^{1 2} 1.ಪಸ್ಕಾ ಕಜಕೋ ಬನಾ ಖಾಟ್ಟೆರ್ ಬಾಟಿರ್ ತೇವಾರ್ ಡಾoಯಿ ಆಯೋ. 2.ಮೋಟೋ ಯಾಜಕನ ,ಶಾಸ್ರಿಯು,ಪಂಡಿತ್ ಜನೂತಿ ಚಮಕೇ ಜೆರ್ವಾಸ್ ಓನ ಮಾರ್ನಾಕೇನ ಸೋಸ ಕರ್ ತೇರ . ^{3 4} 3.ಜನಾ ಬಾರೆ ಚೆಲಾವುಮಾ ರಜಕೋ ಇಸ್ಕರಿಯೂತ ಯೂದಾಮಾ ಸಾತಾನ್ ಆಯೋ. 4.ಜೆರ್ವಾಸ್ ಉ ಜಾನ ಓನ ಉನೇನ ಕು ಹವಾಲ್ ಕರ್ ಣು ಕೊ ;ಓರ್ ಕಾಣ್ ಮೋಟೋ ಯಾಜಕೇತಿ ಹಕಮ್ ದಾರೋತಿ ವಾತೆಕಿದೋ ^{5 6} 5.ಓ ಖುಷಿವೆನ ಓನ ಪಿಸಾದೇನ ವಾತೆಕಿದೆ . 6.ಉ ಹನುಕರೆನ್ ಮಾನಲೆನ್ ಜನುರ್ ಮಳಾವೋ ನರಜನಾ ಓನ ಉನೇನ ಪಕ್ ಡಾದೆರ್ ಚಾಜಜಕೋ ವಕತ್ ದೆಕುಕಿದೋ . ಯೇಸು ಚೇಲಾವೂರ್ ಸೋಬತ್ ಅಖರಿರ್ ಖಾನೋಖಾಯೇರ್5.ಓ ಖುಷಿವೆನ ಓನ ಪಿಸಾದೇನ ವಾತೆಕಿದೆ . 6.ಉ ಹನುಕರೆನ್ ಮಾನಲೆನ್ ಜನುರ್ ಮಳಾವೋ ನರಜನಾ ಓನ ಉನೇನ ಪಕ್ ಡಾದೆರ್ ಚಾಜಜಕೋ ವಕತ್ ದೆಕುಕಿದೋ . ಯೇಸು ಚೇಲಾವೂರ್ ಸೋಬತ್ ಅಖರಿರ್ ಖಾನೋಖಾಯೇರ್ ^{7 8 9} 7.ಪಸ್ಕಾರ್ ಗೊರ್ಲಿ ಮಾರೇರ್ ಬನಾ ಖಾಟೋ ಬಾಟಿರೋ ದಾಡೋ ಆಯೋಜನಾ , 8.ಯೇಸು ಪೆತ್ರುನ್ ಯೋಹಾನೇನ್ ದೇಕನ್ -ತಮ್ ಜಾನ್ ಅಪಣ್ ಖಾಯೇನ ಪಸ್ಕಾನ್ ತಯ್ಯಾರ್ ಕರೋಕನ್ ಕೇನ್ ಉನೇನ ಮೆಲ್ದಿನೋ . 9.ಓ -ಹಂ ಕತ್ತ ತಯ್ಯಾರ್ ಕರ್ ಣೂಕನ್ ಕೇನ್ ಆಸಾಕರೋಚಿ ಕನ್ ಪೂಚೆಜನಾ ^{10 11} 10.ಯೇಸು -ಇದೆಕ್ ತಮ್ ಶೇರೆಮಾ ಜಾವೋಜನಾ ಪಾಣಿರ್ ಘೂಡಿಯಾ ಪಾಲ್ದೆನ್ ಜಾರೋಜಕ ಆದ್ಮಿ ತಯಾರ್ ಸಾಮು ಅವಚ ;ಉ ಜಾವಜೇ ಘರೆಮಾ ಓರ್ ಲಾರಜಾನ್ , 11.ಮ ಮಾರ್ ಚೆಲಾವುತಿ ಸದಾ ಪಸ್ಕ ಖಾಯೇನ ಠಲೋ ಘರ್ ಕತ್ತ ಕನ್ ,ಬೋದಾಕರೆವಾಳೋ ತೋನ ಪೂಚರೋಛ ;ಕನ್ ಘರೇರ್ ಮಾಲಿಕೇನ್ ಕೋ . ^{12 13} 12.