, ema nde beanga be mema angaae, beubhe sindende beona ema nde bei bememi angaae. ¹⁶ Abe lebe na lengi sinde dhaae akoli budjede inde ndaanga n'kidisa akua, omemele, na MPOKONGA aba moa dhao ndo ngebe, na ememi ndo abe nde anga bato nde ba koli budjede inde ndaga kidisa akua. Awe budjede nde akidisa akua, amemai aindo. ¹⁷ Kola la budjede indaga anja, m'pa awe budjede inde ndaga kidisa akua. ¹⁸ Beubha sindende lebe nde aboteani na MOKONGA ndaanga kola budjede neende, m'pa imbe aboteani na MOKONGA aelanga nde iye meene na n;keti li ndaanga m'bedea. ¹⁹ Beubha sinde bende bande ba MOKONGA, na sinde leeongo li bhu ande m'paso akaala n'keti li. ²⁰ Beubha go sinde muna MOKONGA aaye meno akidi na ayye meno assopi maeneko aubha la MOKONGA na besu beiki asubaae, angaa naae Yesu Klisito. ²¹ Iye mbe ande MOKONGA nde maa domi, na ngebe ameyo, bani nde bedede bolenge na ndekele nda baketi.