1 añoape Tiberio Cesar ẽẽ mburuvisha vasu Romaperã, Poncio Pilato teri jyve mburuvisha Judeape, hareka Herodes Galileape, tyvy Felipe Iturea hareka Traconitepe, Lisania jyve mburuvisha Abiliniape. 2 Anas hareka Caifás hai jyve paire juhuvisha, Ñanderu Tumpa ĩnjetashu Juan Zacarias tay yvy ikoambaipi; 3 haivi Juan õhẽ oho ysyryva Jordanpe, mbeushu kuaretare oujy verã Ñanderu Tumpa kyty, ñymyngarairã mbai porãmba hejaha rei shi verã; 4 heiva rãĩmi ñimiñẽẽ ia Isaias jy kuatiapy: Pẽnte ñẽẽ sapukeva yvy ikoambaipi; Pymyhẽvãshu Ñanderu haperã, pijaposhu pee symyiva. 5 Opaite yvy pykõĩva ty mynyhẽã, opaite yvyturusu hareka ĩtĩti õvã tymy ỹvỹiajy; pee ñapeva tymy symyiajy, hareka jyvache mba timbi vacheajy. 6 Hãrã opava kuaretare heshapo vokava, ohoa jepeva ryheva Ñanderu Tumpa mẽẽva. 7 Kuaretare õhẽma Juan ñymyngaraikashu verãrã, hai heishu reta: Mboi ñymoña hãndiare! Mbavara hei pee piñemishi verã voka ñunũpa vasu kõõma ouva? 8 Piñymby heko kavi, ti jykuaa pyndyrehe peijyva Ñanderu Tumpa kyty, hareka avy pere pyndy pyape: “Ore hai Abraham rayre”; ãẽtẽĩte hai pee Ñanderu Tumpa katu japoshi kova ita Abraham ta yrãre. 9 Haereka hasha ẽma, jasyjaha verã yvyrare hapoi vive, opaite yvyra ia porãmba jasyjaharã mombohapo tatape. 10 Haivi kuaretare pyrãndu jyreshu: Mbaivara akuarã japohapo? 11 Hãmã Juan heishu reta: Mondeva mõkue rea tymẽẽ veshu pẽnte mba'etyite rea; hareka kỹrãi tijapo jyve hou verã ĩmẽrea. 12 Oujyve tẽnta Roma pevarã okora iare ñymyngaraika verã, pyrãndushu reta Juan: Pyrỹmboi'ia, orera mbaiva japoapo jyve? 13 Hãmã Juan heishu reta: Avy ĩãrẽve pekora, pekora verãivi. 14 Ĩmẽ'ẽ jyve syndarore pyrãndushurã heiva: Ore jyveno, Mbaivara japoapo jyve? Hãrã Juan heishu reta: Avy mbava pyheky reiishi mãĩnũnga, hareka avy pereshu pijapo he verã mbai porãmbava, avy pĩnjetareihe ỹngare, hãrã pyvy ãĩ pijapoa hepy mẽ ẽã peva ryheve. 15 Hãmã kuareta ñymbaty õre, pya mbĩjeta jyre Juan reherã hei: Kova ha'ẽãra Kristo; 16 Juan katy hei kuareta retape: She rãnga ãẽte apyry myngarai yy peĩ; tẽvã ĩmẽ'ẽ pẽnte ouva shaykue mbaikatuve shy heviva, katumba ajora shia jypasa ĩshãĩ tẽã. Haipo pyny myngaraikui Espiritu Santo hareka takuimbai. 17 Ĩmẽ mare ipope ũrũpe, mypõtĩ verã trigo hãỹ, hekyshi verã kapii, haivi hã ỹkue natupo hyrupe, tẽvã hapypo kapii tata vasu ovemba verãpe. 18 Hãrã kỹrã Juan ĩnjeta hareka mboishu kuaretare, mbeu kavishu Ñẽẽ kaviva. 19 Juan ĩñẽẽ pohyshu mburuvisha Herodes shara hỹrekorãre Herodias, tyvy Felipe hỹreko, hareka heta mbai porãmba japo vekua rehe; 20 Herodes katy hẽndutẽ verã mĩ'ĩrũvejy kovape mbai porãmba japo vekua: Raha Juan mby peresoka. 21 Ndeiteri kova ikorã, Juan myngarai heta kuaretare, hãrã myngarai jyve Hesu; hãmã jurure ẽrã, vate arapy jypea, 22 haipe ijyhesha vejy Hesu ĩãrẽ Espiritu Santo pykasu rãĩmi, haivi ĩñyhẽndu vate araivi pẽnte ñẽẽ heiva: Nde hai shy Ray ahaihuva, ndy rehe shy pya hory. 23 Hesu (30) año rupiima rerã õñepyrõ japo Ñanderu Tumpa ĩñẽẽpe heiva. Jose tay mõ ãtẽã rãĩmi, Jose hai Eli tay, 24 Eli hai Matat tay, Matat hai Levi tay, Levi hai Melqui tay, Melqui hai Jana tay, Jose hai Jana tay, 25 Matatias hai Jose tay, Matatias hai Amos tay, Amos hai Nahum tay, Nahum hai Esli tay, Esli hai Nagai tay, 26 Nagai hai Maat tay, Matatias hai Maat tay, Matatias hai Semei tay, Jose hai Semei tay, Jose hai Juda tay, 27 Juda hai Joana tay, Joana hai Resa tay, Resa hai Zorobabel tay, Zorobabel hai Zalatiel tay, Zalatiel hai Neri tay, 28 Neri hai Melqui tay, Melqui hai Adi tay, Adi hai Cosam tay, Cosam hai Elmodam tay, Elmodam hai Er tay, 29 Er hai Josue tay, Josue hai Eliezer tay, Eliezer hai Jorim tay, Jorim hai Matat tay, 30 Matat hai Levi tay, Levi hai Simeon tay, Simeon hai Juda tay, Juda hai Jose tay, Jose hai Jonan tay, Jonan hai Eliaquin tay, 31 Eliaquin hai Melea tay, Melea hai Mainan tay, Mainan hai Matata tay, Matata hai Natam tay, 32 Natan hai David tay, David hai Isai tay, Isai hai Obed tay, Obed hai Booz tay, Booz hai Salmon tay, Salmon hai Naason tay, 33 Naason hai Aminadab tay, Aminadab hai Aram tay, Aram hai Esrom tay, Esrom hai Fares tay, Fares hai Juda tay, 34 Juda hai Jacob tay, Jacob hai Isaac tay, Isaac hai Abraham tay, Abraham hai Tare tay, Tare hai Nacor tay, 35 Nacor hai Serug tay, Serug hai Ragau tay, Ragau hai Peleg tay, Peleg hai Heber tay, Heber hai Sala tay, 36 Sala hai Cainan tay, Cainan hai Arfaxad tay, Arfaxad hai Sem tay, Sem hai Noe tay, Noe hai Lamec tay, 37 Lamec hai Matusalen tay, Matusalen hai Enoc tay, Enoc hai Jared tay, Jared hai Mahalaleel tay, Mahalaleel hai Cainan tay, 38 Cainan hai Enos tay, Enos hai Set tay, Set hai Adan tay, Adan hai Ñanderu Tumpa tay.