ಉ ಠಮ್ ಚಜಕೋ ಏಕ್ ಮೋಟೋ ಘರ್ ತಮೇನ ದಕಾಳಚ ;ಒತ್ತ ತಯ್ಯಾರ್ ಕರೋಕನ್ ಉನೇನ್ ಕೊ. 13.ಓ ಜಾನ್ ಉ ಉನೇನ್ ಕೊಜುಜ್ ದೆಕಲೆನ್ ಪಸ್ಕಾನ ತಯ್ಯಾರ್ ಕೀದೆ . ^{14 15 16} 14.ಉ ಘಡಿ ಆಯಿಜನಾ ಉ ಬಾರೆ ಆದ್ಮಿ ಅಪೋಸ್ತಲೆರ್ ಸಾತ್ ಖಾನೋ ಖಾಯೇನ ಬೇಟೆ. 15.ಜನಾ ಉ -ಮ ತಕ್ಲಿಪ್ ಪಾವುನಿ ಜೆರಾಂಗ್ ತಮೇತಿ ಸದಾ ಈ ಪಸ್ಕಾನ್ ಖಾವನೋಕೇನ್ ಘಣ್ ಆಸಕಿದೋ . 16.ಉ ದೇವೇರ ರಾಜೆಮಾ ಖಾವಜೆಲಗು ಉಜ್ಜಿ ಕನ್ನಾಯಿಜ್ ಓನ ಖಾವುನಿಕೇನ್ ತಮೇನ ಕೆರೋಚು ಕನ್ ಉನೇನ್ ಕೊ . ^{17 18} 17.ಜನಾ ಉ ಕಚೋಳಿನ ಪಾಲ್ಡೆನ ಸ್ತೂತಿಕರನ್ ತಮ ಎನ ಲೇಲೆನ್ ತಮೇಮಾ ವೇಟ್ಲೋ. 18.ಅಬ್ಬೆತಿ ದೇವೆರ ರಾಜ್ ಅವಜೆಲಗು ಮ ಅಂಗೂರೇರ್ ರಸ್ ಪಿಯೂನಿಕನ್ ತಮೇನ ಕೆರೋಚು ಕನ್ ಕೊ. ^{19 20} 19.ಪಚ್ಚ ಉ ಎಕ್ ಬಾಟಿ ಝಾಲೆನ್ ಸ್ತೂತಿಕರನ್ ಓನ್ ತೊಡನ್ ಉನೇನ ದೆನ್ -ಈ ತಮೇನ್ ದೆರೋಚುಜಕೋ ಮಾರ್ ಜಿವ್ದಾ ;ಮನ ಹರ್ದೆಲಾಯೇನ ಎನ್ ಕರೋ ಕನ್ ಕೋ . 20.ಖಾನೋ ಖಾಲ್ದೆ ಜೆರ್ಪಚ್ಚ ,ಉ ಕಚೋಳಿ ಝಾಲ್ಲೇನ್ ಈ ಕಚೋಳಿ ತಮಾರ್ ವಾಸ್ ರಡಜಕೋ ಮಾರ್ಲೋಯಿರ್ ನವೋ ಕರಾರ್. ^{21 22 23} 21.ಇದೇಕ್ ,ಮನ ಹವಾಲ್ ಕರೆವಾಳೋ ಮಾರ್ಸಾತ್ ಎ ಮೆಜೆಪರ್ ಛ. 22.ನಿಯಂಕಿದೇಜೆನ್ ನೈ ಮಕ್ಯಾರ್ ಬೇಟಾ ಚಲೋಜಾವ್ ಚ್ ಪಣ್ ಉ ಕೇರ್ ಹಾತೇತಿ ಹವಾಲ್ ಕರೆವಾಚಕೋ ಓರ್ ಹಾಲ್ ಕಾoಯಿ ಕು. 23.ಈ ಕಾಂ ಕರೆವಾಳೋ ಕುನ್ ಕೊ ಕನ್ ಉನೆಮಾ ಓ ಪೂಚೇನ್ ಸೂರುಕಿದೆ. ^{24 25} 24.ಉನೇಮಾ ಕುಣ್ ಮೊಟಾಕನ್ ಕೆರಾವಾಣೂಕೋ ಕನ್ ವಾದಿ ಉನೆಮಾ ಆಯಿ. 