^{1 2 3 4} 1.ಭೇಟೆರ್ ಪೆಟಿಮಾ ಉನೇರ್ ಭೆಟ್ ಘಾಲ್ ರೇಜ್ ಸಾವುಕಾರೆನ ಉ ಅಂಕಿ ಪಾಡನ್ ದಿಟೋ. 2.ಜನಾ ಎಕ್ ಗರೀಬ್ ರಾಂಡ್ ಬೀರ್ ದಿಪಿಸಾನ ಓಮಾ ಘಾಲ್ ರಿತಿಜನಾ ಇ ದೇಕನ್ - 3.ಈ ಗರೀಬ್ ರಾಂಡ ಬೀರ್ ಸೇತಿ ಜಾದಾ ಘಾಲಿಕೆನ್ ತಮೇತಿ ಸಾಸಿಜ್ ಕೆರೋಚು. 4.ಓ ಸೇ ಉನೇರ್ ಘನೋ ವೆತ್ತೊಜೆ ಮಾಯಿತಿ ಭೆಟ್ ಘಾಲೇ ಪಣ್ ಈ ಗರೀಬ್ ಣಿ ರತ್ತೋಯಿ ಓರ್ ಡಾoಯಿ ವೆತೆಜಕೋ ಸೇ ಘಾಲ್ದಿನಿ ಕನ್ ಉನೇನ್ ಕೊ. ಯೇಸು ಯೆರುಸಲೆಮೆರ್ ನಾಸೆನನ್ ಆಖರಿ ದಾಡೆನ ಮಾಲಂಕರೆರ್ ^{5 6} 5.ಈ ಸುಂದರ್ ಭಾಟಾತಿ ಭೇಟೆರ್ ಚಿಜೂತಿ ಸಣಗಾರ್ ಕರ್ಮೇಲೆ ಛ ಕನ್ ದೇವೇಳೆರ್ ಕಾಣ್ ತೋಡಾಸೇಕ್ ವಾತೆಕರ್ತೆ ರಜನಾ , 6.ಉ -ಏನ್ ಭಾಂದ್ ಮೇಲೆಜೇನ್ ತಮ್ ದೆಕರೋಚು ಪಣ್ ಉನೆಮಾ ಭಾಟಾ ಉಮ್ಪರ್ ಭಾಟಾ ನರಜು ಓ ಪಟಕ್ದೆರ್ ದಾಡ್ ಆವಚ ಕನ್ ಕೋ . ^{7 8 9} 7.ಜನಾ ಓ -ಬ್ಹೊದಾಕರೆವಾಲೋ ಹನುವತ್ತೋ ಎ ಕನ್ನಾ ಚಾಲಚ ?ಚಾಲಜೆನ್ ಕಾಂಯಿ ನಿಶಾನ್ ಕನ್ ಓನ್ ಪೂಚೆಜನಾ, 8.ಉ -ತಮ್ ಡೋಕಾಮಾ ನಜಾವಜು ದೇಕೋ ;ವಾರ್ಸೆಕ್ ಮಾರ್ ನಾಮೆಪರ್ ಆನ್ -ಮಜ್ ಉ ಕನ್ ,ದಾಡ್ ಡಾoಯಿ ಆಯೆಕನ್ ಕಿಯೇ ,ತಮ್ ಓರ್ಲಾರ್ ಜಾವೋಮತ್ . 9.ತಮ್ ವೆರಿರ್ ಬಾರೆವುಮಾ ಲಡಾಯೀರ್ ಬಾರೆಮಾ ಸಾಮಾಳೋ ಜನಾ ಚಮಕೋ ಮತ್ ;ಎ ಅಗಡಿ ಚಾಲೆರ್ ಛ ;ಪಣ್ ಆಖರಿರ್ ದಾಡ್ ಜಲ್ದಿ ಆಯೇನಿ ಕನ್ ಕೋ. ^{10 11} 10.ಉಜಿ ಉ ಉನೆತಿ ಹನೂಕೂ -ಜನೇಪರ್ ಜನ್ ,ರಾಜ್ಯಾಮೆಪರ ರಾಜ್ಯಂ ಉಟಿಯೇ. 11.ವತ್ತೋತ್ತ ಜಮ್ಮಿ ಚಿರಾವಚ ಭಾವೆಟಿ ಆವಚ ;ಕಾಳ್ಪಡಚ ಆಸ್ಮಾನೆತಿ ಡರ್ ಆವಜಕೋ ಮೊತ್ ನಿಶಾನ್ ದೆಕಾವಚ . ^{12 13} 12.ಎ ಸೇ ವೇನಿ ಜೆರಾಂಗ್ ಓ ತಮೇನ ಜೋರ ಬಾರಿತಿ ಪಕಡೆನ್ ಮಾರ್ ನಾಮೆವಾಸ್ ತಮೇನ ರಾಜೆವುರ್ ಡಾoಯಿ ಹಕಂದರೂರ್ ಡಾoಯಿ ಲೆಜಾನ್ ,ನಸಾಬೇರ್ ದೇವಳೆಮಾ ಖೈದೆಮಾ ಘಾಲನ್ ವೆಲಾಪಡಾಯೇ. 13.ತಮ್ ಗವಾಯಿ ದಿಂಯೋ ಜೆರ್ವಾಸ್ ಈ ತಮೇನ ಅವಚ . ^{14 15} 14.ಜನಾ ಹಂ ಕಾಂಯಿ ಜವಾಬ್ ದೆನುಕೆರ್ ಬಾರೆಮಾ ಅಂಗಜ್ ತಯ್ಯಾರ್ ವಾನಿ ಕನ್ ತಮಾರ್ ದಲ್ಲೆಮಾ ಘಾಟ್ ಕರಲೋ. 15.ತಮಾರ್ ದಸಮನ್ ಸೇ ತಮಾರ್ ವಾತ್ ಬದಲೇರ ವನ್ಗಾಯೇನಿಜಕೋ ವಾತೆನ ,ಗೆನೆನ ಮ ತಮೆನ್ ದುಚು . ^{16 17 18 19} 16.ಪಣ್ ಮಾ ಬಾಪೆತಿ ಭಾಯಿ ಭಿಯಾತಿ ,ದೋಸ್ತಿತಿ ,ತಮೇನ ಪಕಾಡದಚ ;ಓ ತಮೇಮಾ ತೋಡಾಸೇಕೆನ್ ಮಾರ್ ನಾಕಚ . 17.ಮಾರ್ ನಾಮೆವಾಸ್ ತಮೇತಿ ಸೇ ಅದ್ಮಿ ಖೋಟೋ ವೇಜಾ ಛ . 18.ಪಣ್ ತಯಾರ್ ಮಾತೆರ ಲತ್ತಾಮ ಎಕ್ತೊಯಿ ಹಾಳ್ ವೇನಿ. 19.ತಮಾರ್ ಧಿರೇರ್ ವಡಿತಿ ತಮಾರ್ ಆತ್ಮಾನ್ ಜತನ್ ಕರ್ಲೋ . ^{20 21 22} 20..ಯರುಶಲೆಮ್ ಘಣ್ ಪೋಜೇತಿ ಘೆರಾಯೆರ ತಮ್ ದೆಕೊಜನಾ ,ಓರ್ ನಾಸಣ್ ಡಾoಯಿ ಚಕನ್ ಮಾಲಂ ಕರ್ಲೋ . 21.ಜನಾ ಯುದಾಯಾಮಾ ರೆವಾಳೋ ಗಟ್ಲಾನ್ ಧಾಮ್ಸ್ ಜಾಯೆದ; ಓರ್ ಪಚ್ಚ ಓ ಶೆರೆಮಾರ್ ಬಾರ್ ಡಗರ್ ಜಾಯೆದ ;ಗಾಮೆವಾಳ್ ಓರ್ ಮಾಯಿನಿ ಜಾಯೇನಿಜು ರೆದ. 22.ಕಸ್ಸೇನ್ ಕತೋ ಲಕ್ ಮೇಲೆಜಕೋ ಸೇ ವೆಜಾಯೇನ್ ಓ ಸಜಾರ್ ದಾಡ್ , ^{23 24} 23.ಓ ದಾಡುಮಾ ಪೇಟೆತಿ ರಕೊನ್ ,ದೂದ್ ಪರಾಯೇವಾಲಿವುನ್ ಬಾವೇಟಿ ಜಮ್ಮಿ ಉಮ್ಪರ್ ಭಾರಿ ಭಾವೆಟಿ ಎ ಜನ್ ಉಮ್ಪರ್ ದೇವೆರ್ ರೀಸ್ ಅವಚ. 24.ಓ ಚರಿರ್ ಚೋಟೆತಿ ಮಾರ್ ಜಾವಚ ,ಖೈದೆಮಾ ಕಲಾಯೇವಾಳ್ ವೆನ್ ಸೇ ಪರಲ್ ಜನೂರ್ ವಚ್ ಜಾಯೇಪರ್ ಮಲ್ಕೆವಾಳೆರ್ ದಾಡ್ ಪೂರೋ ವೆಜಾಜೆಲಗು ಯರುಶಲೆಮ್ ಕರಲ್ ಜನುತಿ ಖುಂದಾವ್ಚ್ . ^{25 26} 25.ಉಜ್ಜಿ ದಾಡೋ ಚಾಂದಾ ತಾರಾವುಮಾ ನಿಶಾನ್ ,ಸಮುದ್ರೆರ್ ಹಲ್ಲೋಳೆರ್ ಆಟೆತಿ ಧರ್ತಿ ಉಮ್ಪರ್ ಜನ್ ಸೇ ಚಮಕ್ ಜಾವಚ ,ಚಮಕಜೆ ಜನೂಮಾ ಭಾವೆಟಿ ಆವಚ. 26.