25.ಜನಾ ಉ ಉನೆನ ಹನೂಕೊ -ದೂಸರ ಜನೂಮಾ ರಾಜ್ ಉನೇರ್ ಹಕಂ ಕರೆವಾಳೋ ,ಭಲಾಯಿ ಕರೆವಾಳೋ ಕನ್ ಕೆರಾವಚ . ^{26 27} 26.ಪಣ್ ತಮ್ ಹನೂ ನರೇಣು ;ತಮೇಮಾ ಮೋಟೋ ನಾನಕ್ಯಾರ್ ನೈ ಹಕಂದಾರ್ ಸೇವಾ ಕರೆವಾಳೆರ್ ನೈ ರೇಣೂ. 27.ಮೋಟೋ ಕುಣ್ ;ಖಾಣೆರ್ ಹಾರೇಮಾ ಬೇಸೇವಾಳೋ ಕ ಸೇವಾಕರೆವಾಳೋ ?ಹಾರಿಮಾ ಬೇಸೆವಾಳೋಜ್ ಕೊನಿಕಾಂಯಿ ?ಪಣ್ ಮ ತಮಾರ್ ವಚ್ಚ ಸೆವಾಕರೆವಾಳೆರ್ ನೈ ಛು . ^{28 29 30} 28.ಮಾರ್ ಪರಿಚೋಮಾ ಮಾತಿ ಸದಾ ಚೋಜಕೋ ತಮಜ್. 29.ಜೆರ್ವಾಸ್ ಮಾರ್ ಬಾಪ್ ಮನ್ ರಾಜ್ ಕಿದೋಜು ಮಾರ್ ರಾಜೆಮಂ ಮಾರ್ ತಕ್ತಾ ಕನ್ನ ಖಾಪಿನ್ ತಕ್ತಾ ಪರ್ ಬೇಸನ್ ಇಸ್ರಾಯೇಲರ್ ಬಾರೆ ಗೋತೆವುನ್ ತಮ್ ನೇವ್ ಕರಿಯೋ. 30.ಮ ಸದಾ ತಮೇನ ರಾಜ್ ನಿಯಂ ಕರೋಚು. ^{31 32} 31.ಸಿಮೋನ್ ಸಿಮೋನ್ ಇದೇಕ ಸಾತಾನ ತಮೇನ ಪಕಡನ್ ಘಂವೂರ್ ನೈ ಸೋಟಾತಿ ಕುಟಣು ಕನ್ ಆಜ್ಞಾಪೂಚ್ಲಿದೋ ಪಣ್ , 32.ತಾರ್ ವಿಶ್ವಾಸ್ ನ ಜಾವಜು ,ಮ ತಾರ್ ವಾಸ್ ನೋರಾಕಿದೋ ತಾರ್ ಭಾಯಿವೂನ್ ಘಟ್ಕರ್ ಕನ್ ಕೋ. ^{33 34} 33.ಪಣ್ ಉ -ಪ್ರಭು ತಾರ್ ಸಾತ್ ಖೈದೆಮಾಜಾಯೇನ ಮರೇನ್ ಸದಾ ತಯ್ಯಾರ್ ಛು ಕನ ಕೋ. 34.ಜನಾ ಯೇಸು -ಪೇತ್ರೂ ಮನ್ ವಳ್ ಕೂನಿ ಕನ್ ತು ತಿನ್ ಹಪ್ತಾ ಕಜೆತಾಣು ಆಜ್ ಕುಕಡೋ ಬೋಲೇನಿ ಕನ್ ತೋನ ಕೆರೋಚು ಕನ್ ಕೊ. ^{35 36} 35.ಉಜ್ಜಿ ಉ ಕೊತಳಿ ಬೆಗಡಿ ಚೇಪಲು ನರಜು ಮ ತಮೆನ್ ಮೇಲೋಜನಾ ತಮೆನ್ ಕಾಂಯಿತೋಯಿ ಕಂ ವೆಗೊಕಾಂಯಿ ?ಕನ್ ಉನೇನ್ ಪೂಚೋ ಜನಾ ಓ ಕಾಂಯಿ ಕಂವೋ ಕೋನಿ ಕನ್ ಕೆ . 36.ಜೆರ್ವಾಸ್ ಉ -ಅಬ್ಬವತ್ತೋ ಪತೋಡಿಯಾ ಚಜಕೋ ಕೊತಳಿ ವೇಗ್ ಡಿ ಲೆಜಾವಣು ಚರಿ ಚೆನಿಜಕೋ ಓರ್ ಲತ್ತಾ ವೆಚನ್ ಚರಿನ ಮೋಲ್ ಲೇದ. ^{37 38} 37.ಉ ಕಸೂರ್ ಕಿದೇಜೆಮಾ ಎಕೆರ್ ನೈ ಕೆರಾಯಿ ಕನ್ ಲಕ್ ಮೇಲೆಜಕೋ ವಾತ್ ಮಾರೇಮಾ ವೇವಾಳ್ ಛ ;ಕಸನ್ ಕತೋ ,ಮಾರ್ ಖಬರೆರ್ ವಾತ್ ಪೂರೋವೆಜಾರಿಚಕನ್ ತಮೇನ್ ಕೆರೋಚು ಕನ್ ಕೊ . 38.ಓ -ಪ್ರಭೂ ,ಇದೇಕ್ ಅತ್ತ ದೀ ಚರಿಚ ಕನ್ ಕೊಜನಾ ;ದೇರ್ ಕನ್ ಉ ಉನೇನ್ ಕೊ ^{39 40} 39.ಪಚ್ ಉ ನಿಕಳನ್ ಓರ್ ಹೆವಾರ್ ನೈ ಓಲಿವಾರ್ ಗಟ್ಲಾನ ಡಗರ್ ಗೋ ,ಚೇಲಾ ಸದಾ ಓರ್ ಲಾರಗೆ, 40.ಉ ಓ ಜಾಗೇಪರ್ ಆಯೋಜನಾ ತಮ್ ಪರಿಚೂಮಾ ನಜಾವಜು ಅರಜ್ ಕರೋ ಕನ್ ಕೆನ್ , ^{41 42} 41.ಉನೇರ್ ಡಾoಯಿತಿ ಭಾಟಾ ಬಗಾವ ಅತ್ರಾದುರ್ ಜಾನ್ ಗೋಡಿವಾಳನ್ ಬಾಪೂ , 42.ಈ ಕಚೋಳಿ ಮಾರ್ ಡಾoಯಿತಿ ಕಾಣ್ಣಾಕೆನ್ ತಾರ್ ಖಾತರ್ ವಾತೋ ಕಾಣಾಕ್ ಪಣ್ ಮಾರ್ ಖಾತರ್ ಕೋನಿ; ತಾರ್ ಖಾತರಜ್ ವೆಜಾಯೇದ ಕನ್ ಅರಜ್ ಕಿದೋ . ^{43 44} 43.ಜನಾ ಸ್ವರ್ಗಲೋಕೆತಿ ಎಕ್ ಸೋಜಾ ಓನ್ ದಕಾನ್ ಓನ್ ಜೋರ್ ದಿನೋ . 44.ಉ ಭಾವೆಟಿ ಕರನ್ ಉಜ್ಜಿ ಜಾದಾ ಅರಜ್ ಕರ್ರೋಜನಾ ಓರ್ ಪರ್ ಸಿಣಾ ಜಮ್ಮಿ ಪರ್ ಪಡ್ರೆಜಕೋ ಲೋಯಿರ್ ಬೂoದೇರ್ ನೈ ವೇಗೋ . ^{45 46} 45.ಉ ಅರಜ್ ಥಾಮನ್ ಉಟನ್ ,ಓರ್ ಚೆಲಾಕೆನ್ ಆನ್ ,ಹಾಯಿತಿ ಸುತೆಜೇನ್ ದೇಕನ್, 46.ತಮಕಸ್ಸೇನ್ ಸುತೆಚೋ ?ಪರಿಚೋಮಾ ನಜಾವಜು ಉಟನ್ ಅರಜ್ ಕರೋಕನ್ ಉನೇನ್ ಕೋ . ^{47 48} 47.ಉ ಉಜ್ಜಿವಾತೆ ಕರೋರಜನಾ ,ಇದೇಕ್,ಜನೆರ್ ಮಳಾವ್ ದಕಾಯೋ ,ಬಾರೆ ಚೆಲಾಮಾ ಯೂದಾಕನ ಕೆರಾಯೇವಾಳೋ ಉನೇತಿ ಆಂಗ್ ಆನ್ ಯೇಸುನ್ ಚುಮ್ಮೆನ್ ಓರ್ ಡಾoಯಿ ಆಯೋಜನಾ , 48.