ಆಸ್ಮಾನೆರ್ ಜೋರ್ ಹಾಲ್ ಜಾವಚ ;ಜನಾ ಜಗೆ ಉಪರ್ ಅವಚೆ ಸೇರ್ ಕಾಣ್ ಆದ್ಮಿ ಚಮಕನ್ ವಾಟ್ ದೇಕ್ ತೇ ಹಿಮ್ಮತ್ ಜಾನ್ ಮಳಿ ಖಾಜಾವಚ . ^{27 28} 27.ಜನಾ ಮನಕ್ಯಾರ್ ಬೇಟಾ ಜೋರೆತಿ ಘನೋ ವಜಾಳೆತಿ ವಾದಳ್ ಉಮ್ಪರ್ ಚಡನ್ ಆವಜಕೋ ದೆಕಿಂಯಾ . 28.ಎ ಚಾಲೆನ್ ಸುರುವಜಾನ ,ತಮ್ ಹಿಮ್ಮತ್ ಲಿಯಾನ್ ತಮಾರ್ ಮಾತ್ತೋ ಉಂಚ್ಚೋ ಪಾಡೋ ;ತಮೆನ್ ಚೋಡಾಯೇರ್ ವಕತ್ ಡಾoಯಿ ಛ ಕನ್ ಕೊ. ^{29 30 31} 29.ಉಜ್ಜಿ ಉ ಉನೇನ ಎ ಸಾಟವಾ ಕೋ -ಅಂಜೂರೇರ್ ಝೂಡೆನನ್ ಸೇ ಝೂಡೂನ್ ದೇಕೋ. 30.ಓ ಪಾಂಗ್ರ ಜೆನ್ ದೇಕನ್ ಪಾಂಗ್ರೆರ್ ದಾಡ್ ಜನಾಜ್ ಆಯೋಕನ್ ತಮೇಮಾ ತಮ್ ಮಾಲಂ ಕರ್ ಲೋಚೋ ಕೋನಿ ಕಾಂಯಿ ? 31.ಹನೂಜ್ ಎವಾತೆ ವಜಕೋ ತಮ್ ದೇಕೋ ಜನಾ ದೇವೆರ್ ರಾಜ್ ಡಾoಯಿ ಆವಗೊಕನ್ ಮಾಲಂ ಕರ್ ಲೋ . ^{32 33} 32.ಓ ಸೇತಿ ವಜೆಲಗು ಎ ಪಿಡಿವಾಳ್ ಜಾಯೇನಿ ಕನ್ ತಮೇತಿ ಸಾಸಿಜ್ ಕೆರೋ ಛು. 33.ಆಸ್ಮಾನನ್ ಧರ್ತಿ ಡಗರ್ ಜಾವಚ ,ಪಣ್ ಮಾರ್ ವಾತ್ ಹಾಳ್ವೆಜಾಯೇನಿ . ^{34 35} 34.ತಮಾರ್ ದಲ್ ಏಕಾದ್ವಣಾ ಕ್ಹೊರಾಕಿರ್ ಕಾಣ್ ನಿಶಾರ್ ಕಾನ್ ಎ ಜಗರ್ ಹಾಯಿರ್ ಕಾಣ್ ಸುಸ್ತಿರತ್ತೋ ಓದಾಡ ಅಣಾಚಕೇರ್ ತಮಾರ್ ಉಪರ್ ಫಾಸಿ ನ ಆವಜು ,ತಮಾರ್ ವಾಸ್ ತಮ್ ಜಾಗನ್ರೋ? 35.ಉದಾಡೋ ಜಗಮೆ ರಜೆ ಸೇರ್ ಉಪರ್ ಅಣಾಚಕ್ಕೆರ್ ಅವಚ. ³⁶ 34.ತಮಾರ್ ದಲ್ ಏಕಾದ್ವಣಾ ಕ್ಹೊರಾಕಿರ್ ಕಾಣ್ ನಿಶಾರ್ ಕಾನ್ ಎ ಜಗರ್ ಹಾಯಿರ್ ಕಾಣ್ ಸುಸ್ತಿರತ್ತೋ ಓದಾಡ ಅಣಾಚಕೇರ್ ತಮಾರ್ ಉಪರ್ ಫಾಸಿ ನ ಆವಜು ,ತಮಾರ್ ವಾಸ್ ತಮ್ ಜಾಗನ್ರೋ? 35.ಉದಾಡೋ ಜಗಮೆ ರಜೆ ಸೇರ್ ಉಪರ್ ಅಣಾಚಕ್ಕೆರ್ ಅವಚ. ^{37 38} 37.ಉ ಹರ್ಯೇಕ್ ದಾಡ್ ದಪ್ಪೇರೆರ್ ವಗತ್ ದೇವೇಳೆಮಾ ಬೋದಾಕರ್ತ್ತೋ ರಾತ್ ವಣಾ ಓಲಿವಾರ್ ಗಟ್ಲಾನೆ ಜಾವತೋ ದಾಡ್ ಕಾಡ್ ತೋರ . 38.ಜನ್ ಸೇ ಓರ್ ವಾತ್ ಸಾಮಳೆನ ನಸಾಬೇರ್ ದೇವಳೆಮಾ ಓರ್ ಡಾoಯಿ ಪರ್ ಬಾತಿಜ್ ಆವತೇರ.