ಯೇಸು -ಯೂದಾ ,ತು ಚುಮ್ಮನ್ ಮನಕ್ಯಾರ್ ಬೆಟಾನ್ ಹಾವಾಲ್ ಕರದೆರೋಚಿ ಕಾಂಯಿ ?ಕನ್ ಕೊಜನಾ , ^{49 50 51} 49.ಓರ್ ಘೇರನ್ ರಜಕೋ ವೆರೋಜೆನ್ ದೇಕನ್ ಪ್ರಭು ಚರಿತಿ ಕಾಟಾ ಕಾಂಯಿ ?ಕನ್ ಓನ್ ಪೂಚೇ . 50.ಅತ್ರಾಮಾ ಉನೇಮಾ ಎಕ್ಲೋ ಮೋಟ ಯಾಜಕೇರ್ ಬಾಂಯಾನ್ ಮಾರನ್ ಓರ್ ಜಮನೋ ಕಾನ್ ಕಾಟ್ನಾಕೋ. 51.ಪಣ್ ಯೇಸು -ಅಬ್ಬ ದೇರ್ ಕನ್ ಕೇನ್ ಓರ್ ಕಾನ್ ಚಿಫನ್ ಆಚೋಕಿದೋ . ^{52 53} 52.ಯೇಸು ಓನ ಪಕಡೆನ್ ಆಯೆಜಕೋ ಮೋಟೋ ಯಾಜಕೆನನ್ ಮೊಟೆವೂನ -ತಮ್ ಮೋಟೋ ಚೋರೆಪರ್ ಆಯೇಜು ಚರಿತಿನ್ ಡಾoಗೆತಿ ನಿಕಳನ್ ಆಯೇ ಕಾಂಯಿ? 53.ಮ ದಾಡಿ ತಮಾರ್ ಡಾoಯಿ ದೇವಳೆಮಾ ರೋಜನ್ ತಮ್ ಮನ್ ಪಕಡೆಕೋನಿ ,ಪಣ್ ,ಈ ತಮಾರ್ ಘಡಿಕನ್ ಅಂದಾರೇರ್ ಹಕಂಕನ್ ಕೋ. ^{54 55} 54.ಓ ಓನ್ ಪಕಡನ್ ಖೆಂಚನ ಮೋಟೋಯಾಜಕೇರ್ ಘರೆಮಾಯಿ ಲೇಗೆಜನಾ ಪೆತ್ರು ಘಣಮೇತಿ ಉನೇರ್ ಲಾರ್ ಅವತೋರ. 55.ಅತ್ರಾಮಾ ಥೋಡ್ಸೇಕ್ ಘರೆಮುಂದಾಗ್ ಅನ್ಗಾರ್ ಸಳಗಾಲೆನ್ ಘೆರನ್ ಬೇಟೆಜನಾ ಪೇತ್ರೂ ಸದಾ ಉನೇರ್ ವಚ್ಚ ಬೇಟೋ. ^{56 57 58} 56.ಜನಾ ಎಕ್ ಚೋರಿ ಓ ಅನ್ಗಾರೆರ ವಜಾಳೆಮಾ ಉ ಬೇಟೋ ಜೇನ್ ದೇಕನ್ ನಂಜರೆತಿ ದೇಕನ್ -ಈ ಸದಾ ಓತ್ತರ ಕನ್ ಕಿ . 57.ಜೆರ್ವಾಸ್ ಪೇತ್ರೂ -ಚೋರಿ ,ಮ ಓನ್ ವಳ್ಕೂನಿ ಕನ್ ಕೋ .ಉಜ್ಜಿ ಥೋಡ್ಸೇಕ್ ವಗತೆರ್ ಪಚ್ಚ ಉಜ್ಜೆಕೋ ಓನ್ ದೇಕನ್ , 58.ತು ಸದಾ ಉನೇಮಾ ಎಕ್ ಕನ್ ಕೊಜನಾ ಪೆತ್ರು-ಮ ಕೋನಿ ,ಕನ್ ಕೋ. ^{59 60} 59.ಕಂ ಜಾದಾ ಎಕ್ ಘಡಿ ವೇಗೆ ಜೆರ್ಪಚ್ಚ ಉಜ್ಜೇಕ್ -ಸಾಸಿಜ್ ಈ ಸದಾ ಓರ ಸಾತ್ ರ ಈ ಗಲಿಲಯಾರೋಕನ್ ಜೋರೆತಿಕೋ . 60.ಜೆರ್ವಾಸ್ ಪೆತ್ರು -ಅರೇ ತು ಕೊಜಕೋ ,ಮನ್ ಮಾಲಂ ಚೇನಿ ಕನ್ ಕೊ .ಉ ಉಜ್ಜಿವಾತೆ ಕರ್ತ್ತೋ ರಜನಾ ಜನಾಜ್ ಕುಕ್ ಡೋಬೋಲೋ . ^{61 62} 61.ಜನಾ ಪ್ರಭು ಫರಾನ್ ಪೆತ್ರು ಸಾಮು ದಿಟೋ ಜನಾ ಪೆತ್ರು -ಆಜ್ 62.ಕುಕಡೋಬೋಲೆನಿ ಜೇರಂಗ್ ತೋನ್ ವಳ್ಕೂನಿ ಕೆನ್ ಕೆಚಿಕನ್ ಪ್ರಭು ಓನ್ ಕೋಜಕೋ ವಾತ್ ಹರ್ದಲಾನ್ ಬಾರ್ ಜಾನ್ ಘನೋರೋಯೋ ^{63 64 65} 63. ಯೇಸುನ್ ಪಕಡೆಜಕೋ ಆದ್ಮಿ ಓನ್ ಠಟ್ಟಕರನ್ ಮಾರನ್ ಓರ್ ಮುಂಡೆಪರ್ ಘೂoಗ್ಟೋ ಘಾಲನ್, 64.ತೋನ್ ಮಾರೇಜಕೋ ಕುಣ್ ಕೋ ,ಕ ಕೆನ್ ಓನ್ ಪುಚನ್ ಓರ್ ಖಿಲಾಪ್, 65.ಉಜ್ಜಿ ವಾರ್ಸೆಕ್ ವಾತೆ ಭಾoಡೇ.ಯೇಸು ಮೋಟೋ ಯಾಜಕೆರ್ ಮುಂದಾಗ್ ಹುಬ್ರೇರ್ ^{66 67 68} 66.ಪರಾತಿವೇಗೋಜನಾ ಜನೂರ್ ಮೋಟನ್ ಮೋಟ್ ಯಾಜಕಾನ್ ,ಪಂಡಿತ್ ಸಬಾಕರನ್ ,ಓನ್ ಉನೇರ್ ಮೋಟೋ ಸಬಾರ್ ಮುಂಡಾಗ್ ಲೆಜಾನ್ , 67.ತು ಕ್ರಿಸ್ತು ವಸ್ತೋ ಹಾಮಾನ ಕ ಕನ್ ಕೆ ಉ -ಮ ತಮೇನ್ ಕುತೋ ತಮ್ ಮಾನೋನಿ, 68.ಅತ್ರಾಜ್ ಕೋನಿ ,ಮ ತಮೇನ್ ಪೂಚುತೋ ತಮ್ ಮನ ಜವಾಬ್ ದೋನಿ. ^{69 70 71} 69.ಅಬ್ಬೇತಿ ಮನಕ್ಯಾರ್ ಬೇಟಾ ಜೋರ್ ಚಜಕೋ ದೇವೇರ್ ಜಮಣ್ ಪಾಕತಿಮಾ ಬೇಸಚ ಕನ್ ಉನೇನ್ ಕೊ . 70.ಜನಾ ಓ ಸೇ-ಹನುವತೋ ತು ದೇವೆರ್ ಬೇಟಾ ಕಾಂಯಿ ಕನ್ ಪೂಚೆಜನಾ ಉ -ತಮ್ ಕೇಜು ಮಜ್ ಉಕನ್ ಉನೇನ್ ಕೊ . 71.ಓ ಅಪಣೆನ್ ಉಜ್ಜಿ ಗವಾಯಿತಿ ಕಾಂಯಿ ಕಾಂ ಅಪಣ್ ಓರ್ ಮೂoಡೇರ್ ವಾತ್ ಸಾಮ್ಳೆ ಕೊನಿಕಾoಯಿ ?ಕನ್ ಕೇ.